باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 880 مەتىرلىك كۉرۅشۉۉ جولۇ
   2019-01-09 18:50:49     xjbs   

   بىيىل 55 جاشتاعى لئى شىياۋلئڭ ۉرۉمچۉ شاارىنىن بئر تازالىق جۇمۇشچۇسۇ. 12 جىلدا 4400 دۅن اشۇۇن كۉنۉ-تۉن، ال جاپالۇۇ ەمگەگى جانا ماڭداي تەرى مەنەن بۇل شااردى ىرەتتۉۉ شىپىرىپ تازالاپ، تازالىق جانا قووزدۇق الىپ كەلدى. ىستانسيابىز قابارچىسى ايبىندىن قابارى:

     
    ساارقى ساات التى جارىمدا، جەر جارىباي تۇرۇپ ەلە لئى شىياۋلئڭ تاماعىن شاشىلىش جەپ،  قالىڭ سارى چاپانىن كىيىپ قاراشتۇۇ رايوندو بئر كۉندۉك قىزماتىن باشتاپ كەتتى.
    لئى شىياۋلئڭ ۉرۉمچۉ شاارى ياڭ زىجىياڭ جولۇ تىلكە رايونۇن باشقارۇۇ كومىتەتى تازالىق جۇمۇشچۇلاردىن بانجاڭى، 8 جۇمۇشچۇ مەنەن بىردىكتە شئداچىياۋ كۅپۉرۅسۉنۅن تۉشتۉك دوستۇق جولۇ پۇلئى قوومدۇق قونۇشۇنۇن ووزۇنا چەيىنكى 880 مەتىر جولدۇن تازالىق قىزماتىنا جووپتۇۇ. لئى شىياۋلئڭ بۇل جولدۇ ار كۉنۉ قىدىرىپ ۉچ تۅرت جولۇ  شىپىرىپ، جالپى باسقان ارالىعى 6 كىلومەتىردەن اشات.
        
   قىش كىرىپ، ارت-ارتىنان جااعان قار تازالىق جۇمۇشچۇلارىنا كۅپتۅگۅن قىيىنچىلىق تۇۇدۇردۇ. ار جولۇ قار جااعاندا، لئى شىياۋلئڭ مەنەن قىزماتتاشتارى بۉتۉن كۉن 24 ساات قىزمات وردۇندا بەكەم تۇرۇپ، جولدۇ شىپىرىپ، قارىن كۉرۅپ، شاار تۇرعۇندارىنىن شىدىر ساپارعا چىعۇۇسۇنا كەپىلدىك قىلات. لئى شىياۋلئڭ تاماشالاپ، قار جااعان كۉن تازالىق جۇمۇشچۇلارىن سىنووچۇ كۉن ەكەنىن ايتىپ مىنداي دەدى: تۉنكۉ ساات 3،4،5 تە چىعابىز، ۇباقىت بەلگىلەمەسى جوق، بئز ەرتە چىققاندىقتان تاماق جەشكە دا ۇباقىتىبىز چىقپايت، قار كۅپ جااپ توقتوبوي جااسا بئز دا توقتوبوي بئر قانچا كۉن ىشتەيبىز، كۉن مەنەن تۉندۉن ايىرماسى جوق، قار توقتوبوسو بئز دا توقتوبويبۇز، وشوندۇقتان قار جااسا بئزدىن سىناق ۅتكۅلۉبۉز سانالات.
      
   12 جىلدان بەرى، لئى شىياۋلئڭ ار كۉنۉ دەەرلىك 20 مئنۇت مۇردا جۇمۇش وردۇنا بارات. انىن تااسىرىندە، ال تۇرعان گۇرۇپپاداعى ار بئر تازالىق جۇمۇشچۇسۇ ار كۉنۉ 7 دەن مۇردا جۇمۇش وردۇنا بارىپ، 8 گە چەيىن ساارقى تازالىق قىزماتىن بۉتۉرۅت. لئى شىياۋلئڭ، ۅزۉنۉن بئر ايعا جەتپەگەن ۇباقىتتان كىيىن پەنسىياعا چىعارىن، وشوندۇقتان ەڭ اقىرقى قىزماتتى سۅزسۉز جاقشى ىشتەپ، بۇل قىزماتىنا ەڭ جاقشى چەكىت قويورۇن ايتىپ مىنداي دەدى: ۉرۉمچۉ مادانئياتتۇۇ شاار بولدۇ، مۇنۇ ىيگىلىكتۉۉ ۇلاندىرۇۇ ۉچۉن سۅزسۉز ىرەتتۉۉ تازا بولۇشۇ كەرەك، مەن ۅز قىزماتىمدى ار كۉنۉ جاقشى ىشتەپ، ۉرۉمچۉنۉن مىندان كىيىن انسايىن قووز بولۇۇسۇن ۉمۉت قىلامىن.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.