باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
نارات قىشقى ساياقاتى ۇلۇتتۇق سالت-ساناا ماركەسىن جاراتىپ، چار تاراپتان ساياقاتچىلاردى ۅزۉنۅ تارتتى
   2018-12-28 18:14:53     xjbs   

 بىيىل نارات كۅرك رايونۇنۇن قىشقى ساياقاتتى قۇلاچ جايدىرعان بئرىنچى جىلى. كۅرك رايون ات بايگە جارىشى، كۅكبۅرۉۉ، كۉرۅش سىياقتۇۇ بئر سىيرا ۇلۇتتۇق سالت-ساناا قىيمىلىن جولعو قويۇپ، ساياقاتچىلاردى قووز كۅركتۅن ۉزۉر الدىرۇۇ مەنەن بىرگە، جەرگىلىكتىن ۇلۇتتۇق سالت-سانااسىن تەرەڭ سەزىندىرگەن.

 كۉنۅس رادىيو ىستانسىياسىنىن قابارچىسى ۋاڭ چئڭ، ەرىكتۉۉ قابارچى جاڭ بوچىڭدىن قابارى: قىشىنداعى نارات ەل ارالىق ات بايگە مايدانى ابدان قىزىدى، بۇل ەكى كۉندۅ، بئر مايدان تارتىمدۇۇ ات بايگە جارىشى بۇل جەردە ۅتتۉ. بۇيرۇق بەرىلىشى مەنەن، مىقتى باپتالعان كۉلۉكتۅر ماارادان سۇۇلۇلۇپ چىعىپ، كىچىك چاباندازدار ات قۇلاعىندا قامچى ۉيۉرۉپ مايداندا سىزىپ كەتىپ باراتتى.

 الاردىن ات ۉستۉندۅگۉ ۅنۅرۉ، شايدووتتۇعۇ كەڭ كەتكەن جايلوودو انسايىن كۅزدۉن جووسۇن الدى، كۅپتۅگۅن ساياقاتچىلار قار ۉستۉندۅگۉ بۇل تەزدىك مەنەن سەزىمدىن جارىشىنا ابدان قايىل بولۇشتۇ. ساياقاتچى كۋۇ يىتۇڭ مىنداي دەدى: ات بايگە جارىشىن مۇردا كۅرگۅن ەمەسمىن، بۇعا بالدار قاتىشتىر، الار چىنىندا مىقتى ەكەن، بۇل جاقتىن كۅركۉ ابدان قووز ەكەن، بۇل جاققا كەلىپ شئنجاڭدىن جەرىنىن كەنەن بايلىعى مول ەكەنىن سەزدىم.

ساياقاتچىلاردى ساياقاتتان جاقشى سەزىندۉرۉۉ ۉچۉن، نارات كۅرك رايونۇ نەگىزگى جابدۇۇلارىن جاقشىلوونۇن الدىنقى شارتى استىندا، كۅپ تۉردۉ ۇلۇتتۇق سالت-ساناا قىيمىلدارىن ۅتكۅرگۅن، مئسالى قاردا ات مىنۉۉ، چۉيگۅن داامداردان ووز تىيۉۉ، كىيىم-كەچەك كۅرگۅزمۅسۉ سىياقتۇۇلار. نارات كۅرك رايونۇن باشقارۇۇ كومىتەتى تئجارات بوربورۇنۇن مۇدۇرۇ چى حۇا مىنداي دەدى: بئز قىشقى ساياقاتتا كۅپتۅگۅن قىيمىلداردى قۇلاچ جايدىرابىز، مئسالى قاردا تىرچىلىك قىلۇۇ، قىشقى سوعۇم سىياقتۇۇ مايرامدار بار. مىندان كىيىن، كۅرك رايون داعى اقىرىندىق مەنەن ۇلۇتتۇق سالت-ساناا قىيمىلداردى قۇلاچ جايدىرىپ، ۇلۇتتۇق سالت-ساناا، نارات جايلوو مادانئياتى سىياقتۇۇلار ارقىلۇۇ قىشقى ساياقاتتا كۅپتۅگۅن ساياقاتچىلاردى ۅزۉبۉزگۅ تاراتابىز.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.