باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايونۇبۇزداعى 7 مئللىيون دىيقان، مالچى ەشىگىنىن الدىندا تەحنىكا جۅندۅم ۉيرۅندۉ
   2019-01-08 19:10:25     xjbs   

     اپتونوم رايونۇبۇزدۇن جەر-جەرلەرى دىيقان، مالچىلاردىن جۇمۇش ىشتۅۅ اجاتىنا بىرىكتىرىپ، مول،  اسعاتما ەمگەك تەحنىكا جۅندۅمۉ بويۇنچا تاربئيالوونۇ ۇيۇمداشتىرىپ قۇلاچ جايدىرىپ، دىيقان، مالچىلاردىن چاربا جاراتۇۇ، جۇمۇشقا ورۇنداشۇۇ جۅندۅمۉن ۇلاندۇۇ جوعورۇ كۅتۅردۉ. 

    بۇل بئر قانچا كۉندۅ، چۅيچۅك شاارى بوزداق دىيقانچىلىق مايدانى جىيەك قىشتاعىنىن قىيمىل ۉيۉندۅ، قىشتاق تۇرعۇندارى تاربئيالووچۇ مۇعالىمدى ەرچىپ بەچىرنان  بىشىرۇۇنۇ ۉيرۅنۉپ جاتات. قىشتاق تۇرعۇنۇ شاقار بئر قانچا كۉن ۉيرۅنۉۉ ارقىلۇۇ، 5، 6 تۉردۉۉ بەچىرنان  بىشىرۇۇ ارعاسىن بىشىق ەەلەپ بولدۇ، ازىر ال ۅزۉنۉن بەچىرنان جاسوو دۉكۅنۉن اچۇۇنۇ ويلوپ جاتات: «بۉگۉن بەچىرناندى قاقتاپ بىشىرۇۇنۇ ۉيرۅندۉك، ازىر بئز قىشتاقتان اتتاباي تۇرۇپ تەحنىكالاردى ۉيرۅنۉپ الدىق.» 
     جاقىندا، كۉنۅس ووداندىق ادام كۉچۉ بايلىعى جانا قوومدۇق قامتاماسىزداندىرۇۇ مەكەمەسىنىن باشچىلىعىندا، تالدى شاارچاسىنىن اقچئى قىشتاعىندا جاسالعالوو جۇمۇشچۇلارىن جۅندۅم بويۇنچا تاربئيالوو كۇرسۇن اچىپ، نازارىيالىق ساباق بەرۉۉ مەنەن قاتار، تاربئيالوو كۇرسۇ قىشتاقتاعى ەكى تۅمۅن تۇرمۇش كەپەلەتى تۉتۉنۉنۉن ۉيۉن تانداپ جاسالعالوو ئش جۉزۉندۉك ماشقۇلاتىن الىپ باردى. تاربئيالوو كۇرسۇنۇن كۇرسانتى جوۋ مۇسا مىنداي دەدى: «بۇل جولۇ مۇعالئمىبىز مەەرىمدۉۉلۉك قىيمىلىن ۇيۇمداشتىردى، ۇشۇل كەمباعال تۉتۉندۅرگۅ جاردام بەرىپ ۉيلۅرۉن جاسالعالاپ بەردىك، بئر جاعىنان مەەرىمدۉۉلۉك جەتكىردىك، بئر جاعىنان ئش جۉزۉندۉك ماشقۇلاتتى بىشىقتادىق، تەحنىكانى جاقشى ۉيرۅنۉپ، كىرەشەنى ارتتىرابىز.» 
  
     تاانىشتىرۇۇعا قاراعاندا، بۇل جولقۇ كۇرس جالپى 45 كۉن بولۇپ، 57 قىشتاق تۇرعۇنۇ قاتتالىپ قاتىشقان. تاربئيالوو كۇرسۇنۇن كۇرسانتتارى نازارىيا سىنووسۇ جانا ئش جۉزۉندۉك ماشقۇلات سىنووسۇندا تولۇمدۇۇ بولعوندون كىيىن، ىلە وبلاستىق كەسپى تەحنىكا جۅندۅم داراجا گۉبۅلۉگۉن تاراتىپ بەرەت ەكەن. 
     ۉچتۇرپان وودانى العا شاارچاسى تۅمۅنكۉ مەكىت قىشتاعىنداعى تىگۉۉچۉلۉك كۇرسۇندا، 60 تان اشۇۇن قىز-كەلىن جارىم اي ۉيرۅنۉۉ ارقىلۇۇ، ۅزدۅرۉ  كىيىم بىچا الا تۇرعان بولدۇ. قىشتاق تۇرعۇنۇ ارزىگۉل مىنداي دەدى: «قىشتاقتا كۅپتۅگۅن تاربئيالوو كۇرسۇن اچتى، مەن تىگۉۉچۉلۉك كۇرسۇن تاندادىم، تەحنىكا ۉيرۅنۉپ، اقچا تاپسام دەگەن ويۇم بار.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.