باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ەلگە جەڭىلدىك بەرۉۉ جاقشى ساياساتىن جەتكىردى
   2018-11-30 23:22:35     xjbs   

   
   بۅرتالا شاارى ايىل- قىشتاق سىيفىرلۇۇ زۅۅگۉ سىستەما قۇرۇلۇشۇن جىلىشتاتۇۇ ارقىلۇۇ، نەگىزكى قاتماردىن مىلدەتتۉۉ ۉگۉت- لەكسىيا اتىرەتىن قۇرۇۇ ىقماسىن قولدونۇپ، نەگىزكى قاتماردىن ىدولوگىيا سالاسىنداعى بازا قۇرۇلۇشۇن بەكەم قارمادى.  بۅرتالا شااردىق رادىيو تەلە ىستانسىياسىنىن قابارچىسى رايىلە، جاڭ شاۋحۉيدۉن  قابارى.

  ار كۉنۉ تاڭ ساار بەيجىن ماالى ساات 10دو، بۅرتالا شاارى وتبۇلاق شاارچاسى گىندىڭ قىشتاعىنداعى «زۅۅك» ۅز ماالىندا جاڭىرىپ، قىشتاق تۇرعۇندارىنا بوربور جانا اپتونوم رايوندۇن ەڭ جاڭى جىينالىشتارىنىن رۇحۇن، قالىڭ جۇرتچۇلۇققا ۅز ماالىندا پارتئيانىن «ۉنۉن» جەتكىردى. گەندىڭ جاڭى قىشتاعىنىن تۇرعۇنۇ جاۋ شۇلان  مىنداي دەدى: «زۅۅكتۅ قاراپايىم ەلگە جەتكىرگەن جەڭىلدىك جاڭىرىپ تۇرات، باردىعى قاراپايىم ەلگە بايلانىشتۇۇ جاڭىلىقتار،  ۇققاندان كىيىن تۇرمۇشقا دەگەن ىشەنىمىبىز انسايىن ارتتى».

     ۇچۇردا، بۅرتالا شاارىنداعى 6 ايىل، شاارچا (مايدان)داعى 135 قىشتاق، اتىرەتىندە 810 «زۅۅك» ورنوتۇلۇپ، قاپتالۇۇ سالىشتىرماسى %100 عا جەتتى. «زۅۅك» قىشتاق تۇرعۇندارىن ۅز ماالىندا پارتئيانىن جاڭى ساياسات جانا ار قايسى جەردىن جاڭىلىقتارىنان قاباردار قىلىپ ەلە قالباي داعى قىشتاق كومىتەتىنىن جاقشى جاردامچىسى بولدۇ. بۅرتالا شااردىق ماملەكەت مەنچىگىندەگى مال- مۉلكتۉ كۅزۅمۅلدۅپ باشقارۇۇ كومىتەتىنىن وتبۇلاق شاارچاسى گەندىڭ جاڭى قىشتاعىندا تۇرۇشتۇۇ بئرىنچى شۇجئسى، «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىزمات اتىرەتىنىن باشچىسى فىڭ فۇدوڭ  مىنداي دەدى: «قىشتاقتا دايىما جىيىن اچقاندا قۇلاقتاندىرات، داعى كەە بئر ساياساتتاردى ۉگۉتتۅپ- لەكسىيا سۉيلۅيت، داعى چۇقۇل چوعۇلۇش بولسو ۇقتۇرات. بۇل <زۅۅك> ارقىلۇۇ سىرتقا قابار جەتكىرەبىز، قىشتاق تۇرعۇندارىن جاڭىلىقتاردان ماالىندا قاباردار قىلابىز، بئزدىن قىزماتىبىزعا اياباي شاي كەلەت. بۇل <زۅۅك> نەگىزكى قاتماردىن قىزماتىنداعى جاقشى جاردامچىبىز».

     بۅرتالا شاارىنداعى ار قايسى ايىل، قىشتاقتار «زۅۅك» ارقىلۇۇ ۇباقىت بەلگىلەپ سىرتقا ۉگۉت قىلعاندان تىشقارى داعى ار قايسى قىشتاقتا «مادانئيات دەڭگەلى بار، جووپكەرچىلىگى كۉچتۉۉ، ۉمۉتكەر، قىزۇۇ» قىشتاق تۇرعۇندارىنان ۉگۉتتۅپ لەكسىيا سۉيلۅۅ اتىرەتىن ۇيۇمداپ، ايلاناسىنداعى ىشتەردى جۅنۅكۅي، جاتىق تئل مەنەن جەتكىردى، ناقتىلۇۇ ساندۇۇ ماالىماتتار ارقىلۇۇ ىچكەلەي تۉردۉۉ ەلگە نارپ جەتكىرۉۉ ساياساتىن جەتكىرىپ، قاراپايىم ەل ۇعۇپ تۉشۉنگۉدۅي، ۅزدۅشتۉرگۉدۅي، جۉزۅلۅشتۉرگۉدۅي بولدۇ. مىلدەتتۉۉ ۉگۉت لەكسىياچى فۇ ۋىنتاۋ  مىنداي دەدى: «ار ۇلۇت ەلىنىن پارتئيانىن ەلگە جەڭىلدىك بەرۉۉ ساياساتىنا بىرگەلەشتىرىپ، ئدىيالىق جولۇن كەڭىرتىپ، جۇمۇشقا ورۇنداشۇۇ، چاربا جاراتۇۇ ارقىلۇۇ كىرەشەسىن ارتتىرىپ بايۇۇ اڭسووسۇن جۉزۅگۅ اشىردى. <كۉتۉپ تۇرۇۇ، سۅۅنۉپ الۇۇ، تالاپ قىلۇۇ> ئدىياسىن ۅزگۅتۉپ، الدۇۇ تۇرمۇش باعىتىن جۉزۅگۅ اشىرۇۇعا شىق بەردى».

     ار قايسى قىشتاق اتىرەتتەرى داعى ار اپتادا مۅۅنۅت بەلگىلەپ دىيقان- مالچىلار كەچكى مەكتەبى تاربئيالوو كىلاسىن اچىپ، قىشتاق تۇرعۇندارىن ماملەكەت جالپى قولدونوتۇرعان تئل جازۇۇنۇ ۉيرۅنۉۉ، زاكون- ەرەجە تاربئياسى جانا تەحنىكالىق جۅندۅم جاعىنان تاربئيالووعو ۇيۇمداشتىردى. جىگدەبۇلاق قىشتاعىنىن تۇرعۇنۇ ادىلبەك نۇرتاي ۉيرۅنۉۉ ارقىلۇۇ باقماچىلىقتى ۅنۉكتۉرۉپ كۉندۅرۉ كۉنسايىن وڭولدۇ، ال مىنداي دەدى: «اسقاتما تەحنىكانى، ئلمىي ەگىن ەگۉۉ، باقماچىلىق سىياقتۇۇلاردى ۉيرۅتتۉ، مازمۇنۇ چىنىندا مول، داعى كۅپچۉلۉك مەنەن چوعۇ پىكىر الماشتىرابىز، مەن چىنىندا جاقتىرام. مەنىمچە كەمباعالدىقتان ارىلىپ بايۇۇدا ۅزۉبۉزدۉن چىمىرقانۇۇسۇ، ناقتىلۇۇ ىشتەپ، كەزمەتتى بەكەم قارماپ اق ەمگەگىبىز ارقىلۇۇ انسايىن باقتىلۇۇ تۇرمۇش ۅتكۅرۅبۉز».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.