باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اراشانعا تۉشۉپ، بۇباقتان ۉزۉر الىپ، مۇزداق سۇۇ بالىعىن جەپ، اراشان وودانىنىن قىشقى ساياقاتىندا قىزىقتار انسايىن  كۅبۅيدۉ
   2018-11-30 23:40:35     xjbs   

    قىش كىرەرى مەنەن، اراشان وودانى مول بولعون ساياقات بايلىعىنا سۅۅنۉپ، جەرگىلىك ۅزگۅچۅلۉگۉنۅ ەە بئر تۉركۉم قار- مۇز ساياقات، اراشان ساياقاتى سىياقتۇۇ اسىل لەنىيالاردى چىعارىپ، ار قايسى جەردەن كەلگەن ساياقاتچىلاردىن قىشقى ساياقات اجاتىن قانااتتاندىردى، اراشان رادىيو ىستانسىياسىنىن قابارچىسى چىنشئڭ، ۋەلىلەردىن قابارى:
   ۇشۇل ەكى كۉندۅ، اراشان وودانىنداعى ار قايسى چوڭ اراشان دارىلانىپ كۉتۉنۉۉ بوربورلورۇندا كىشىلەر كۅپ بولدۇ، تابئعىي اراشاندى سىناپ كۅرۉۉ ۉچۉن ار قايسى جەرلەردەن كەلگەن ساياقاتچىلاردىن اياعى ۉزۉلبۅدۉ. اپتا اقىرىنان پايدالانىپ اتايىن قۇلجادان جەكە اۋتوۇنااسىن ايداپ كەلگەن ساياقاتچى سانبايىر قابارچىعا مىنداي دەدى:  سىرتتىن تەمپىراتۇۇراسى سالىشتىرمالۇۇ تۅمۅن، بۅلمۅ ئچى تەمپىراتۇراسى قىيلا جوعورۇ، اراشان سۇۇ ساپاتى داعى جاقشى، اراشانعا تۉشكۅندۅن كىيىن جەڭىلدەپ قالات ەكەنسىز.

    ساياقاتچىلار بۅلمۅ ىچىندە تابئعىي اراشانعا تۉشۉپ، بۅلمۅ سىرتىندا بۇباقتاردان ۉزۉر الىشات. اراشان وودانىنىن جاقىنقى جىلداردان بەركى ەكولوگىيالىق چۅيرۅسۉنۉن توقتووسۇز جاقشىرۇۇسۇنا ەەرچىي، بۇل جەردىن قىشقى بۇباعى داعى ۅزگۅچۅ قووز بولۇپ، كۅك اسمان، قارلۇۇ توولور مەنەن ايقالىشىىپ، بۇل جەردە تۇرعاندا قۇدۇم جوموق دۉينۅسۉنۅ بارىپ قالعانداي بولۇپ، كۅپتۅگۅن ساياقاتچىلاردى ۉزۉر الۇۇعا، سۉرۅتكۅ تارتۇۇعا ەلىكتىردى. ساياقاتچى نئڭ حانجئڭ  مىنداي دەدى: كىشىلەر دايىما قۇدۇم سۉرۅتچۉلۅر مەنەن اقىنداردىن قالەمىنەن جارالعانداي كەرەمەت دەپ ايتىشات، كۅز الدىبىزداعى بۇل  قووز كۅرۉنۉشۉتۉ قاراساڭىز، ابدان كۅركتۉۉ، ۇلۇۇ تابئيات داعى چىنىندا ەلە قووز.
   بىيىل قىش كىرگەندەن بەرى، اراشان وودانى اراشانعا تۉشۉۉ، بۇباقتى كۅرۉۉ، اققۇۇنۇ كۅرۉۉ، مۇزداق سۇۇ بالىعىنان ووز تىيۉۉ سىياقتۇۇ ساياقات قىيمىلدارىن چىعارىپ، مۇردا تىنىچ تۇرعان وودان شاارچاسىن زاماتتا دۇۇمانعا بۅلۅدۉ.

   اراشان وودانى مۇزداق سۇۇ بالىعى اسىل تۇقۇم جەتىشتىرۉۉ بازاسىندا، سۇۇداعى ەركىن سۉزۉپ جۉرگۅن سارى كۇمجا بالىق، تۉستۉۉ تىرۇت بالىعى، تۉستۉۉ سالامون بالىعى سىياقتۇۇ سەيرەك كەزدەشچۉ مۇزداق سۇۇ بالىقتارىنان ۉزۉر الۇۇدان باشقا، ساياقاتچىلار داعى جاڭى مۇزداق سۇۇ بالىقتارىن ساتىپ الىپ،  تويعۇچا جەي الات. ۉرۉمچۉلۉك ساياقاتچى جاۋ حان مىنداي دەدى: بۇل جەردىن بالىعى ابدان داامدۇۇ، مەن بۉگۉن بئر نەچە بالىقتى الىپ كەتىپ، ۉي- بۉلۅمدۅگۉلۅر مەنەن چوعۇۇ اسىل داامدان ۉزۉر الۇۇنۇ ويلوشتۇم.

  اراشان ووداندىق ساياقات مەكەمەسىنىن ورۇنباسار مەكەمە باشچىسى ياڭ ۋۇ تاانىشتىرىپ مىنداي دەدى: بىيىل قىشتا اراشان وودانى داعى بۉتكۉل شئنجاڭداعى ون مىقتى دەنە تاربئيادا كۉچتۉۉ وودان وڭۇتتۇۇلۇعۇنان پايدالانىپ، مول مازمۇندۇۇ مادانئيات دەنە تاربئيا قىيمىلدارىن قۇلاچ جايدىرىپ، قىشتاعى چاقان شااردى دۇۇمانعا بۅلۅيبۉز. دەنە تاربئيا، ساياقات ىڭعايى ارقىلۇۇ ساياقاتچىلاردى ەلىكتىرىپ، بئليارت جارىشى، تىك- تاك توپ جارىشى جانا بايگە، كۅك بۅرۉ سىياقتۇۇ جۅرۅلگـۅلۉۉ سالت- ساناالاردى ۅتكۅرۉۉگۅ دايىندىق كۅردۉك. 12- ايدىن اقىرىندا جانا كەلەر جىلى 1- ايدىن باشتارىندا قىشقى اراشان مايرامىن ۅتكۅرۉپ، قىشقى ساياقاتتىن انسايىن جاقشى باعىتقا قاراي توقتووسۇز ۅنۉگۉۉسۉن جىلىشتاتابىز.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.