باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ئلىم-تەحنىكا شئنجاڭدىن ايىل-چاربا دەڭگەەلىن جوعورۇ كۅتۅرۉۉگۅ كۉچ قوشتۇ
   2018-12-13 12:42:03     xjbs   

 اپتونوم رايونۇبۇز ئلىم-تەحنىكا ارقىلۇۇ ايىل-چاربانى گۉلدۅنتۉۉ ەپكىنىن ۇلاندۇۇ اشىرىپ، جاڭى جابدۇۇ، جاڭى تەحنىكانى ىشتىكتۉۉ كەڭىرى جايىلتۇۇ ارقىلۇۇ ايىل چاربانىن جانداما قامدوو قۇرۇلما مۉنۅزدۉۉ ىسلااتىن تۉرتمۅكتۅپ، شئنجاڭ ايىل-چارباسىنىن جوعورۇ ساپاتتۇۇ ۅنۉگۉۉسۉن ىشكە اشىردى.

ىستانسىيابىز قابارچىسى لەيمىڭدىن قابارى: بۅلمۅ سىرتىن اپپاق قار جامىنىپ تۇرعان كەزدە قۇمۇل ماملەكەتتىك ايىل چاربا ئلىم-تەحنىكا باقچالۇۇ رايونۇنۇن ايىل چاربا تۇيۇنۇۇ بوربورۇ جىپ-جىلۇۇ مەمىرەپ، جاشوو كۉچۉنۅ تولۇپ تۇردۇ. تۉركۉن-تۉستۉۉ گۉلدۅر جانا كۅپ تۉردۉۉ ىسىق القاق، تىروپىك ىسىق القاق رايوندورۇنان كەلگەن جاشىلچا، مۅمۅلۅر كۅپتۅگۅن شاار تۇرعۇندارىن جىيىپ-تەرۉۉگۅ ەلىكتىردى.

 قۇمۇل شاارىنىن تۇرعۇنۇ ۋاڭ ايىم مىنداي دەيت:-بۇل جەردە جاقشى ۅستۉرۉلۉپتۉر، شاار تۇرعۇندارىنىن ەستەتىك تۇيۇمۇن قانااتتاندىرىپ ەلە قالباي داعى سونۇن داامداردان باارلاندىردى. قۇمۇل ماملەكەتتىك ايىل-چاربا ئلىم-تەحنىكا باقچالۇۇ رايونۇنۇن ايىل-چاربانى تۇيۇنۇۇ بوربورۇ بىلتىر قۇرۇلۇپ بۉتۉپ، باقچالۇۇ رايون ىچىندە ىسىق القاق ىستىلىندەكى ساراي، اتا-ەنە، بالدارى مەنەن بىرگە تۇيۇنۇۇ سارايى قاتارلۇۇ ون تۇيۇنۇۇ سارايى بار بولۇپ، 36 مو جەردى ەەلەيت، توپۇراقسىز ۅستۉرۉۉ، سۇۇدا جەتىشتىرۉۉ، تۇماندا جەتىشتىرۉۉ قاتارلۇۇ زامانباپ جەتىشتىرۉۉ ارعالارىن قولدونۇپ، «تۉشتۉك جارىم شاردىن جاشىلچالارىن تۉندۉك جارىم شاردا ۅستۉرۉۉ»، «تۉشتۉك جارىم شاردىن مۅمۅلۅرۉن تۉندۉك جارىم شاردا» ۅستۉرۉۉنۉ ىشكە اشىردى.

باقچالۇۇ رايوندۇن ايىل-چاربانى تۇيۇنۇۇ بوربورۇنۇن تەحنىگى چىنبئڭ مىنداي دەدى:-جوعورۇ ئلىم-تەحنىكالۇۇ ايىل-چاربانىن توپۇراقسىز جەتىشتىرۉۉ ارعاسىن كىرگىزگەندەن كىيىن بىرىنچىدەن ۅندۉرۉش چەنەمى جوعورۇ، ەكىنچىدەن زىيانسىز جاشىلچالاردى جەتىشتىرە الاتۇرعان بولدۇق. كەلەر جىلى جاڭى تۉرلۅردۉ كىرگىزۉۉ جەڭىشتۉۉ بولعوندون كىيىن ايلاناداقى دىيقاندارعا جابدۇۇلۇق ايىل-چاربا چوڭ ىلىمتاسىن كەڭىرى جايىلدىرىپ، دىيقانداردىن كىرەشەسىن ارتتىرابىز.

 زامانباپ تەحنىكا ارعاسى دىيقانداردى اقىرىن-اقىرىن جۅرۅلگۅلۉۉ ۅستۉرۉۉ ىڭعايىنان الىستاتتى. بىيىل 10-ايدا، قۇتۇبئي وودانى تاڭدۉن مۅمۅ باعىنداقى جۉزۉم ۅستۉرۉۉچۉ دىيقاندار قىزماتتاشتىق كوپەراتىبىنىن مئڭ مو جەرگە ۅستۉرگۅن جۉزۉمۉ مول تۉشۉم بەرىپ، شئنجاڭدىن ئچى-سىرتىنداقى ارقايسى چوڭ اشاان بازارلارعا ساتىلىپ، ساپاتۇۇ مۅمۅ كەرەكتۅۅچۉلۅردۉن جاقتىرىپ، جەشىنە تاتىقتۇۇ بولدۇ.

بىيىل كۅمۅكتۅشتۉك كوپەراتىبى اقىل جۅندۅمدۉ سۇعاتتوو، جەر سەمىرىتكىچ بەرۉۉنۉ بئر تۇلقۇلاشتىرۇۇ سىستەماسى جانا توپۇراقتۇۇ قالبىنا كەلتىرۉۉ، شورۇن ازايتىپ جاقشىرتۇۇ جۅندۅمۉنۅ ەە سۇيۇق جەر سەمىرىتكىچتى ىشتەتىپ، ئرى ساندۇۇ- مالىمات انالىزى ارقىلۇۇ جەر سەمىرىتكىچ قۇرامىن اپتوماتىك تەسكەدى، كۅمۅكتۅشتۉك كوپەراتىبىنىن باش ئش بىلگىسى چىن ۋاڭ مىنداي دەدى:« مئسالى مۅمۅ چوڭويوو باشتاعاندا كالىيلىك جانا فوسفورلۇق جەر سەمىرىتكىچكە بولعون اجاتى بئر قىيلا اشات، بئز سۇيۇق جەر سەمىرىتكىچكە تەسكۅۅ الىپ بارىپ، مۅمۅ ەڭ اجاتتۇۇ ەلەمەنتتەردى قوشۇپ جىبەرەبىز».

 اقىل جۅندۅمدۉ جەر سەمىرىتكىچ بەرۉۉ دىيقانچىلىق ەگىندەرىنىن ماي قۇيۇۇ پونكىتىنە وقشويت، جەر سەمىرىتكىچ بەرۉۉ اسپابىن ايدوو باشىنا ورنوتۇپ، دىيقاندار چۅنتۅك تەلەفونۇ ارقىلۇۇ مئڭ مو جۉزۉمدۉكتۉۉ باشقارا الات، ازىرعا چەيىن سانجى وبىلاستىنىن اقىل جۅندۅمدۉ جەر سەمىرىتكىچ بەرۉۉ سىستەماسى قاپتاعان ايدوو جەر ايانتى 55 مئڭ 340 موعو جەتتى، دىيقانچىلىق ەگىندەرى بۇۇداي، جۉگۉرۉۉ، جاشىلچا، پاحتا سىياقتۇۇلارعا چاتىشىپ، بۇۇدايدىن مو تۉشۉمۉن %20 ارتتىردى.

سانجى ماملەكەتتىك ايىل- چاربا ئلىم- تەحنىكا باقچاسىن باشقارۇۇ كومىتەتىنىن مۇدۇرۇ ۋاڭ ۋىنيوۋ  مىنداي دەدى:« زات جۉگۉرتۉۉ تورۇ تەحنىكاسى، 3S تەحنىكا جانا بۇلۇت تەيلۅۅ تەحنىكاسىنان تولۇق پايدالانىپ، اقىل- ىدىرەكتۉۉ ايىل- چاربانى كۉچ سالاا ۅنۉكتۉرۉپ، ۅندۉرۉشتۉ اقىل- جۅندۅمدۅشتۉرۉۉنۉ، تئجاراتتى ماالىماتتاشتىرۇۇنۇ، باشقارۇۇ ۅلچۅمدۅشتۉرۉۉنۉ، تۉشۉمدۉ ماركالاشتىرۇۇنۇ جانا تەيلۅۅنۉ وڭتويلوشتۇرۇۇنۇ ئش جۉزۉنۅ اشىردىق».

ازىرعا چەيىن اپتونوم رايونۇبۇزداعى 83 وودان، شاار نەگىزگى ايىل- چاربا تەحنىكاسىن كەڭىرتۉۉ سىستەما ىسلااتىن جانا قۇرۇلۇشۇن تەرەڭدەشتىرىپ، 166 ۇزۇن مەزگىلدۉۉ، تۇرۇقتۇۇ ايىل- چاربا ئلىم- تەحنىكا سىناق قىلۇۇ ۉلگۉلۉ بازاسىن كەمەلدەندىرىپ، 53 مئڭ ايىل- چاربا ئلىم- تەحنىكاسى ۉلگۉلۉۉ نەگىز تۇلقۇسۇن جەتىشتىرىپ، جاڭى ئلىم- تەحنىكا، جاڭى تەحنىكانى ايىل- چاربانى ۅنۉكتۉرۉۉدۅكۉ جاردامچىعا ايلاندىردى.

 اپتونوم رايوندۇق ايىل- چاربا، ايىل- قىشتاق نازاراتىنىن ورۇن باسار باشچىسى شۉ تاۋ مىنداي دەدى:« ايىل- چاربا تۉشۉم ۅلچۅمۉن ارتتىرۇۇ باعىتىن ساپاتىن ۅستۉرۉۉ باعىتىنا ۅزگۅرتۉپ، ئلىم- تەحنىكاعا سۉيۅنۉۉنۉ قىيمىلداتقىچ كۉچ قىلىپ، كىيىنكى ارىمدا ئلىم- تەحنىكا تەيلۅۅ سىستەماسىن توقتوسۇز كەمەلدەندىرىپ، قولدونعون ار تۉردۉۉ ئش- چارالاردى ئلىم- تەحنىكا تابىلعالارىنا ايلاندىرىپ، ايىل- چاربا ئلىم- تەحنىكا تۉركۉك تورۇن بەكەمدەپ، ئلىم- تەحنىكا جوعورۇ تۉيۉنۉن ەەلۅۅ قۇرۇلۇشۇن بەكەم قارموونۇ كۅرۉنۉكتۅندۉرۉپ، ئلىم- تەحنىكا باقچاسى، زامانباب ايىل- چاربا باقچاسىنا سۉيۅنۉپ، بئر تۉركۉم ايىل- چاربا جاڭى تەحنىكاسىن، جاڭى ىقماسىن چوعۇلتۇپ، ئلىم- تەحنىكا مەنەن كەسىپتەشتىرۉۉنۉ جۇرۇلۇشتۇرابىز».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.