باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
زىيانسىز تاتتۇۇ قارتۅشكۅ اتاقتۇۇ ماركەسىن باشتادى
   2018-11-30 23:06:34     xjbs   

    قورعوس وودانى كۉرۅ شاارچاسى اق ۅستۅڭ (حۇاڭچۉ) قىشتاعىنىن تۇرعۇنۇ جاڭ شئياۋلئن  ۇزۇن مەزگىل جۅرۅلگۅلۉۉ سورتتۇۇ زىيانسىز تاتتۇۇ قارتۅشكۅنۉ ۅستۉرۉۉدۅ بەكەم تۇرعان، ەل چىمىرقانىپ ەگىپ ارى كۅڭۉل قويۇپ جەتىشتىرىپ باشقارىپ، ىلە وبلاستىنداعى العاچقى ايىل- چاربا تۉشۉمدۅرۉ ساپاتىن سۉرۉشتۉۉ بەلگىسى قويۇلعان تاتتۇۇ قارتۅشكۅ ۅستۉرۉۉچۉگۅ ايلاندى.  ىلە رادىيو ىستانسىياسىنىن قابارچىسى جاڭ يۉنۉن قابارى:

       جىلداقىعا وقشوبوعونۇ، بىيىل جاڭ شئياۋلئن  ساتقان تاتتۇۇ قارتۅشكۅلۅردۉن ۉستۉندۅ «شئنجاڭ قورعوس وودانى ايىل- چاربا تۉشۉمدۅر ساپات قووپسۇزدۇعۇن سۉرۉشتۉرۉۉ بەلگىسى» چاپتالعان، كەرەكتۅۅچۉلۅر تەك چۅنتۅك تەلەفون ارقىلۇۇ بەلگىدەگى چاار دارەكتى سىكانىرلاسا ەلە، بۇل قارتۅشكۅلۅردۉن ىچكەلەي ماالىماتىن كۅرسۅتۉپ بەرە الات. جاڭ شىياۋلئن  مىنداي دەدى: بۇل ىزىگىن قىلۇۇنۇن جاقشى جەرى ايىل چاربا تۉشۉمدۅرۉ ماالىماتىن تەكشەرۉۉگۅ بولوت، بارىشىنىن ئزىن قۇۇپ، جووپكەرچىلىگىن تاقتووعو بولوت. 

     اق ۅستۅڭ (حۇاڭچۉ) قىشتاعى قورعوس وودانىنداعى اتاقتۇۇ «تاتتۇۇ قارتۅشكۅ قىشتاعى»، اندان چىققان تاتتۇۇ قارتۅشكۅلۅردۉ قابىعى جىلماقاي، تۉسۉ اچىق، ازىقتىعى مول، داامدۇۇ، ار قايسى جەردەگى كەرەكتۅۅچۉلۅردۉن ابدان جاقتىرۇۇسۇنا ەە بولعون. جاڭ شىياۋلئن دىن تاتتۇۇ قارتۅشكۅ ۅستۉرگۅنۉنۅ 20 جىل بولۇپ قالدى، ال  ۅستۉرگۅن قارتۅشكۅلۅردۉن بااردىعى مۇرداعى اتاقتۇۇ سورتتور، مۇرداعى اتاقتۇۇ سورتتور جۇمشاق، تاتتۇۇ، ۇزۇن ساقتووعو بولوت، بئروق تۉشۉم مۅلچۅرۉ سالىشتىرمالۇۇ تۅمۅن. جاڭ شىياۋلئن  مىنداي دەدى: تاتتۇۇ قارتۅشكۅ ۅستۉرۉۉ باشقا ەگىندەردى ەككەنگە وقشوبويت، بئزدىن بۇل كىشى قولدۇۇ ماشقۇلاتىبىز سالىشتىرمالۇۇ كۅپ، كۅپ جۇمۇش كەتەت، كىشى قولدۇۇ ىشتەگەندىن ۅزدۉك نارقى جىلسايىن جوعورۇلوودو، بئروق بئزدىن ساتقان باابىز جوعورۇلاعان جوق.    

       جۅرۅلگۅلۉۉ ەسكى سورتتوعۇ تاتتۇۇ قارتۅشكۅلۅردۉ ۅستۉرۉۉ ۅزدۉك نارقى جوعورۇ، تۉشۉم مۅلچۅرۉ سالشىتىرمالۇۇ تۅمۅن، وشول سەبەپتۉۉ، ۇشۇل جىلداردا،  اق ۅستۅڭ (حۇاڭچۉ) قىشتاعىنداعى كەە بئر دىيقاندار تۉشۉم ۅلچۅمۉ جوعورۇ بولعون باشقا جەردىن سورتتورۇن الىپ كەلدى، بئروق جاڭ شىياۋلئن مىنداي ىشتەگەن جوق، ال باشتان- بويعو ەسكى اتاقتۇۇ تۉردۅگۉ تاتتۇۇ قارتۅشكۅ ۅستۉرۉۉدۅ بەكەم تۇردۇ، ارى قاردارلارى كۅپ بولدۇ، جەرگىلىكتىن ساتۇۇ سووداگەرلەرى ىزدەپ كەلىپ ساتىپ الىپ ەلە قالباي، ۉرۉمچۉ، شىحانزا، تارباعاتاي سىياقتۇۇ جەرلەردەگى سووداگەرلەر داعى ساتىپ الدى. جاڭ شىياۋلئن مىنداي دەدى: كەرەكتۅۅچۉلۅر ابدان تاتتۇۇ، جەگىلىكتۉۉ ەكەن دەشتى، بۇل بئزدىن 20 جىلدان بەرى ۇلاندۇۇ ۇشۇل سورتتو بەكەم تۇرعانىبىزدىن سەبەبى. 
     
     كۉرۅ تاتتۇۇ قارتۅشكۅسۉنۉن اتاقتۇۇ ماركەسى جوق، وروموسۇنا داعى ماانئى بەرىلبەگەن، كەە بئر الى- ساتارلار التۉگۉل سىرتتىن تاتتۇۇ قارتۅشكۅسۉن كۉرۅ تاتتۇۇ قارتۅشكۅسۉ دەپ ساتقان، بۇل جاڭ شىياۋلئن دىن بارعانسايىن  تىنچىن الدى. جاشىل زىيانسىز تۉشۉم ۅندۉرۉۉ ۉچۉن، جاڭ شىياۋلئن  ووداندىق دىيقانچىلىق تەحنىكا تۉشۉمدۅردۉ تارماقتارىن ىزدەپ، ماملەكەتتىن زىيانسىز ايىل- چاربا تۉشۉمدۅرۉ ۅلچۅمۉنۅ شاي كەلگەن تاتتۇۇ قارتۅشكۅ  ۅستۉرۉۉنۉ تالاپ قىلدى. 8- ايدا، قاتىشتۇۇ تارماقتار دىيقانچىلىق تەكشەرۉۉسۉنۅن كىيىن، اعا ايىل- چاربا تۉشۉمدۅرۉ قووپسۇزدۇعۇ ساپاتى ىزىگىن قىلۇۇ بەلگىسىن تاراتىپ، جاڭ شىياۋلئن  ىلە دايراسى ۅرۅۅنۉندۅگۉ العاچقى ايىل- چاربا تۉشۉمدۅرۉ ساپاتى ىزىگىن قىلۇۇ بەلگىسى بار تاتتۇۇ قارتۅشكۅ ۅستۉرۉۉچۉگۅ ايلاندى. جاڭ شىياۋلئن  مىنداي دەدى: كىيىنكى قادامدا مەن توۋار ماركەسىن تىزىمگە الدىرىپ، كۉرۅ تاتتۇۇ قارتۅشكۅسۉن ىلە وبلاستىنداعى ۅزگۅچۅ وزوت ساپاتتۇۇ تۉشۉمدۅر ىچىندە بەلگىلۉۉ ورۇنعا ەە قىلام. كەرەكتۅۅچۉلۅردۉن مويۇندووسۇنا ەە بولۇۇ بئز ۅستۉرۉۉچۉ چوڭ تۉتۉندۅردۉن قۇبانچى. بۇل تاتتۇۇ قارتۅشكۅنۉن تۉشۉم مۅلچۅرۉ جوعورۇ بولبوسو داعى، بئروق بئزدىن ىشەنىمىبىز بار، بۇل جۅرۅلگۅلۉۉ رايون مۉنۅزۉنۅۅ ەە بولعون جەرگىلىكتۉۉ ۅزگۅچۅ تۉشۉمدۉ ۇلاندۇۇ ەگىپ، جاشىل ورگانىك زىيانسىز ايىل- چاربا تۉشۉمۉنۅ ۅنۉكتۉرۅبۉز.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.