باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
بايگە، كۅكبۅرۉ، ۇلۇتتۇق سالىت- ساناا دەنە- اراكەت قىيمىلى اۋاتتىن قىشقى ساياقاتىن قىزىتىپ جىبەردى
   2018-12-12 19:29:56     xjbs   

12- ايدىن 1- كۉنۉ اۋات وودانىنىن 2018- جىلدىق قىشقى ۇلۇتتۇق سالىت- ساناا دەنە- اراكەت چوعۇلۇشۇ جانا دولاندىقتار 5- كەزەكتۉۉ بايگە، كۅكبۅرۉ مادانئيات ساياقات مايرامى اۋات وودانى دولاندىقتار كۅرك رايونۇندا ۅتتۉ، ال ەمى اۋات وودانى ۇلۇتتۇق سالىت- ساناا مادانئياتى، جۅرۅلگۅلۉۉ دەنە- تاربئيا جانا ساياقاتچىلىقتى جۇرۇلۇشتۇرۇپ ۅنۉكتۉرۉپ، قىشقى ساياقاتتى قىزىتۇۇنۇ تۉرتمۅكتۅدۉ. اقسۇ ىستانسىياسى قابارچىسى ۋاڭ تۋو، اۋات ىستانسىياسى قابارچىسى دىڭ شياۋجوۋدۇن قابارى. 

ۇلۇتتۇق سالىت- ساناا دەنە- اراكەت چوعۇلۇشۇ بايگە جانا كۅكبۅرۉ جارىشى مەنەن كۅشۅگۅسۉن اچتى، كۅكبۅرۉ جارىشىندا جارىشقا قاتىشقان ەكى كوماندا چەچكىن تايماشىپ، ۇلاقتى تارتىپ العان كومانداداعىلار ۅز ارا قورعوشۇپ، ۇچقانداي چااپ چامعاراققا ۇلاقتى تاشتووعو باراتتى، ال ەمى قارشى جاقتىن چەبەرلەرى الدىن توسۇپ الىپ، ۇلاقتى جانىنىن بارىنچا تالاشتى. جارىشتا چەبەرلەردىن ات ۉستۉندۅ تالاشقان ۅنۅرۉنۅ مايدان سىرتىنداعى ساياقاتچىلار القوو ايتتى. ساياقاتچى قاناتبەك مۇرادئل مىنداي دەدى:« بئز اياباي قوش بولدۇق، كۅكبۅرۉ چەبەرلەرى مىقتۇۇ ەكەن، ۅنۅرۉ بئر- بئرىنەن قالىشپايت ەكەن».

   بىيىل اۋات وودانى قىشقى ۇلۇتتۇق سالىت- ساناا دەنە- اراكەت چوعۇلۇشۇنا شئنجاڭداعى 5 ۅكۉل كوماندا، 160دان اشۇۇن چەبەر بايگە، كۅكبۅرۉ جارىشنا قاتىشىپ، شئنجاڭدىن جەر- جەرلەرىندەگى بايگەگە قىزىعۇۇچۇلاردى جانا ساياقاتچىلاردى ەلىكتىرىپ، بئرىنچى كۉنۉ قىيمىلعا قاتىشقان ساياقاتچىلار سانى جانا جەرگىلىكتەگىلەر سانى 10 مىڭگە جاقىندادى. كۅرك رايونۇندا اشقانا تئجاراتى مەنەن الپۇرۇشۇچۇ ۉسەن ازىز مىنداي دەدى: «سااردا بئر قازان پولو ساتىپ 5000 يۇان تاپتىم، ەكىنچى قازاندان دا 5000 يۇان كىرەشە قىلام، ازىر پولو جەەيتۇرعان كىشىلەر ابدان كۅپ».
      بايگە جانا كۅكبۅرۉ جارىشىنان باشقا بۇل جولقۇ قىشقى مادانئيات دەنە- تاربئيا ساياقات بئر سىيرا قىيمىلدارىندا داعى قوروز سوعۇشتۇرۇۇ، قوچقور سوعۇشتۇرۇۇ، سايران ۋالىبولۇ، ۇلۇتتۇق ىقماداعى كۉرۅش، مۇز كارنىۋالى سىياقتۇۇ قىيمىلدار الىپ بارىلات. اۋات ووداندىق مادانئيات دەنە تاربئيا رادىيو كىنو تەلە مەكەمەسىنىن باشچىسى ۋاڭ يئى  مىنداي دەدى: «قىشقى ساياقاتتاي بۇل ۅتكۅلگۅ ات سالىپ، ساياقات كەسىپ جەلەسىن ۇزارتىپ، مادانئيات ساياقاتىنا سۉيۅنۉپ، جۇۇرۇلۇشتۇرۇپ ۅنۉكتۉرۉۉنۉ ىلگەرى سۉرۉپ، ساياقاتچىلىقتى كۉچتۉۉ كەسىپكە ايلاندىرابىز».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.