باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
قىشقى بەكەرچىلىكتى قىشقى شاشىلىشتىققا ۅزگۅرتۉپ، اپتونوم رايونۇبۇز قىشقى تاربئيالوونۇ چوردوندۇۇ قۇلاچ جايدىرىپ، جاڭى جىلداعى ۅنۉگۉۉنۉ جوسپورلودۇ
   2019-01-09 18:42:42     xjbs   


     قىش كىرگەندەن بەرى، تۉردۉۉ جۅندۅم كۇرستارى شئنجاڭدىن ايىل-قىشتاقتارىنداعى ارتىق ەمگەك كۉچتۅرۉن، شاار- شاارچالارداعى جۇمۇشقا ورۇنداشا ەلەك كىشىلەردىن قىشقى بەكەرچىلىگىن قىشقى شاشىلىشتىققا ۅزگۅرتتۉ، جەر-جەرلەر جۇرتچۇلۇقتۇن جۅندۅم كۇرسۇن چوردوندۇۇ قۇلاچ جايدىرىپ، كىرەشە ارتتىرۇۇ تۉرلۅرۉن جوسپورلوپ، تەحنىكا ۉيرۅنۉپ، بازاردى ىلىكتەپ-ىزىلدەپ، جاڭى جىلداعى ۅنۉگۉۉگۅ بەكەم پايدۇبال تۉپتۅدۉ.

     جاڭى جىل ۅتۉشۉ مەنەن، جەركەن ووداندىق بازاردى كۅزۅمۅلدۅپ باشقارۇۇ مەكەمەسىنىن ىشقول ايىلى  بىگىل قىشتاعىندا تۇرۇشتۇۇ «ەل ابالىن بىلۉۉ، ەلگە نارپ جەتكىزۉۉ، ەل كۅڭۉلۉن الۇۇ» قىزمات اترەتىنىن مۉچۅلۅرۉ قىشتاق تۇرعۇندارىنىن ۉيلۅرۉن قىدىرىپ، جاڭى جىلدىق جوسپور جۅنۉندۅ بىردىكتە اقىلداشتى. قىشتاق تۇرعۇنۇ تۇرسۇنگۉل راحمان مەنەن كۉيۅۅسۉ بئر قانچا جىل مۇردا اقسۇۇدا جۇمۇش ىشتەپ، 2018-جىلى جۇبايلار قىشتاققا قايتىپ، چاربا جاراتماقچى بولوت، وشول جىلدىن اقىرىندا، الار 50 مئڭ يۇاندىق دىيقاندار شاتتىق وردۇن قۇرۇۇ قارجىسىن الات. تۇرسۇنگۉل راحمان مىنداي دەدى: جاڭى جىل كىردى، قوروبۇزدان بئر دىيقاندار شاتتىق وردۇن اچتىم، قوروبۇزعا كۅپتۅگۅن مۅمۅ باق قويدۇق، ساياقاتچىلار كەلىپ جەپ، باقتى ارالاپ ۉزۅت. پارتئيانىن جاقشى ساياساتىندا، تۇرمۇشۇبۇزدۇن ۇلام وڭولورۇنا ىشەنەم.

      قىشتاق تۇرعۇندارىنىن جاڭى بئر جىلدا ابدان جاقشى كىرەشە تابۇۇسۇنا مۉمكۉندۉك تۉزۉۉ ۉچۉن، 2018-جىلدىن اقىرىندا، بىگىل قىشتاعىندا تۇرۇشتۇۇ قىزمات اترەتى 500 مئڭ يۇاندىق دىيقاندار شاتتىق وردۇن قۇرۇۇ قارجىسىن چوعۇلتۇپ، جاڭى جىلدا شىمالانا ىشتۅۅگۅ قامىندى. قىشتاقتا تۇرۇشتۇۇ قىزمات اترەتىنىن مۉچۅسۉ ۋاڭ فۇمئن مىنداي دەدى: قىزمات اترەتىبىز اربئر تۉتۉندۉن ئش جۉزۉندۉك ابالىنا جاراشا، وقشوبوعون تئجارات سىتراتەگىياسىن تۉزدۉ، جاڭى بئر جىلدا، ار بئر دىيقاندى تاربئيالاپ، الاردىن جاڭى جىلدا تئجاراتىن جاقشى جۉرگۉزۉپ، تۇرمۇشۇن ابدان جاقشىلاشىنا چىنىعى كەپىلدىك قىلابىز.

    قىشقى ارا-چولو كەزدە، چىلان جۇرتۇ اتىققان چارقالىق وودانىنداعى قالىڭ چىلانچى دىيقاندار باقتارىن تازالاپ، قىقتاپ،اك سۉرتۉپ،بۇتاپ-شاقتوو جانا تۉپ ارالاتىپ كۅچۉرۉۉ قاتارلۇۇ قىشقى اتىز-ارىق باشقارۇۇسۇ مەنەن شاشىلىش جۉرۉپ، 230 مئڭ مو چىلان باعىنىن ساپاتىن كۅتۅرۉپ داراجاسىن اشىرۇۇعا بىردەمجىي تۉرتكۉ بولدۇ.

    چارقالىق وودانى ۋاششەرى شاارچاسىنىن ۇدۇلۅستۅڭدۅگۉ 300 مولۇق سىناق باعىندا، قىشقى چىلان باعىن باشقارۇۇ ناق مايدان جىينالىشى اچىلىپ جاتتى، بۇل جولقۇ ناق مايدان جىينالىشىندا   چىلانچى دىيقاندارعا «تۉپ ارالاتىپ كۅچۉرۉۉ» تەحنىكاسى تۉيۉندۉۉ تاانىشتىرىلدى.  چىلان ۅستۉرۉۉ قىلداتى ۋاڭ باۋحۇا ۅزۉ تاجىرىيباسىنا بىرلەشتىرىپ مىنداي دەدى:  13 مو چىلان باعىم بار، بىلتىر مەن باعىمداعى چىلاندىن تۉپ ارالىعىن 4 مەتىردە 1 جارىم مەتىر تۉپ ارالىعىن 4 مەتىردە 2 مەتىر قىلىپ كەسىپ، چىلان داراقتارىنىن بىيىكتىگىن 3-3.5 مەترگە تۅمۅندۅتتۉم، بىلتىر چىلاندارىمدىن ۅندۉرۉشۉ تۉشۉپ كەتپەدى، تۉشۉمۉ دا كەمىبەدى، چىلاندارىمدىن ساپاتى دەلە قىيلا جاقشى.

      اقىرقى جىلداردان بەرى چارقالىق چىلانى وشول جەردەكى ەلدىن «جاشىل بانكەسى»نە ايلاندى. بئروق چىلان داراق جاشى، چىلان داراعى تاجىسىنىن  جىل سايىن چوڭويۇشۇنان ۇلام، كۅپتۅگۅن چىلان باقتارىنان ابا ۅتۉشپۅي،چىلان ساپاتى تۅمۅندۅپ، چىلانچى دىيقانداردىن كىرەشەسىنە تااسئرىن تىيگىزدى، چارقالىق ووداندىق چىلان ئلىم-تەحنىكا تەيلۅۅ بوربورۇنۇن مۇدۇرۇ حۇ ۋىنجۉن مىنداي دەدى: تەحنىكتەردى ورۇنداشتىرىپ، ۉچ ايىلچاربا ايىل- شاارچالاردى قىدىرتىپ، چىلاندىن جىشتىعىن تۅمۅندۅتۉپ، فوتوسىنتەزدىك رولۇن كۅتۅرۉپ، قۇرت، دارتتىن پايدا بولۇۇسۇن ازايتتىق، وشونۇ مەنەن ساپاتتۇۇلارى جاقشى باادا ساتىلىپ، چارقالىق وودانىنىن چىلان كەسىبىنىن بايسالدۇۇ سوو ۅنۉگۉۉسۉن تىڭعىلىقتۇۇ تۉرتمۅكتۅدۉ.

      قىشقى بەكەرچىلىك كەز شاار-ايىلدارداعى جۇمۇشقا ورۇنداشپاعانداردىن، ارتىق ەمگەك كۉچتۅرۉنۉن ۅنۅر ۉيرۅنۉپ، كىيىنكى جىلدا سىرتقا چىعىپ اقچا تابۇۇسۇنا پايدۇبال سالاتۇرعان كەزى. ماناس وودانى ماناس شاارچاسى يۉيۇان قوومدۇق قونۇشۇ  قوومدۇق قونۇشتاعى تۇرعۇندارعا ارناپ اقىسىز اجارلاندىرۇۇچۇلار كۇرسۇن اچتى. بىيىل 41 جاشتاعى ايشامگۉل اعا ەرتە ەلە قاتتالدى، ال مىنداي دەدى: مۇردا اجارلاندىرۇۇ جاعىندا ۅنۉگۉپ بىرەر ئش جاساسامبى دەپ ويلوچۇمۇن، بۇل جولۇ قوومدۇق قونۇش بۇل  كۇرستۇ ورۇنداشتىرىپتىر، ابدان قۇباندىم، مىندان كىيىن اجارلاندىرۇۇ جاعىنان ۅنۉكسۅمبۉ دەيمىن.

     كۇرستۇن مۇعالئمى لۉ حوڭ مىنداي دەدى:  ۉيرۅنۉۉ اقىرلاشقاندان كىيىن، شااردىق كەسىپكە تاربئيالوو بوربورۇ ۇشۇل كۇرسانتتاردان بئر جولۇ سىنوو الات، ۉيرۅنچۉك اجارلاندىرۇۇچۇ تولۇمدۇۇلۇعۇن العانداردىن جۇمۇشتانۇۇ كۅلۅمۉ كەڭىرەت. 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.