باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جاڭى ەنەرگىيا تۅمۅن كۅمۉر تەكتۉۉ جاڭى تۇرمۇشقا باشتادى
   2018-11-30 23:17:30     xjbs   

   اپتونوم رايونۇبۇز ەلەكتىر تورۇ قۇرۇلۇشۇ ارقىلۇۇ تازا ەنەرگىيانى كۅلۅمدۅشكۅن ساپاتتۇۇ سەپتۅۅ ارقىلۇۇ، ەلەكتىر ارقىلۇۇ ىسىتۇۇ، جاڭى ەنەرگىيالۇۇ اۋتو ۇناا قاتارلۇۇلاردى قاراپايىم ەلدىن ۉيلۅرۉنۅ ۇرعاال كىرگىزىپ، الاردىن تۇرمۇشۇن تۅمۅن كۅمۉرتەكتۉۉ،ابدان تازا قىلدى. 

       كۉندۉن سۇۇي باشتاشىنان ۇلام، 11-ايدا شئنجاڭ جارىم جىلعا سوزۇلعان پار بەرۉۉ مەزگىلىنە كىردى.
 
     بىيىل قىش كىرۉۉدۅن مۇردا، ان شىڭجىن ۉيۉندۅكۉ ەسكىچە پەچتى ەلەكتىر مەنەن ىسىي تۇرعان پارعا الماشتىرىپ، ۉي ئچىنىن تەمپۇراتۇراسىن 22 گرادۇسقا تۇرۇقتۇۇ تەسكەدى. ال قابارچىعا مىنداي دەدى: مەشكە كۅمۉر جاققان ۇباراچىلىق، ار كۉنۉ ۉيگۅ  كۅپ كۅمۉر تاشىيسىڭ، ازىر كۅمۉر البايبىز، انى باسساڭىز ەلە ۅزۉ ىسىيت، ەپتۉۉ داعى، كۅمۉر جاققانعا قاراعاندا دەلە قووپسۇز.

    شامال، كۉن نۇرۇ بايلىعى مول بولعوندۇقتان دابانچىڭ رايونۇ اپتونوم رايونۇبۇزدۇن زارىل جاڭى ەنەرگىيا بازاسى بولۇپ ۅنۉكتۉ.  گاز مەنەن ەلەكتىردى ۅزارا تولۇقتوو، ۉيلۅرگۅ ايرىپ ەلەكتىر مەنەن ىسىتۇۇ قاتارلۇۇ كۅپ ۇيۇلداشقان جانا كۅپ ەنەرگىيا ۅزارا تولۇقتالعان ىقمالار ارقىلۇۇ دابانچىڭ رايونۇ تازا ەنەرگىيانىن ەلدىن ۉيلۅرۉنۅ كىرۉۉسۉن تىنباي جىلىشتاتتى. ازىرعا چەيىن 850 مئڭ چارچى مەترلىك تازا ەنەرگىيالۇۇ پار بەرۉۉ ۉلگۉ قۇرۇلۇشۇن بۉتۉردۉ.

    ازىر اپتونوم رايونۇبۇزدۇن تازا ەنەرگىيالۇۇ گەناراتور سىيىمدۇۇلۇعۇ 27 مئليون 670 مئڭ كىلوۋاتقا جەتىپ، جاڭى ەنەرگىيانىن گەناراتور سىيىمدۇۇلۇعۇ شئنجاڭدىن ەلەكتىر تورۇ جالپى گەناراتور سىيىمدۇۇلۇعۇنۇن %32ىن تۉزۉپ، ماملەكەت بويۇنچا 2-ورۇندا تۇردۇ. تۉشتۉك شئنجاڭدىن 750 كىلوۋولتتۇق ەلەكتىر تورۇن ۇزارتىپ تولۇقتاپ كۉچۅتۉۉ قۇرۇلۇشۇنان ۇلام،تۉندۉك جۇڭعار-ۉرۉمچۉنۉن تۉندۉگۉنۅكۉ 750 كىلوۋولتتۇق ۅزگۅرمۅلۉۉ ەلەكتىر جەتكىزۉۉ قۇرۇلۇشۇ باچىم قۇرۇلۇپ، 750 كىلوۋولتتۇق ەلەكتىر تورۇ  تۉندۉكتۅ تارباعاتايعا، تۉشتۉكتۅ حوتەنگە چەيىن ۇزارتىلىپ، بۉت شئنجاڭدىن ەلەكتىر تورۇنۇن بايلىقتى تەسكۅۅ قۇرباتى كۅرۉنۉكتۉۉ جوعورۇلاپ،«شئنجاڭدى ەلەكتىرلەشتىرۉۉ» قۇرۇلۇش قادامىن ۅنۉمدۉۉ باچىمداتتى. بىيىل ۉرۉمچۉ شاارىندا 100 ەلەكتىرماتورلۇۇ تاكسى، 10 نۇقۇرا ەلەكتىر ماتورلۇۇ كۅچۅ اپتوبۇز ىشتەتۉۉگۅ بەرىلدى؛ حوتەن ايماعىنداعى تۇنعۇچ تۉركۉمدۅكۉ نۇقۇرا ەلەكتىر ماتورلۇۇ 60 تاكسى حوتەن شاارىندا ىراسمئي تىجاراتقا كىرىشتى. قومۇل شاارى ەلەكتىر ماتورلۇۇ اپتۇنالاردى بىردەمجىي جايىلدىرۇۇ نەگىزىندە، ەلەكتىر تولۇقتووچۇ مامى قۇرۇلۇش تەمپىن باچىمداتىپ، چوردوندۇۇ ەلەكتىر تولۇقتوو مامىسىنان 500 دۉ، تاراقاي ىڭعايداعى ەلەكتىر تولۇقتوو مامىسىنان 159دۇ جوسپورلوپ قۇرۇپ، قومۇل  شاارىنىن ەلەكتىر ماتورلۇۇ اپتۇنالارىنىن ەلەكتىر تولۇقتوو تالابىن قاندىردى. ۉرۉمچۉ شاارى حوڭگۇاڭشان ەلەكتىر تولۇقتوو پۇنكىتىندە يۉ ايىم ەلەكتىر ماتورلۇۇ ماشىناسىنا ەلەكتىر تولۇقتاپ جاتقان ەلە،  1 ساات 37 مىنوتتو ەلەكتىر تولۇقتالىپ، انى مەنەن 170ــ 200 كىلومەتىر جول جۉرۉۉگۅ بولوت. ال مىنداي دەدى: جۉرگۅندۅ اداتتاعى ماي قۇيعانعا قاراعاندا، ەلەكتىرماتوردۇن ۉنۉ جوق، ماشئنادا ولتۇرساڭ ابدان تىنچ. چۅيرۅبۉزدۉ قورعوپ، اتموسفەرا بۇلعانۇۇسۇن ازايتات، ۉرۉمچۉدۅ ۇشۇنداي ەلەكتىر تولۇقتوو مامىلارىنىن كۅبۅيۉشۉن ۉمۉت قىلام.

     جاڭى ەنەرگىيالۇۇ اپتوۇنالاردان سىرت، اپتونوم رايونۇبۇز داعى رەلىستۉۉ قاتتوو، نەفىت چالعىندوو، ۇراقجايدىن قوشۇمچا قوزعوتۇۇ كۉچۉن قۇراشتىرۇۇ قاتارلۇۇ سالالاردا «نەفىتتىن وردۇن ەلەكتىرگە باستىرۇۇ» قۇرۇلۇشۇن اتقارىپ، ازىرعا چەيىن ەلەكتىر بويۇنچا ورۇن الدىرۇۇ تۉرلۅرۉنۅن 14مئڭ تۉردۉ جولعو قويدۇ. ماملەكەتتىك ەلەكتىر تورۇ شئنجاڭ ەلەكتىر قۇباتى شەرىكتىگى تئجارات بۅلۉمۉنۉن بازاردى اچىپ باشقارۇۇ ىنجەنەرى مالىي مىنداي دەدى: ازىر ماملەكەتتىك ەلەكتىر تورۇ شئنجاڭ ەلەكتىر قۇباتى شەرىكتىگى داعى ەلە ەلەكتىرلۉۉ پار بەرۉۉ، ەلەكتىر ماتورلۇۇ اپتوۇنالاردى جايىلدىرۇۇ، ۅنۅر جاي سالااسىندا ەلەكتىرلۉۉ پەچ، ايىل-قىشتاقتاردى ەلەكتىرلەشتىرۉۉ، ۉي-بۉلۅلۅردۉ ەلەكتىرلەشتىرۉۉ جانا كۅمۉر جاعۇۇچۇ ەلەكتىر ىستانسىياسى،تازا ەنەرگىيا ارقىلۇۇ ورۇن الدىرۇۇ قاتارلۇۇ جاقتارداعى قاتىشتۇۇ قىزماتتاردى ىشتەپ جاتات. كىيىنكى قادامدا ماملەكەتتىك ەلەكتىر تورۇ شئنجاڭ ەلەكتىر قۇباتى شەرىكتىگى  تۉردۉۉ ەلەكتىر باسىم داراجالۇۇ ەلەكتىر قۇرۇلۇشۇن ۇلاندۇۇ دىلگىر جىلىشتاتىپ، تىقانداشقان تەسكەپ باشقارۇۇ تىزگىندۅۅ ارقىلۇۇ جاڭى ەنەرگىيانى سىڭىرۉۉ دەڭگەەلىن كۅتۅرۅت.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.