باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
مالچىلاردى تۇرۇقتۇۇ قۇنۇشتاندىرۇۇ بايۇۇنۇن جاڭى جولۇنا قاراي باشتادى
   2018-11-30 23:43:48     xjbs   

تۅرت مەزگىلدە جايىت قوتورۇپ، تۇرۇقتۇۇ تۇرۇشتۇۇ جەرى جوقتون جاڭى ۉيگۅ كۅچۉپ كىرىپ، تۇرۇقتۇۇ جۇمۇشقا ورۇنداشۇۇعا چەيىن، تۇرۇقتۇۇ قونۇشتاندىرىپ ەلگە نارىپ جەتكىرۉۉ قۇرۇلۇشۇنۇن سىزىل سۉرۉلۉۉسۉنۅن ۇلام ۇچۇردا اپتونوم رايونۇبۇزدا 140 مئڭ مالچى توودون تۉشۉپ، باقتىلۇۇ تۇرمۇش كەچىرىپ، تۇرۇقتۇۇ كىرەشەگە ەە بولۇپ، بايۇۇ جولۇنا قاراي باستى.  ىستانسىيابىز قابارچىسى سۉن ۋىيدىن، قۇمۇل ىستانسىياسى قابارچىسى شئى سايحى، بورتالا ىستانسىياسى قابارچىسى جاڭ شياۋحۇيدۇن  قابارى.
 
قىشتا بورتالا شاارى شىياۋيئڭپان شاارچاسى دوربارتوحا  قىشتاعىنىن تۇرعۇنۇ ۇلاندىن تۇرۇقتۇۇ قونۇشتاندىرۇۇ ۉيۉ ابدان جىلۇۇ بولۇپ، بئر ۉي- بۉلۅ كىشىلەرى چوعۇۇ تاماق جەەپ، ىرداپ- چوردوپ اياباي قۇبانىچتۇۇ تۇرمۇش ۅتكۅرۉپ جاتتى. تۇرۇقتۇۇ قونۇشتاندىرىپ ەلگە نارىپ جەتكىرۉۉ قۇرۇلۇشۇنۇن شاراپاتىندا بىلتىر ۇلان تەك 20 مئڭ قارجىلاپ 60 چارچى مەتىرلۉۉ جاڭى ۉيگۅ كۅچۉپ كىرىپ، مۇزداتقىچ، تەلەۋىزور سىياقتۇۇ ۉي سايماندارىن ساتىپ الدى. ۇلان مىنداي دەدى:« تۇرۇقتۇۇ قۇنۇشتانعاندان كىيىن جاشىلچا ساتىپ الاتۇرعان بازارعا جاقىندادىق، مۇردا ۇزۇن جول باسىپ توودون تۉشۉپ جاشىلچا ساتىپ بولچۇبۇز، ازىر كۅپ ىشتەر وڭتويلۇۇلاشىپ، جاقشى تۇرمۇش كەچىرىپ جاتابىز».

 اتالعان قىشتاقتا جالپى 203 مالچى تۉتۉن بار بولۇپ، ۇچۇردا باردىعى كەڭىرى، جارىق، جابدۇۇلارى تولۇق تۇرۇقتۇۇ قونۇشتاندىرۇۇ ۉيۉنۅ كۅچۉپ كىرىشتى، مۇردا بئر جىلدىن تۅرت مەزگىلىندە قوي، ۇيلارىن ايداپ جايت قوتورۇپ جۉرسۅ، بۉگۉنكۉ كۉندۅ چاربانى جىلۇۇ قورودو باعىپ، چۅپ جانا تويتۇقتۇۇ دايارداپ السا قىشتان قامسىز ۅتۉپ، نۅشۅرلۉۉ قار سىياقتۇۇ ناچار ابا رايىنان قاباتىرلانبايتۇرعان بولدۇ.  ال مىنداي دەدى:« بئز چۅپتۉ تومولوقتوپ دايارداپ الىپ، قىشتا مايدالاپ قوي، ۇيعا بەرەبىز، دايارداپ بولسوق ەلە ەچ نەرسەدەن قاباتىرلانبايبىز».

مالچىلاردىن كۅچۉپ كەلۉۉسۉ، تۇرۇقتۇۇ قونۇشتانۇۇسۇ، بايۇۇسۇنا كەپەلەتتىك قىلۇۇ ۉچۉن جەر- جەرلەر تۉر، قارجى جانا تاربئيالوو ەپكىنىن كۉچۅتۉپ، جابدۇۇلۇ ايىل- چاربانى ۅنۉكتۉرۉۉ، قوشۇمچا زاۋوت قۇرۇۇ، ەمگەك كۉچتۅرۉن قوتورۇۇ سىياقتۇۇ ىقمالار ارقىلۇۇ تۇرۇقتۇۇ قونۇشتانعان مالچىلاردى كۅپ تۉردۉۉ كىرەشە قاينارىنا ەە قىلدى.
    قومۇل ەۋىرعول رايونۇ دوڭجياۋ اچىپ ۅنۉكتۉرۉۉ رايونۇنداعى چاربا جاراتۇۇ بويۇنچا ۉلگۉ كۅرسۅتۉۉ بازاسىندا بۇل جەرگە جاڭىدان كۅچۉپ كەلگەن مەمەت يۉسۉپ موتوسىكىلىت وڭشوپ جاتتى، ال قابارچىعا مىنداي دەدى: « ۅكۉمۅت ۇيۇمداعان ماتورلۇۇ قاتتوو قۇرالدارىن وڭشوو تەحنىكاسىن ۉيرۅنۉۉ كىلاسىنا قاتىشۇۇ ارقىلۇۇ، وڭشوو تەحنىكا دەڭگەلىم اشىپ، توموسىكىلىت وڭشوو دۉكۅنۉن اچىپ الدىم،  ازىر ايىنا قانچا مئڭ يۇان تاابام». ال داعى:« توودون تۉشكۅندۅن كىيىن ۅزۉنۅ تااندۇۇ دۉكۅن اچىپ الىپ، باقتىلۇۇ تۇرمۇش كەچىرىپ جاتام»- دەدى.
 
دوڭجياۋ اچىپ ۅنۉكتۉرۉۉ رايونۇ جەرگىلىكتەگى 483 مالچى تۉتۉندۉ كۅچۉرۉپ كەلدى، وشوندوي ەلە جەرگىلىكتەگى چاربا جاراتۇۇ ويۇ، چاربا جاراتۇۇ شارتى بار ارحئپ تۇرعۇزۇۇپ كارتا بۉتۉرۉلگۅن تۉتۉندۅردۉن ار بئرىسىن 50 مئڭ يۇاندان جوعورۇ ۅنۉمسۉز قارىز مەنەن قامدادى. ۇچۇردا اچىپ ۅنۉكتۉرۉۉ رايونۇ اچقان دۉكۅن، اشقانا، ساتىراچقانا، سايماچىلىق كۅمۅكتۅشتۉك كوپەراتىبى، بەش تۉردۉۉ مەتال وڭشوو دۉكۅنۉ 17 گە جەتىپ، اندان باشقا 100 اشۇۇن كىشىنى قوومدۇق قونۇش جااماتىق تەيلۅۅ مۉنۅزدۉۉ قىزمات وردۇ جانا ەمگەكچىلەردى قوتورۇۇ بويۇنچا جۇمۇشقا ورۇنداشتىردى.

 تۇرۇقتۇۇ قونۇشتاندىرۇۇ قۇرۇلۇشۇ مالچىلاردىن تۇرمۇش ساپاتىن جوعورۇلاتۇۇ مەنەن بىرگە اپتونوم رايونۇبۇزدۇن جايلوو چۅيرۅسۉن قورعوو، قالبىنا كەلتىرۉۉ قىزماتىن دا جاردام مەنەن قامداپ، جايلوونۇ قووزدوشتۇرۇۇ، مالچىلاردىن بايۇۇتۇۇداي قوش جەڭىشتى ئش جۉزۉنۅ اشىردى. اقتوو وودانى قىزىلتوو ايىلى قاراتاش قىشتاعىندا مۇردا مال- چاربا باعىپ تۇرمۇش ۅتكۅرۉپ كەلگەن مالچى ەركەش بۉگۉنكۉ كۉندۅ جابدۇۇلارى تولۇق زامانباب مئكىرو رايونعو كۅچۉپ كىردى. جاڭى بئر ايلامپالۇۇ جايلوو ەكولوگىياسىن قوعوو تولۇقتاما سىيلىق اقچاسى ساياساتىنىن شاراپاتىندا ەركەشتىن 2000 مو جايلووسۇ مال- چاربانىن كىرۉۉ تئيىم سالۇۇ رايونۇنا كىرگىزىلىپ، ال جىلىنا 10 مئڭ تولۇقتاما الدى. ەركەش مىنداي دەدى:« ازىر تەك جايدا قانا جايلوودو قوي باعابىز، قالعان كۉچ مەزگىلدە قورودو باعابىز، مۇنۇن بەرەكەتى ابدان جاقشى بولۇپ جاتات».
 
بىلۉۉگۅ قاراعاندا اقتوو وودانى مالدى جايۇۇعا تئيىم سالۇۇ ايانتىن  5 مئللىيون مو، چۅپ، مال مەنەن جايىتتىن تەڭ سالماقتۇۇلۇق ايانتىن 4 مئللىيون 320 مئڭ مو دەپ بەكىتكەن بولۇپ، اقتوو ووداندىق جايلوونۇ كۅزۅمۅلدۅپ باشقارۇۇ وردۇنۇن باشچىسى چىن شۇاڭشئى  مىنداي دەدى:« كىشى قولدۇ چۅپقانا ايانتى جاقىنقى جىلداردان بەرى 420 مئڭ مو كۅبۅيدۉ، كۅمۅكتۅشتۉك كوپەراتىبىنىن تولۇقتاماسىن كۅبۅيتكۅندۅن كىيىن تەگىندە كۅچمۅن مالچىلىق ازىرقى كۅمۅكتۅشتۉك كوپەراتىبىنە ايلانىپ، دىيقان- مالچىلاردىن دىلگىرلىگى دا كۉچۅيدۉ».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.