باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
نارات ەل ارالىق قار جىلعاياقتوو مايدانى تئجارات باشتاپ ساياقاتچىلاردى كۉتۉپ الدى
   2018-12-17 17:24:01     xjbs   

 12- ايدىن 15- كۉنۉ نارات ەل ارالىق قار جىلعاياقتوو مايدانى 2018-، 2019- جىلدىق قاردۇۇ مەزگىلدە قار جىلعاياقتوونۇ باشتوو ازەمىن ۅتكۅردۉ، بۇل ۇشۇل جىلدىق قار مەزگىلىندە قار جىلعاياقتوونۇن ىراسئمىي باشتالعاندىعىنان دارەك بەرەت، وشونۇ مەنەن بىرگە چىراق جابدۇۇلارىن ۅزگۅرتۉۉسۉنۉن بۉتۉسۉنۅن ۇلام، قار جىلعاياقتوو مايدانى بىيىل تۇنعۇچ جولۇ كەچتە قار جىلعاياقتووعو اچىپ جىبەرىلدى. 

 كۉنەس رادىيو ىستانسىياسىنىن قابارچىسى لازەتتىن بۇل جۅنۉندۅكۉ قابارى.

 قار مەزگىلىندە قار جىلعاياقتوونۇن باشتالۇۇ ازەمىندە تۉركۉن- تۉستۉ مادانئيات كۅركۅم ۅنۅر ويۇندارى جانا تىك ۇچاق، قار موتوسىكىلىت ويۇنۇ ارقىلۇۇ نارات ەل ارالىق قار جىلعاياقتوو مايدانى جىلدىق قار مەزگىلىنىن كۅشۅگۅسۉن اچتى. نارات ەل ارالىق قار جىلعاياقتوو مايدانى كۉنۅس وودانىنان 10 كىلومەتىر كەلەت، العاچقى، ورتو، جوعورۇ وقشوبوعون داراجاداعى قار جىلعاياقتوو جولۇ بار، مۇنۇن ىچىندە نەگىزگى قار جولۇنۇن ۇزۇندۇعۇ 4100 مەتىر، قار دۅڭگۅلۅك جولۇنۇن ۇزۇندۇعۇ 300 مەتىر، قار جىلعاياقتوو مايدانى جابدۇۇلارىن كەمەلدەندىرىپ، ارقان مەنەن سۉيرۅۅ، كىلەم، فونىكۇليور سىياقتۇۇ جابدۇۇلاردى تولۇقتادى.

 اندان باشقا قار جىلعاياقتوو مايدانى داعى 5 كىلومەتىرلۉۉ تالاا قار جولۇن ەل ارالىق قار جىلعاياقتوو بىرلەشمەسىنىن مويۇندووسۇنان ۅتكۅردۉ. قاردۇۇ مەزگىلى جەتىپ كەلىپ شئنجاڭ ئچى- سىرتىنداعى كۅپتۅگۅن ساياقاتچىلاردى جانا قار جىلعاياقتوو كۉيۅرماندارىن قۇيرۇق ۇلاش كەلۉۉگۅ ەلىكتىردى، ياڭجۇلۇق ساياقاتچى دۇ جافىڭ مىنداي دەدى:« نارات ەل ارالىق قار جىلعاياقتوو مايدانىنىن تئجارات باشتوو ازەمىنە تۇش كەلىپ، ابدان قۇباندىق، كۉنەس سونۇن جەر ەكەن، شئنجاڭدىقتار ابدان مەيمان دوس ەكەن».

 قار جىلعاياقتوو كۉيۅرمانى لئى بونۇن بئرىنچى جولۇ كەلۉۉسۉ بولۇپ ال مىنداي دەدى:«ساارلاپ كەلىپ قىشقى قار جىلعاياقتوونۇن قۇبانىچىن سەزىنەيىن دەدىم، قار جىلعاياقتوو قىيمىلدارى ابدان مول ەكەن». بىيىل نارات ەل ارالىق قار جىلعاياقتوو مايدانى 2 ووزدۇۇ قار كۅرك ۉيۉن، 200 مەتىر چىراق كارىدورۇن جاڭىدان سالدى، وشوندوي ەلە اتايىن چىراقتارعا ۅزگۅرتۉۉ الىپ بارىپ، تۉندۅ قار جىلعاياقتوو تۉرۉن ورتوعو چىعاردى. كەچ ساات 7 دە قىزىل پانۇس، تۉركۉن- تۉستۉۉ چىراقتار قار جىلعاياقتوو مايدانىن تۉركۉن- تۉستۉ كۅرككۅ بۅلۅپ، قار جىلعاياقتوو كۉيۅرماندارى جاعىمدۇۇ مۇزىكا جانا چىراقتاردىن قوشتوسۇندا كەچتە قار جىلعاياقتوونۇن ۅزگۅچۅ تارتىمدۇۇلۇعۇن سەزىنىشەت.

قار جىلعاياقتوو كۉيۅرمانى لئى جئياڭۋىي مىنداي دەدى: «بئرىنچى جولۇ كەچتە قار جىلعاياقتاشىم، اياباي كەرەمەت بولوت ەكەن، كەچتە قار جىلعاياقتاسا ابدان قووز بولوت ەكەن، ايرىقچا چىراق نۇرۇ بولعوندۇقتان كۉزكۉدۅي ەلە اياباي سونۇن بولوت ەكەن». نارات ەل ارالىق قار جىلعاياقتوو مايدانىنىن دىرىكتورۇ چىن شئڭفا  مىنداي دەدى: «قار جىلعاياقتوو مايدانىن كەچتە اچىپ جىبەرۉۉ ارقىلۇۇ كۉزدۉز قىزمات قىلاتۇرعان قار جىلعاياقتوو كۉيۅرماندارىن جانا ساياقاتچىلاردى كەچكى كۅڭۉل اچۇۇ وردۇ مەنەن قامداپ، قار جىلعاياقتوو قۇبانىچى جانا كەچكى قووز كۅركتۅن ۉزۉر الدىرابىز». 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.