باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
سانجى شاارى سۉتچۉلۉك كەسىبىنىن سىزىل سوو ۅنۉگۉۉسۉن جالپى بەتكەي جىلىشتاتتى
   2018-11-30 23:47:04     xjbs   

    جاقىنقى مەزگىلدە جارىيالانعان«2018-جىلدان 2022-جىلعا چەيىنكى شئنجاڭ ۇيعۇر اپتونوم رايوندۇن ايىل-قىشتاقتاردى گۉلدۅنتۉۉ ىستىراتەگىيالىق جوسپورۇ»ندا، تۉندۉك شئنجاڭ كۅلۅمدۉۉ، ۅلچۅمدۅشكۅن باقماچىلىقتى كۅرنۉكتۉۉ ۅنۉكتۉرۉپ، زامانباپ تويۇت ماتىرىيال كەسىبىن ۅنۉكتۉرۉپ، زامانباپ مال-چارباچىلىقتى ۅنۉكتۉرۉۉ دەڭگەلىن جالپى بەتكەي جوعورۇ كۅتۅرۉۉ ورتوعو قويۇلدۇ. سانجى شاارى بۇل مۅرتتۉ بەكەم قارماپ، ۅلچۅمدۅشكۅن ساان ۇي باقماچىلىق باازا قۇرۇلۇشۇن كۉچۅپ جىلىشتاتىپ، سۉتچۉلۉك كەسىبىنىن سىزىل سوو ۅنۉگۉۉسۉن جىلىشتاتتى. سانجى شااردىق ەل رادىيو ىستانسىياسىنىن قابارچىسى مايمئياۋنۇن قابارى:
    سانجى شاارىنىن بئنحۇ شاارچاسىنا جايعاشقان شئنجاڭ لاڭچئڭ مال-چارباچىلىق چەكتۉۉ جووپتۇۇلۇق شەرىكتىگى-1-،2-،3-كەسىپتەردى جۇۇرۇلۇشتۇرۇپ ۅنۉكتۉرۉۉ تىبىندەكى كەرقانا بولۇپ، ۇچۇردا، شەرىكتىكتىن قوروودو باعىلعان ۇيۇنان 1100 ۉ بار، كۉنۉمدۉك سۉت ۅندۉرۉۉ چەنەمى 9 توننا، كۉنۉنۅ 10 توننادان سۉت تۉشۉمدۅرۉن ۅندۉرۉۉ قۇرباتىنا ەە. شئنجاڭ لاڭچئڭ مال-چارباچىلىق چەكتۉۉ جووپتۇۇلۇق شەرىكتىگىنىن پارتئيا ياچايكا شۇجئسى ما ۋىنبئياۋ مىنداي دەدى:-بئز تويۇت ماتىرىيالدارىن داياردوو، جەم بەرۉۉ، سۉت سااش، تەكشەرۉۉ القاسىنا چەيىن تەحنىكاسى جەتىك توپقو ەەبىز. اركۉنكۉ جاڭىدان ساالعان سۉتتۅردۉن ساپاتى كەسىپتىك تاشىمال ماشىنالارى ارقىلۇۇ كەپىلدىككە الىنات، زاپاس ساقتوو، تاشىمال قاتارلۇۇ جالپى بارىشتى GPS ورۇن بەلگىلۅۅسۉ ارقىلۇۇ تەكشەرىپ-بئلىپ، جاڭى سۉت قاينارىپ كەپىلدىككە الابىز. 

    شەرىكتىكتىن باقماچىلىق بازاسى ىشتىكتۉۉ تۉردۅ دىيقانداردى جۇمۇشقا قابىلداعان، بئر جىلدىن ەڭ قاربالاس كەزدەرىندە 20دان اشۇۇن دىيقان باازادا قىزمات قىلىپ، ايىنا 3500 يۇان ايلاناسىندا مايانا الات. داعى بئر سۉت تۉشۉمدۅر كەرقاناسى بولعون سانجى شاارى جىڭفىي ۇي باقماچىلىق چەكتۉۉ جووپتۇۇلۇق شەرىكتىگىندە ازىر 10 ۅلچۅمدۅشكۅن باقماچىلىق زاوۋتۇ بار، قوروودو باعىلعان ۇيلاردىن سانى 600، كۉنۉنۅ 5،6 توننادان سۉت ۅندۉرۉلۅت. كەرقانا ناقاي قولدو اچىتقان ايران، باشى سۉتۉ قاتارلۇۇ تۉشۉمدۅردۉ ۅندۉرۉپ، سانجى شاارى، ۉرۉمچۉ شاارىندا 10 جاڭى سۉت ساتۇۇ وردۇن قۇرۇپ، كۉنۉنۅ 2 توننادان جاڭى سۉت ساتات. شەرىكتىك ۇي فەرماسى زاوۋتۇنۇن باشچىسى شئيا مئڭيى مىنداي دەيت:-بئز ازىر ۇيدۇن سانىن مىڭگە كۅبۅيتۉۉنۉ، ۅزۉ تۅلدۅي تۇرعان ۇيدۇن سانىن داعى مىڭگە جەتكىرۉۉنۉ ويلوشۇپ جاتابىز، مىنداي بولعوندو كۉنۉنۅ 10 توننادان جاڭى سۉت ۅندۉرۅ الابىز، مىندان باشقا سۉت تۉشۉمدۅرۉنۅ ئش قوشۇپ ىشتۅۅ زاوۋتۇن قۇرۇپ، كەسىپ جەلەسىن ۇزارتىپ، ۅندۉرۉۉ مەنەن ساتۇۇنۇ بئر تۇلقۇلاشتىرىپ، ۇي فەرماسىنىن ەكونومىكاسىن داعىدا زورويتۇپ، كۅبۉرۅۅك پايدا تابۇۇنۇ پئلانداپ جاتابىز.  

    ۇچۇردا، سانجى شاارىندا قوروودو باعىلعان ساان ۇيلاردىن سانى 13مئڭ باش بولۇپ، كۉنۉنۅ 60 توننادان جاڭى سۉت ۅندۉرۅت. ماملەكەت بويۇنچا اتاقتۇۇ كەرقانالاردان يئلى، مىڭنئيۇجانا جەرگىلىكتەكى داڭىقتۇۇ ماركەلەردەن شئيۉچۉن، تىيەنرۉنقاتارلۇۇ ون قانچا سۉت تۉشۉمدۅر ئش قوشۇپ ىشتۅۅ كەرقانالارى سانجى شاارىنا جانا ايلاناداقى رايوندورعو كەڭىرى تارالعان. مىندان كىيىن، سانجى شاارى سۉت قاينارى باازا قۇرۇلۇشۇن قىلداتتاشتىرىپ، تويۇت چۅپتۅردۉ ۅستۉرۉۉ ايانتىن كەڭىرتىپ، كەرقانانىن دىيقان-مالچىلاردىن ايدوو جەرلەرىن ايلاندىرىپ، تويۇت چۅپتۅردۉ ۅستۉرۉۉسۉنۅ دەم بەرىپ، دىيقانداردى زامانباپ مال-چارباچىلىق كەسىبىن ورتوق ۅنۉكتۉرۉۉگۅ تۉرتمۅكتۅيت. سانجى شااردىق مال دوقتۇرقانانىن قىزماتكەرى لئىيەن حۇيشئيا مىنداي دەدى:-بئر جاعىنان تۉرگۅ سۉيۅنۉپ، سۉتچۉلۉك كەسىبى ۅندۉرۉشۉن تۇرۇقتاندىرىپ، سۉت قاينارى باازاسىن بەكەمدەپ، بئر تۉردۉۉ«سورتتۇۇ چۅپتۅردۉ ۅستۉرۉپ، دەنە سالاماتتىققا پايدالۇۇ جاشىل مالداردى باعىپ، قووپسۇز سۉت ساايتۇرعان»وزوت مۉنۅزدۉۉ ايلانما ۅنۉگۉۉ ىڭعايىن قالىپتاشتىرابىز، داعى بئر جاعىنان مەيچۉر قاتارلۇۇ كەەبىر ساپاتتۇۇ سۉت تۉشۉمدۅرۉ كەرقاناسىن انسايىن قىلداشتىرىپ، وزوتتوشتۇرۇۇعا دەم بەرىپ، ساانچىلاردىن تالامىنا بىرگەلەشتىرىلگەن مەحانىزىمدى تۇرعۇزۇپ جانا كەمەلدەندىرىپ، ساانچىلاردىن تالامىن چىنىعى كەپىلدىككە الابىز. ۉچۉنچۉ جاقتان بولسو كۅزۅمۅلدۅپ-باشقارۇۇ ەپكىنىن اشىرىپ، سۉت تۉشۉمدۅرۉنۉن ساپات قووپسۇزدۇعۇن كەپىلدىككە الابىز.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.