باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
قىشقى ساياقات اياباي قىزىپ، قالىڭ دىيقان-مالچىلار بۇعا ىشتىكتۉۉ قاتىشتى
   2018-12-17 15:42:21     xjbs   

ۇچۇردا، اپتونوم رايونۇبۇزدا قىشقى ساياقات اياباي قىزىپ، قالىڭ دىيقان-مالچىلار بۇعا ىشتىكتۉۉ قاتىشىپ، دىيقاندار شاتتىعى، مالچىلار شاتتىعى ەس الۇۇ جايىن قۇرۇپ، ايىل قىشتاق ساياقاتى، ەلدىك سالت- ساناا سىياقتۇۇلاردى ورتوعو چىعارۇۇدا، كۅپتۅگۅن دىيقان-مالچىلاردىن تۇرمۇشۇ بارعان سايىن جاقشىلانۇۇدا.

ىستانسىيابىز قابارچىسى جئن لئي، ەركتۉۉ قابارچىبىز ەلىسقان، چىڭ شىلئن، جاڭ شىياۋحۇيلاردىن قابارى: 

 باشتاماسى قوشۇلات 12- اي كىرەرى مەنەن، كۅكتوقوي وودانى كۅكتوقوي قار- مۇز قاپچىعايىن ساياقاتتاپ، ماملەكەتتىك كەن باقچاسى، گەيولوگىيا اجايىپقاناسىن ەكىسكۇرسىيالاي تۇرعان ساياقاتچىلار بارعان سايىن كۅبۅيدۉ، ال ەمى «ەرتىش دايراسىنداعى 1- قىشتاق» دەپ اتالعان كۅكتوقوي شاارچاسىنىن تالاتى قىشتاعى داعى دۇۇمانعا بۅلۅندۉ. ساياقاتچىلار مالچىلاردىن ۉيۉندۅ قونۇپ، ىر- بىيدەن ۉزۉرلۅنۉپ، اسىل داامداردان داام سىزىپ، ات چاناعا ولتۇرۇپ كۅڭۉل اچىشات. بەيجىندىك ساياقاتچى جاڭ چۇچىياۋ مىنداي دەدى: بۇل جەردىن كىشىلەرى ابدان مەيماندوس ەكەن، جەرى ايرىقچا كۅركتۉۉ ەكەن، كۅركۅم كۅكتوقوي ۅتۅ سۇۇق بولعونۇ مەنەن، كىشىلەرى اياباي جىلۇۇ مامىلەدە بولوت ەكەن.

 كەن بايلىعىنىن بايۇۇسۇنا ەەرچىي، كۅكتوقوي شاارچاسى اقىرىنداپ كەن تۉشۉمدۅرۉن اچۇۇدان ساياقات كەسىبىن ۅنۉكتۉرۉۉگۅ بەت الدى. كۅكتوقوي شاارچاسى تۉردۉۉ قارجىلاردان 11 مئلىيون يۇاندى بىرىكتىرىپ، تالاتى قىشتاعىنىن نەگىزگى جابدۇۇلارىن ۅزگۅرتۉپ، وشونۇ مەنەن قىشتاقتىن كەبەتەسى جاپ-جاڭى بولدۇ. تالاتى قىشتاعىنداعى مالچىلاردان ساياقات تۉيۉنۉنۅ قوتورۇلۇپ جۇمۇشتانعاندار 100 نەچە كىشىگە جەتىپ، 55 ۅزگۅچۅ ۉي بۉلۅ مەيمانقاناسى، مالچىلار شاتتىعى سىياقتۇۇلاردى قۇردۇ.

قىشتاق تۇرعۇنۇ مۇرات سارقىت مىنداي دەدى: «نەگىزگى جابدۇۇلار ۅزگۅرتۉلگۅندۅن كىيىن، كۅپتۅگۅن ساياقاتچىلاردى ەلىكتىردى، كىرەشەبىز دا بئر قاتتالدى، بىلتىرقىعا سالىشتىرعاندا، بىيىل كىرەشەبىز قىيلا ەلە كۅپ بولدۇ. ساياقاتچىلىقتىن سولعۇن مەزگىلىندە سولعۇن بولبوي، تۅرت مەزگىلدە تەڭ دۇۇمانداتۇۇ ۉچۉن، ۇشۇل قىشتا، اپتونوم رايونۇبۇزدۇن جەر- جەرلەرى ارت- ارتىنان ساياقات مايرام قىيمىلدارىن ۇيۇشتۇرۇپ، قار- مۇز ساياقات لەنىياسىن الىپ چىعىپ، قىشقى ساياقاتتى قىزىتتى.

سوودا وڭۇتۇن كۅرگۅن جەر- جەرلەردەگى دىيقان مالچىلار ەمى «ۉيۉنۅ بەكىنىپ الباستان»، تئجاراتقا ىشتىكتۉۉ قاتىشىپ، كىرەشەسىن ارتتىرىپ بايىدى. بورتالا موڭعۇل اپتونوم وبلاستىنىن قار- مۇز نادام قىشقى ساياقاتى قىيمىلىن قۇلاچ جايدىرعان سونۇن ۇڭۇتۇنان پايدالانىپ، بورتالا موڭعۇل اپتونوم وبلاستىق ئلىم- تەحنىكا قوومۇنۇن بورتالا شاارى شئياۋيئڭپان شاارچاسى مۅڭگۉتولحا قىشتاعىندا تۇرۇشتۇۇ «ەل ابالىن بىلۉۉ، ەلگە نارپ جەتكىرۉۉ، ەل كۅڭۉلۉن الۇۇ» قىزمات اترەتى مالچىلاردى ۇلۇتتۇق كىيىمدەرىن كىيىپ، توۋشۇر چەرتىپ، ىرداپ بىيلەپ الىستان كەلگەن ساياقاتچىلاردى توسۇپ الۇۇعا چابىتتاندىردى.

قىزمات اترەتىنىن باشچىسى شە فىڭيئڭ مىنداي دەيت: بۇل ساياقات ارقىلۇۇ مالچىلارىبىز كىرەشەسىن ارتتىرا الات، وشوندوي ەلە تۉشۉمدۅرۉبۉزدۉ تاانىشتىرا الابىز، انتكەنى بىزدە سۉتتۅن جاسالعان تۉشۉمدۅر، اركى بار، داعى قولدو سايىلعان سايمالارىبىز بار، بۇل مالچىلار ۉچۉن اياباي جاقشى ئش. قىشقى ساياقاتتىن ۅنۉگۉۉسۉنۅ ەرچىي، اپتونوم رايونۇبۇزدۇن جەر- جەرلەرى دىيقان-مالچىلاردى كۅرك رايوندورۇنا بارىپ تەيلۅۅ مەنەن الپۇرۇشۇپ، ۇلۇتتۇق سالت- ساناا، ىر- بئي ويۇندارىن كۅرسۅتۉپ، ۇشۇل ارقىلۇۇ كىرەشەسىن ارتتىرۇۇعا چابىتتاندىردى. وشونۇ مەنەن قاتار، جەر- جەرلەر داعى قىشقى ۅزگۅچۅ ساياقات تۉرلۅرۉن الىپ چىعۇۇ مەنەن ساياقاتچىلاردى ەلىكتىردى.

تالاا قار- مۇز مەنەن قاپتالعان بولسودا، بئروق سانجى شاارى لئيۇگوڭ شاارچاسى شىسانحۇ قىشتاعىنىن تۇرعۇندارى قارجى چوعۇلتۇپ سالعان 6000 چارچى مەتىرلىك حايۋئي بالىق قارموو بوربورۇنان جىلۇۇلۇق سەزىلىپ تۇرات، كۅپتۅگۅن بالىق قارموو كۉيۅرماندارى ۉي بۉلۅسۉ مەنەن بۇل جەرگە كەلىپ كۅڭۉل اچىپ، بالىق قارموونۇن قىزىعىنا باتىشات. ۉرۉمچۉدۅن كەلگەن بالىق قارموو كۉيۅرمانى جاڭ مئڭيۉ مىنداي دەيت:« تۉشتۅن مۇردا ساات 10 دون اشقاندا كەلگەمىن، بۇل جەرگە كەلىپ 30 دان اشۇۇن بالىق قارمادىم، مول تابىشقا ەە بولۇپ، اياباي سۉيۉنۉپ تۇرام.» حايۋئي بالىق قارموو بوربورۇنۇن جووپتۇسۇ چىن گوجۉن مىنداي دەدى: بالىق قارموو مايدانىبىزعا دەمەيدە 40- 50 دۅي كىشى كەلىپ تۇرات، اپتانىن 6-، 7- كۉندۅرۉ ادام قىيلا كۅپ بولۇپ، 200 چاماسىندا بولوت، ار كۉنكۉ ورتوچو تئجارات سوممابىز 5- 6 مئڭ يۇانداي بولوت، جوعورۇ بەلەسكە جەتكەندە 10 مئڭ يۇاندان اشات، ۅزدۉك نارقىن چىعارىپ جىبەرگەندە، بئر ايدا 40- 50 مئڭ ايلاناسىندا بولوت.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.