باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ۇلۇتتۇق سالىت- ساناا مادانئياتى مەنەن دەنە- تاربئيا قىيمىلى جۇۇرۇلۇشقان قىشقى ساياقات قىزىدى
   2018-12-12 17:55:23     xjbs   

 قارداعى بايگە، كۅكبۅرۉ، ات چاناسى سىياقتۇۇلار بىيىل قىشتا اپتونوم رايونۇبۇزعا ساياقاتقا كەلگەندەردى قار- مۇز قۇبانىچىنان بارىلاندىرىپ ەلە قالباي، مول، تۉركۉن- تۉستۉۉ ۇلۇتتۇق سالىت- ساناا، دەنە- اراكەت قىيمىلىنان ۉزۉرلۅندۉردۉ.

ىستانسىيابىز قابارى جئن لەي، ەرىكتۉۉ قابارچى ما چاڭ، تىلەك، شۅ يۉنشياۋدىن بۇل جۅنۉندۅكۉ قابارى. دۉينۅلۉك تابئيعىي مۇراس بولعون قاراجون جايلووسۇندا جاعىمدۇۇ مۇزىكانىن قۇشتوسۇندا جەر- جەرلەردەن كەلگەن ساياقاتچىلار ارتىستەر مەنەن چوعۇۇ قازاق بئيىن بىيلەشتى. جاقىندا تەكەس وودانى 5- كەزەكتۉۉ «جىبەك جولۇندا جولۇعۇشۇ- قار- مۇز مەەرى- ماحاباتى»- اتىنداعى مادانئيات دەنە- تاربئيا ساياقات قىيمىلى باشتاپ، بئر سىيرا قويۇۇ سالىت- ساناالۇۇ ساياقاتچىلاردىن قاتىشۇۇ ىشتىكتۉۉ بولعون قىيمىلداردى ۅتكۅردۉ، ساياقاتچىلار تەكەس وودانىنا كەلىپ، قار بايگەسى، كۅكبۅرۉ جارىشىن كۅرۉنۉپ، قاردا ارقان تارتۇۇ، فودبول جارىشى سىياقتۇۇلارعا قاتىشتى.

سۉرۅتكۅ تارتۇۇ كۉرۅرمانى جاڭ شئۋىي مىنداي دەدى:« جەر فورماسى قار- مۇز ساياقات تۉرۉنۅ ابدان شاي كەلەت ەكەن، ات ۉستۉ ۅنۅرۉ، قار جىلعاياقتوو، ۇلۇتتۇق سالىت- ساناا مادانئيات قىيمىلدارىن، جانا باشقا قار قىيمىلدارىن ۅتكۅرۉپ بئزدى اياباي ەلىكتىردى».

بىيىل كۉنەس وودانى نارات كۅرك رايونۇ بىلتىرقى قىشتاعى تئجاراتتى توقتووتۇ ىقماسىن ۅزگۅرتۉپ، ۇلۇتتۇق سالىت- ساناا قىيمىلى، ات چاناسى، اسىل داامداردان تاتۇۇ كۅرۉۉ سىياقتۇۇ بئر سىيرا قىشقى ساياقات تۉرۉن جارىققا چىعاردى. ال ەمى قاناس رايونۇ قار- مۇز جانا ۇلۇتتۇق سالىت- ساناا مادانئياتىن ىمەرچىكتەپ، بەش تۉردۉۉ قىيمىل جانا كۅپ تۉردۉۉ تەپچىپ كەتۉۉ لەنىياسىن جارىققا چىعاردى.

قاناس ساياقات جارناق شەرىكتىگى تئجارات سوودا بۅلۉمۉنۉن دىرىكتورۇ دىڭ يۅيۅ مىنداي دەدى:« بىيىلقى قىشقى ساياقاتتىن ۅزگۅچۅلۉگۉ قار موتوسىكىلىتىن مئنۉۉنۉ نەگىز قىلعان ۇلۇتتۇق سالىت- ساناا مادانئياتىن سەزىنۉۉ تۉرۉ ەسەپتەلەت، بىيىل قومقاناستاعى تۇۋالاردىن ۇلۇتتۇق سالىت- ساناا، تۇرمۇش اجايىپقاناسى جۉز جىلدىق ەسكى ۉيدۉ 11- ايدىن باشىنان باشتاپ اچىپ جىبەردىك، مىندا نەگىزىنەن تۇۋالاردىن كىيىم- كەچەك، تۇرمۇش بۇيۇمدارىن كۅركۅزمۅلۅپ، ساياقاتچىلارعا ۇلۇتتۇق سالىت- ساناا مادانئياتىنىن تارتۇۇ كۉچۉن چىنىعى سەزىندىردىك، بۇل جەردە قومقاناس ات تۇياعى مۇزىكا اتىرەتىنىن ويۇندارىن كۅرۉپ، بايرقى كۉۉلۅردۉ ۇعۇپ، سۉت چاي ئچىپ ىراقاتتانا الاسىز».

تۉشتۉك شئنجاڭدا اۋات وودانى كۅكبۅرۉ، قورووز سوعۇشتۇرۇۇ، ۇلۇتتۇق ىقماداعى كۉرۅش سىياقتۇۇ قىيمىلداردى ۅتكۅردۉ؛ حوشۇت وودانى تۅۅ جارىش، جورعو، ات بايگەسى، كۉرۅش سىياقتۇۇ جارىشتاردى ۅتكۅرۉپ ساياقاتچىلاردىن چەرىن جازىپ، جەرگىلكتەگى ەلدىن مادانئيات تۇرمۇشۇن مولۇقتۇردۇ. كۅرۅرمۅن ئمىنجان ۅمۅر مىنداي دەدى:« بئز مىندان ارى ۇشۇنداي قىيمىلداردىن داعى دا كۅپ ۅتكۅرۉلۉپ تۇرۇۇسۇن ۉمۉت قىلابىز».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.