باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
بۉت ماملەكەت بويۇنچا قار جىلعاياقتوو جولۇ ەڭ چوڭ قار جىلعاياقتوو مايدانى كۅكتوقويدو تئجارات باشتادى
   2018-11-29 10:54:52     xjbs   

بۉت ماملەكەت بويۇنچا قار جىلعاياقتوو جولۇ ەڭ چوڭ قار جىلعاياقتوو مايدانى كۅكتوقويدو تئجارات باشتادى.

. -11 ايدىن 26- كۉنۉ كۅكتوقوي وودانى التاي تووسۇ كۅكتوقوي ەل ارالىق قار جىلعاياقتوو مايدانى تئجارات باشتادى، اتالعان قار جىلعاياقتوو مايدانىنىن 1000 مەتىرلۉۉ قار جولۇ ماملەكەت بويۇنچا ەڭ ۇزۇن بولۇپ، قىشقى ولىمپىك قار تۉرۉنۉن اجاتىن تولۇق قاناتتاندىرا الات، وشوندوي ەلە ماملەكەتىبىزدىن بەيجىن قىشقى ولىمپىك چەبەرلەرىن ماشىق قىلدىرۇۇچۇ باازاعا ايلانۇۇسۇنان ۉمۉت بار ەكەن.

التاي ىستانسىياسى قابارچىسى ەلىسحان، ۋاڭ جئڭرۇ، بۇرۇلتوقوي ىستانسىياسى قابارچىسى شالعاردىن قابارى.

ماملەكەت بويۇنچا ەڭ چوڭ قار جىلعاياقتوو مايدانى تئجارات باشتاپ، جۇڭگونۇن تۇنعۇچ دۉينۅلۉك قار جىلعاياقتوو چىمپىيونۇ گو داندان قاتارلۇۇ كۅپتۅگۅن ماملەكەت ئچى- سىرتىنداعى قار جىلعاياقتووعو قىزىعۇۇچۇلاردى ەلىكتىردى. كۅپچۉلۉك 1000 مەتىرلۉۉ قار جولۇندا جوعورۇ داراجالۇۇ قار جىلعاياقتوو ۅنۅرلۅرۉن كۅرسۅتتۉ.

اتايىن بەيجىندەن كەلگەن جاڭ يۉ  قابارچىعا مىنداي دەدى:« قار جولۇ ابدان ۇزۇن بولۇپ، باشقاچا سەزىم بەرەت ەكەن، مۇردا قار جىلعاياقتوو مايداندارىندا 10 مئنوتتو چىعىپ، بئر قانچا سەكونتتا ەلە تۉشۉپ بولچۇبۇز، بئروق بۇل قار جىلعاياقتوو مايدانى وقشوبويت ەكەن، قار جىلعاياقتاپ تۉشۉۉبۉزگۅ 6،7 مئنوت، اندان دا ۇزۇن ۇباقىت كەتەت ەكەن، قار جولۇنۇن كۅپ بۅلۉگۉ تالاا قار رايونۇ بولعوندۇقتان تابئياتتان ۉزۉر الىپ، قار الىپ كەلگەن قۇبانىچتان بارىلانا الات ەكەنبىز، مىندان قار جىلعاياقتوو مايدانى باشقا جەردە دەلە كۅپ ەمەس». كۅكتوقوي ەل ارالىق قار جىلعاياقتوو مايدانى كۅكتوقوي شئنجوڭشان كۅرك رايونۇنا جايعاشقان، كۅكتوقوي بازارى مەنەن بولعون ارالىعى 18 كىلومەتىر كەلىپ، دەڭىز دەڭگەەلىنەن ەك بىيىك جەرىنىن بىيىكتىگى 3100 مەتىر، تىك تۉشۉۉ ايرىماسى 1200 مەتىر، قار جىلعاياقتوو مايدانىنىن ۉچ جاعى توولور مەنەن قۇرچالىپ، 43 قار جولۇ بار بولۇپ، قار جولۇنۇن جالپى ۇزۇندۇعۇ 58 كىلومەتىر ەكەن، ال ەمى 2019- جىلى بۉتكۅندۅن كىيىن ماملەكەتتەگى قار جولۇ ەڭ كۅپ قار جىلعاياقتوو مايدانىنا ايلانۇۇسۇ بوجومولدونعون.

 كۅكتوقوي ەل ارالىق قار جىلعاياقتوو مايدانى ولىمپىك جارىش مايدانى بويۇنچا جاسالعان بولۇپ، بۉتكۅندۅن كىيىن بىيىك توو قار جىلعاياقتوو بويۇنچا ۅزگۅچۅ بۇرۇلۇشتۇ جىلعاياقتوو، چوڭ ايلانۇۇ، ايلانۇۇ سىياقتۇۇ جارىشتاردى ۅتكۅرسۅ بولوت ەكەن، ۇچۇردا قۇرۇلۇپ جاتقان 1- نومۇرلۇۇ قار جولۇنۇن ۇزۇندۇعۇ 4.5 كىلومەتىر بولۇپ، قىشقى ولىنپىك بىيىك توو تەز جىلعاياقتوو تۉرۉنۉن اجاتىن قاندىرات الات ەكەن. كۅكتوقوي ەل ارالىق قار جىلعاياقتوو مايدانى قۇرۇلعاندان كىيىن كۅكتوقوي كۅرك رايونۇنۇن قىشقى ساياقات بوشتۇعۇن تولۇقتاپ، «قىشتا قار جىلعاياقتوو، جايدا ەس الۇۇ»داي تۅرت مەزگىلدىك تئجاراتتى قالىپتاشتىرىپ، قىشقى، جايقى تئجارات ىقماسىن جاراتقان.

 بۇرۇلتوقوي ووداندىق پارتكومدۇن تۇراقتۇۇ مۉچۅسۉ، دايىمدۇۇ ىشتەر ورۇن باسار باشچىسى يۉ گۇاڭپۇ مىنداي دەدى:« بۇل قار جىلعاياقتوو مايدانىن قۇرۇۇ ارقىلۇۇ شئنجاڭدى دۉينۅلۉك جارىشتاردى ۅتكۅرۉۉ الۇۇ شارتىنا ەە قىلابىز، كەلەر جىلى 4 فۇنىكۇيور ورنوتۇپ، قار جابدۇۇلارى زالىن قۇرۇپ، قار جىلعاياقتوو مايدانىنىن 5000 ادام كۉتۉپ الاتۇرعان قىلىپ قۇرۇپ چىعابىز، ازىر بئز اپتونوم رايوندۇق دەنە- تاربئيا مەكەمەسى جانا ماملەكەتتىك قىشقى دەنە اراكەتتى باشقارۇۇ بوربورۇ مەنەن بىرگەلەشىپ، چىمىرقانىپ 2022- جىلدىق قىشقى ولىمپىك چوعۇلۇشۇنداعى ماملەكەت چەبەرلەرىنىن بۇل جەرگە كەلىپ ماشىق قىلۇۇسۇن قولعو كەلتىرەبىز، اندان باشقا قار جىلعاياقتوو مايدانىن مىندان كىيىن دىيقانداردىن كىرەشەسىن اشىرىپ بايىتۇۇ بەشىگىنە ايلاندىرىپ، ساياقات ارقىلۇۇ كەمباعالدىقتان ارىلتۇۇ چابۇۇلۇن تۉرتمۅكتۅۅدۅ ىلگەرى سۉرۉۉ رولۇن اتقارابىز».

 

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.