باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ۋانحى جاڭى قىشتاعى باقتىلۇۇ جاڭى تۇرمۇشۇن باشتادى
   2018-11-30 22:59:30     xjbs   

    
 باشقا جەرگە كۅچۉرۉپ كەمباعالداردى جۅلۅۅ ورۇنداشتىرۇۇ تۉيۉنۉ قاتارى، گۇما وودانى موكۇيلا ايىلى ۋانحى جاڭى قىشتاعى «شەرىكتىك + بازا + كەمباعال تۉتۉندۅر» دۅن تۇرعان جاڭىچا تئجارات باشقارۇۇ فورماسىن قولدونۇپ، كۅچۉرۉۉگۅ چاتىشتۇۇ گۇما وودانىنداعى 8 ايىل-شاارچاداعى ارحئپ تۇرعۇزۇپ كارتا بۉتۉرگۉن 597 تۉتۉنگۅ قاراتا «كۅچۉرۅ الۇۇ، تۇرۇقتۇۇ قونۇشتاندىرۇۇ، بايىتا الۇۇ» نئشانىن ئش جۉزۉنۅ اشىردى.  ىستانسىيابىز قابارچىسى لئيۇچىياڭدىن قابارى:
      ۋانحى جاڭى قىشتاعىنا كىرە بەرىشتە، سول جاعىنداعى قاتار تىزىلۉۉ تۇرعان كەمباعالدارعا ارنالۇۇ سالىپ بەرگەن مايدا جەمەكتىكتەر دۉكۅنۉ جانا تۉردۉۉ بۇيۇمدار دۉكۅنۉ اياباي كۅزگۅ تارتىلات، وڭ جاعىندا  4 قاباتتۇۇ 10 قانچا بىيىك-بىيىك تۇرعۇنداردىن ۉيۉ تەپتەكشى، ورتوسۇنداعى مادانئيات ايانتىندا ار تۉردۉۉ دەنە تاقشالتۇۇ شايماندارى تولۇق تۇرات. ۋانحى جاڭى قىشتاعىنىن پارتئيا ياچايكا شۇجئسى ياڭ جئڭ مىنداي دەدى: «دىيقاندار كىرسە بئر جۉرۉش 80 چارچى مەتىرلىك ۉيدۉ اقىسىز بەرەبىز، داعى بئر ىلىمتا باستىرما، قوي قوروو، 3 مو جەر بەرەبىز، دىيقاندار ەمەرەك- كەچەسىن الىپ ەلە كىرسە بولوت.»

       ۋانحى جاڭى قىشتاعىنا جالپى 299 مئللىيون يۇان قارجى سالىنىپ، 2017- جىلى 8- ايدا قۇرۇلۇشتۇ باشتاپ، بىيىل 5- ايدا  بۉتگۅن، تۇرمۇشتۇق، ەگىنچىلىك، باقماچىلىق، جامااتتىق تەيلۅۅدۅن تۇرعان 4 رايونعو بۅلۉنگۅن. مۇنۇن ىچىندە، ەگىنچىلىك رايونۇندا جابدۇۇلۇۇ دىيقانچىلىق ىلىمتا باستىرماسىنان 640 ى بار، باقماچىلىق رايونۇندا 100 مال قوروسۇ بار، جامااتتىق تەيلۅۅ رايونۇ قىشتاق كومىتەتى، بالدار باقچاسى، سالاماتتىقتى ساقتوو ۉيۉ، مادانئيات قىيمىل ۉيۉ قاتارلۇۇلاردى ۅز ىچىنە العان. مەمەت تۇردى بىيىل جىل باشىندا 1- تۉركۉمدۅ گۇما وودانىنىن سانجۇ ايىلىنان ۋانحى جاڭى قىشتاعىنا كۅچۉپ كەلگەن قىشتاق تۇرعۇنۇ، انىن ۉيۉنۅ كىرگەندە، پار قويۇلعان ۉيلۅرۉ اياباي جىلۇۇ بولۇپ، ىلگەركى تۇرمۇش شارتىنا سالىشتىرعاندا، ال مىنداي دەدى: «ۅزگۅرۉش اياباي چوڭ، بئر ۉيدۅكۉلۅر تۉشۉبۉزدۅ داعى مىنداي جاقشى ۉيگۅ كۅچۉپ كىرەبىز دەپ ويلوعون ەمەسبىز. قىشتا مەش جاعۇنۇن كەرەگى جوق ەكەن، سۇۇ، ەلەكتىر، پار باارى ىڭعايلۇۇ ەكەن، سۇۇ ىسىتقىچ بەكىتتىك ار ۇباقىت جۇۇنۇعا بولوت ەكەن، داعى مۇزداتقىچ، كىر جۇۇعۇچ ساتىپ الدىم، تۇرمۇشۇم باقتىلۇۇ، قام ساناباس بولدۇم.»
   
  بەيپىل قونۇشتاندىرۇۇعا كەپەلەتتىك قىلۇۇ مەنەن قاتارى، ۋانحى جاڭى قىشتاعى ار بئر تۇرعۇنعا چاربا جاراتۇۇ، جۇمۇشقا ورۇنداشتىرۇۇ شارتىن جاراتىپ بەردى، ار بئر ۉيگۅ سەپتەگەن باقماچىلىق قورووسۇ جانا جابدۇۇلۇ دىيقانچىلىق ىلىمتا باستىرماسى ارقىلۇۇ ەگىنچىلىك، باقماچىلىقتى ۅنۉكتۉرۉسۅ بولوت، ارى اقىلۇۇ تۉردۉ كەرقانالاردىن وبوروت قىلۇۇسۇنا بەرىپ، ۅزۉ كەرقانالارعا بارىپ جۇمۇشقا ورۇنداشسا بولوت. بۉگۉنكۉ كۉندۅ، مەمەت تۇردى ەر-ايال ەكۅۅ تەڭ گۇما وودانى فاڭيۇان جاشىل ايىل چاربا ئلىم-تەحنىكا اچىپ ۅنۉكتۉرۉۉ چەكتۉۉ شەرىكتىگى مەنەن ەمگەك توقتومۇن تۉزۉشۉپ، ىلىمتا باستىرمادا جاشىلچا ەگۉۉ تەحنىكاسىن ۉيرۅنۉپ، ەكۅۅ ار ايدا 5000 يۇانعا جۇۇق مايانا الات. مەمەت تۇردى مىنداي دەدى: «بىيىل ىلىمتا باستىرمادا جاشىلچا ەگۉۉنۉ ۉيرۅندۉم، قىزىل مىلىق، قالەمپىر، باقلاجان، مايلۇۇ بەيسەيدەن مول تۉشۉم الدىق، كىرەشەبىز مۇرداعىدان اشتى، اياباي قۇبانىپ تۇرام.» 
       ازىرعا چەيىن، «ۋانحى جاڭى قىشتاعىنىن باشقا جەرگە قوتورۇپ كەمباعالداردى جۅلۅۅ كۅچۉرۉۉ تۉرۉ»نۅ چاتىشتۇۇ بولعون گۇما وودانىنداعى 8 ايىل-شاارچادان كەلۉۉچۉ 597 تۉتۉن 2890 ادامدىن باارىن كۅچۉرۉپ كەلگەن، وشوندوي ەلە ار بئر تۉتۉندۅن از بولعوندو بئر ادامدى جاقىن ايلانادا جۇمۇشقا ورۇنداشتىرعان. ۋانحى جاڭى قىشتاعىنىن پارتئيا ياچايكا شۇجئسى ياڭ جئڭ مىنداي دەدى: «ازىر 792 ادامدىن جۇمۇشقا ورۇنداشتىرۇۇ ماسەلەسىن چەچتىك، بئر ۉيدۅن از بولعوندو 1 ادام جۇمۇشقا ورۇنداشتى. بئز 2، 3 جىل كەرقانادا تاربئيالانعاندان كىيىن، دىيقاندار ۅزدۅرۉ ىلىمتا باستىرمادا ەگە الا تۇرعان، ۅزدۅرۉ ئلىمى باعا الا تۇرعان قىلىپ، ىلىمتا باستىرمادا ۅستۉرگۅن مۅمۅ جانا جاشىلچالاردى، قور قورووسۇندا باققان قويلوردۇ بازار بااسىندا كەرقانالارعا ساتىپ بەرىپ، ›كۅچۉرۅ الۇۇ، تۇرۇقتۇۇ قونۇشتاندىرۇۇ، بايىتا الۇۇ› نۇ ىشكە اشىرۇۇنۇ ماقسات قىلدىق.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.