باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
باعراش وودانىنىن 11-كەزەكتۉۉ قار-مۇز مايرامى كۅشۅگۅسۉن اچتى
   2019-01-07 18:33:00     xjbs   

 1-ايدىن 5-كۉنۉ تۉشتۅن مۇردا، باعراش وودانىنىن 11-كەزەكتۉۉ قار-مۇز مايرامى باعراش كۅلۉ داحىكۋو كۅرك رايونۇندا كۅشۅگۅسۉن اچتى، تارتىمدۇۇ ۅزگۅچۅ قار-مۇزدان سەزىنۉۉ تۉرلۅرۉ، چەبەرچىلىك مەنەن ويۇپ جاسالعان قار-مۇز ايكەلدەر جەر-جەرلەدەن كەلگەن ساياقاتچىلاردى ۅزۉنۅ تارتتى، بۇل جۅنۉندۅ باعراش رادىيو ىستانسىياسىنىن قابارچىسى لئيۇ كاي، دۇگىرجاپتىن قابارىن ۇعۇڭۇزدار: بۇل اپتا اقىرىندا، باعراش كۅلۉ داحىكۋو كۅرك رايونۇ ۅزگۅچۅ دۇۇمانعا بۅلۅندۉ، 50دۅن اشۇۇن ۅزگۅچۅ ويۇلعان قار-مۇز ايكەلدەر اچىلۇۇ ازەمىندە توپتوپ كۅرسۅتۉلۉپ، كۅركۅم كۅرۉنۉشتۉ قالىپتاشتىردى. بىلۉۉگۅ قاراعاندا، بۇل جولقۇ قار-مۇز مايرامى قار-مۇز ايكەلدەر توبۇ «شئحاي فۇلئنمىن»، «شئحاي مولچۇلۇق جىلى»، «شئحاي جۇڭگو اڭسووسۇ»، «شئحاي بالدار قىزىقتۇۇ سالتاناتى»، «شئحاي كۅڭۉل اچۇۇ سالتاناتى»نان تۇرعان بەش بۅلۉكتۅن قۇرالعان. مىندا «دوڭۇز مولچۇلۇق قاالووسۇ، ار جىلى بەرەكە بولسۇن» اتتۇۇ قار ايكەل بۇل كەزەكتۉۉ قار-مۇز مايرامىنداعى ەڭ چوڭ نەگىزگى تەماداعى ايكەل بولعون. بۇل چوڭ تىپتەگى قار ايكەلدىن ارقا كۅرۉنۉشۉ ۇلۇۇ قورعون، كۅركۅم توو-سۇۇ، كۅركۅم اتا-مەكەن سىياقتۇۇ ايكەلدەردەن قۇرالعان. سول تارابى دوڭۇز ايكەلى بولۇپ، ماانىسى قۇبانىچتۇۇ، ىرىستۇۇ تۇرمۇشقا كەنەلۉۉ، وڭ جاعىندا شئحاي سازان بالىعى، ماانىسى بايلىق قۇت ىروولووسۇن دەگەندى بىلدىرەت. بۇلار چەبەر جاسالىپ، ابدان ايباتتۇۇ بولۇپ، كۅرگۅندۅردۉ ۅزۉنۅ تارتىپ تۇرات. ساياقاتچى ۋاڭنا مىنداي دەدى: مىنداي چوڭ مۇز ايكەلدى كۅرۉپ، ابدان تاڭىرقادىم، انان ابدان قووز، كۅركۅمدۉك سەزىمى كۉچتۉۉ ەكەن. بۇل جەردەگى كۅپ تۉرلۅردۉن بارى قىزىقتۇۇ بولۇپ، بۉگۉن كۅڭۉلدۉۉ وينودۇق. ساياقاتچى تىيەن يۅشئن مىنداي دەدى: ەشىك الدىنداعى مۇز-ايكەل ۅزگۅچۅ تارتىمدۇۇ ەكەن، 12 مۉچۅلدۉ چەبەر ويۇپ جاساپتىر، ابدان جاقتى ماانىسى دا جاقشى ەكەن. اچىلۇۇ ازەمىنىن ناق مايدانىندا، تارتىمدۇۇ بئي، مۇڭعۇلچا سوزۇلما ىر كۅپتۅگۅن ساياقاتچىلاردى ۅزۉنۅ تارتتى. مۇزدا ات مىنۉۉ، مۇزدا جىلعاياقتوو، ات چانا، جۅۅلۅشۉۉ ماشئناسى سىياقتۇۇ بئر سىيرا كۅڭۉل اچۇۇ قىيمىلدار ساياقاتچىلاردى ويۇنعا تىكەلەي قاتىشتىرىپ سەزىندىردى. حىبەيلىك ساياقاتچى جئنبئن مىنداي دەدى: مەن بۇل جولۇ قارداعى تالاا تۉرۉنۅ قاتىشتىم، مۇردا تەلەۋىزوردون كۅرگۅمۉن، بۇل جولۇ بئرىنچى جولۇ قاتىشىشىم، ابدان قىزىقتۇۇ ەكەن. مىندان كىيىن وڭۇت بولسو سۅزسۉز كەلىپ بۇل تۉرلۅرگۅ داعى قاتىشام. بىلۉۉگۅ قاراعاندا، باعراش وودانىنىن 11-كەزەكتۉۉ قار-مۇز مايرامى ەكى اي ۅتۉپ، جاڭى جىلى، كۅكتۅم مايرامى، پانۇس مايرامى سىياقتۇۇ جۅرۅلگۅلۉۉ مايرامدار مەنەن بىرلەشتىرگەن، بۇل مەزگىلدە جەرگىلىك داعى قار-مۇز دەنە اراكەتى+ ساياقات قىيمىلى، قىشتا بالىق قارموو جانا قىشتا قايىرماق سالۇۇ قىيمىلى، پانۇس چىراق كۅرگۅزۅمۅسۉ سىياقتۇۇ قىيمىلداردى ۇيۇمداشتىرماقچى.

 

 

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.