باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 الىمدىن باقىت قونولعوسۇ
   2019-01-10 18:57:31     xjbs   

    بۇل قىشتا تۇرپان شاارى ەدىقۇت رايونۇ بۇيلۇق كۅرك رايونۇنداعى چىڭۋا كۅچۅسۉندۅ جايىنداعىداي كىشى قوتولوپ باتپادى، ىلگەركى نۇسقاداعى ەلدىك قونولعولور كۅپتۅگۅن ساياقاتچىلاردى ۅزۉنۅ تارتتى. «الىم قونولعوسۇ» ۇشۇل قونولعولوردۇن بئرى.

     قونولعونۇن ۉستۅلدۅرۉنۅ قۇرعاتىلعان مۅمۅ، چۉيگۉن داامدار تولتۇرا قويۇلعان ەلە، قونولعو ەەسى الىم اتاۋۇللا مەيمانداردى كۉتۉپ جاتات بولچۇ. حۇبەيلىك ساياقاتچى شىيە جۉن مىنداي دەدى: بۇل قونولعونۇن جاتاقتارى چوڭ، جىلۇۇ ەكەن، تازالىق بۅلمۅسۉ مەنەن اشقاناسى دەلە تازا، قونولعو ەەسى الىم بايكە دەلە جارقىلداعان اق كۅڭۉل كىشى ەكەن، بۇل جولۇ دەلە كۅپتۅگۅن ۅزگۅچۅ چۉيگۉن داامداردى جەدىك، كەتەرىمدە بئراز الىپ كەتەيىن دەيىم، ۉيدۅكۉلۅر دا ووز تئيسىن.

    2013-جىلى تۇرپان شاارى بۇيلۇق كۅرك رايونۇنۇن داراجاسىن كۅتۅرۉپ ۅزگۅرتتۉ.  ۅزگۅرتۉلگۅندۅن كىيىنكى بۇيلۇق كۅرك رايونۇنۇن چىڭۋا كۅچۅسۉ تازا ىرەتتۉۉ بولۇپ، 200دۅن اشۇۇن ىلگەركى نۇسقاداعى ەلدىك قونولعولور كۅرك رايونۇنا جاڭى چىيرالۇۇ كۉچۉن ارنادى. «الىم قونولعوسۇ» دا وشول كەزدە قۇرۇلدۇ. الىم اتاۋۇللا مىنداي دەدى: ساياقاتچىلىق ۅنۉككۅندۅن كىيىن كەلگەن ساياقاتچىلار ۇلام كۅبۅيدۉ. وشوندۇقتان ۇشۇل قونولعونۇ اچىپ كىرەشەمدى كۅبۅيتمۅكچۉ بولدۇم.

     2015-جىلى 10-ايدا «الىم قونولعوسۇ» تئجاراتىن باشتادى. وشول جەردە ۅتكۅن ۅرۉك چەچەگىن كۅرۉۉ مايرامى، ۉجمۅ ۉزۉۉ، قورووز سوعۇشتۇرۇۇنۇ كۅرۉۉ قاتارلۇۇ جەلەلەش ساياقات مايرامدىق قىيمىلداردىن دەمى مەنەن، بئر جىلدىن 4 مەزگىلىندە ساياقاتچىلار تۇرپانعا تىنباي سەلدەي اعىلىپ، بۇيلۇقتۇ قىدىرىپ، چىڭۋا كۅچۅسۉن ارالادى. 2018-جىلداعى «ۅرۉك چەچەگى مايرامى» قىيمىلىنداعى 5 كۉندۅ ەلە، الىمدىن قونولعوسۇ  مىڭدەن ارتىق ساياقاتچىنى كۉتۉپ الدى. قونولعونۇن داڭقى چىعىپ، ماقتاعانداردىن كۅبۅيۉشۉنۅ ەەرچىي، جاتاق، اش-تاماق جۉرگۉزۉۉدۅن سىرت، الىم داعى ساياقات ەستەلىك بۇيۇمدار سووداسىن قوشو ىشتەپ، بئر جىلداعى كىرەشەسى 100 مئڭ يۇاندان اشىپ، بئر ۉيدۅكۉلۅردۉن تۇرمۇشۇ كۅپ وڭولدۇ. ال مىنداي دەدى:  ازىر تەلەۋىزوردۇ الماشتىردىق، ەسكى نەرسەلەردى تاقىر ىرعىتىپ، جاڭىسىن الدىق، كۉندۅرۉبۉز ۇلام جاقشىرىپ جاتات، پارتئيا مەنەن ۅكۉمۅتكۅ ىراقمات».

     ازىر ەلدىك قونولعو تۇرپان شاارىنىن ساياقاتتىن تئبىن بۇرۇپ داراجاسىن كۅتۅرۉۉدۅكۉ جاڭى كەسىپ تۇرپاتىنا ايلاندى. تۇرپان شاارىندا جۉز قانچا ارقانداي ۇسلوپتوعۇ ەلدىك قونولعو، دەڭ، ۉي-بۉلۅلۉك مەيمانقانا قۇرۇلۇپ، قىيىر تۉردۅ 8100 تۉتۉندۅن ارتىق 40 مئڭ كىشىنىن جۇمۇشقا ورۇنداشۇۇسۇنا ۅبۅلگۅ بولدۇ. 2018-جىلى تۇرپان شاارى جالپى 16 مئليون 60 مئڭ ادام ىرەت ساياقاتچى كۉتۉپ الىپ، ساياقات كەرەكتۅۅسۉن 15 مئليارت يۇاندان اشىرىپ،2017-جىلداعىدان ايرىم -ايرىم تۉردۅ%60 جانا %70 ارتتى. تۇرپان شااردىق ساياقات مەكەمەسى پارتگۇرۇپپاسىنىن ورۇن باسار شۇجئسى، مەكەمە باشچىسى ان جئنچىياڭ مىنداي دەدى:  دىيقانداردىن ازىرقى بار بايلىعىنا بىرىكتىرىپ، كەەبىر دىيقاندار شاتتىق وردۇن، ەلدىك قونولعوسۇن، دىيقاندار دەڭىن اچۇۇ ارقىلۇۇ، ساياقات القاعىنا قاتىشتىردىق. كەە بئر مايرام قىيمىلدارى ارقىلۇۇ، ساياقاتتىن ۅنۉگۉۉسۉنۅ بۉت ەلدى قاتىشتىرىپ، ەل مىندان نارپ العان سايىن  العان پايداسىن دەلە انسايى اربىدى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.