باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 1-، 2-، 3-كەسىپتى جۇرۇلۇشتۇرۇۇنۇ باچىمداتىپ، ايىل-چاربانىن بۉت ۅندۉرۉش جەلەسىن ۅنۉكتۉرۉۉنۉ تۉرتمۅكتۅدۉ
   2019-01-17 15:48:52     xjbs   
      اپتونوم رايونۇبۇزدۇن جەر-جەرلەرى ايىل-قىشتاقتاردا 1-، 2-، 3-كەسىپتى جۇرۇلۇشتۇرۇۇنۇ تەزدەتىپ، ايىل-چاربانىن بۉت ۅندۉرۉش جەلەسىن ۇزارتىپ، ايىل-چاربانىن بەرەكەتىن اشىرۇۇنۇ، دىيقان، مالچىلاردىن كىرەشەسىن كۅبۅيتۉۉنۉ ىلگەرى سۉردۉ.            
       1-ايدىن 11- كۉنۉ، ماناس وودانى لانجۇۋان شاارچاسى ۋاڭ جىياجۇاڭ قىشتاعىنداعى التىن قارتۅشكۅ كۅمۅكتۅشتۉك كوپپىراتىبىنىن پىنتوزاعا جۇمۇش قوشۇپ ىشتۅۅ سەحىندا، كۅمۅكتۅشتۉك كوپپىراتىبىنىن قىزماتچىلارى قارتۅشكۅ پىنتوزاسىن قاقتاپ قۇرعاتىپ، شاشلىش كۅرۉنۉش كۅز الدىبىزعا تارتىلات ەلە. كۅمۅكتۅشتۉك كوپپىراتىبىنىن كەڭەش باشچىسى چىن ۋانحۇ قابارچىعا مىنداي دەدى:- بۉگۉنكۉ كۉندۅ كۅمۅكتۅشتۉك كوپپىراتىبىنىن سەلەن قۇرامى مول بولعون ەرتە بىشاتۇرعان قارتۅشكۅ كۅلۅمۉ 6 مئڭ موعو، قارا قارتۅشكۅسۉ 300 موعو جەتتى. سورتتۇۇ قارتۅشكۅنۉ كۅبۅيتۉپ، كەڭىرتۉۉ بازاسى 2 مئڭ موعو جەتتى. قارتۅشكۅنۉن قوشۇمچا نارقىن اشىرۇۇ ۉچۉن، كۅمۅكتۅشتۉك كوپپىراتىبى 1 مئلىيون يۇان قارجى سالىپ، پىنتوزاعا جۇمۇش قوشۇپ ىشتۅۅ جابدۇۇسۇن كىرگىزىپ، سەلەن قۇرامى مول قارتۅشكۅدۅن قول مەنەن پىنتوزا جاساپ، قىشتاق تۇرعۇندارىنىن كىرەشەسىن اشىرىپ، بايۇۇ جاڭى جولۇن اچتىق. 2018- جىلى  كۅمۅكتۅشتۉك كوپپىراتىبىنىن مۉچۅلۅرۉنۉن كىشى باشىندىق ورتوچو ناقاي كىرەشەسى 29 مئڭ يۇانعا جەتتى. چىن ۋانحۇ مىنداي دەدى:- جۇمۇش قوشۇپ ىشتەگەندەن كىيىن پىنتوزا جاسادىق. ۇشۇنداي ىشتەسەك بئر جىلدا 300 توننا پىنتوزا جاساساق، 4 مئڭ توننا قارتۅشكۅگۅ جۇمۇش قوشۇپ ىشتەپ، انان پىنتوزا ۇنۇن ۅندۉرۅتۇرعانىبىزدى ەسەپتەپ چىقتىم. وشوندو انان كۅپچۉلۉكتۉ قايعىدان ايرىلتىپ، پىنتوزا زاۋۇتۇ ارقىلۇۇ كىرەشەبىزدى اشىرات ەكەنبىز.
      ماناس وودانى لانجۇۋان شاارچاسى ــ اپتونوم رايونۇبۇزدۇن جەر- جەرلەرىنىن ايىل-چاربا باشتووق كەسپىن ساپاتتۇۇلاشتىرىپ، كۉچتۉلۅشتۉرۉپ، كەسىپ جەلەسىن ۇزاتىپ، قوشۇمچا نارقىن جوعورۇ كۅتۅرۉپ، دىيقان، مالچىلاردى ايىل-چاربانى كەسىپتەشتىرۉۉدۅن جارالعان ارتقان نارىق كرىەشەسىن داعىدا كۅپ ەە قىلدىرعانىنىن كىچىرەيتىلگەن كارتىياسى. جاڭى جىل باشتالعاندان بەرى، ونسۇۇ ووداندىق ايىل-چاربا قوشۇمچا تۉشۉمدۅرۉنۅ جۇمۇش قوشۇپ ىشتۅۅ باقچاسىنداعى اقسۇۇ حىڭتوڭ مۅمۅ شىرنەسى چەكتۉۉ شەرىكتىگى ابدان جاقشى بئر زاكاس قابىلدادى. شەرىكتىكتىن باش دەرىكتۇرۇ لئى جۉدۇڭ مىنداي دەدى:- شەرىكتىكتىن ەل ارالىق الدىنقى دەڭگەەلدەكى مۅمۅ شىرەنەسىن ۅندۉرۉۉ اپتوماتىك ۅندۉرۉش لئنىياسى بار. زامانداشقان مۅمۅ، جەر جەمىش شىرنەسىنە جۇمۇش قوشۇو ىشتۅۅ تەحنىكاسىن قولدونۇۇ ارقىلۇۇ، سااتىنا 80 توننا مۅمۅگۅ جۇمۇش قوشۇپ ىشتۅۅنۉ ىشكە اشىرىپ، ازىر 90 پايىزدان كۅبۉرۅۅك تۉشۉم تۉندۉك امەرىكا، ەۋرۇپا، ورۇسىيا، اسىتىرالىيا سىياقتۇۇ جەرلەرگە ساتىلدى. مىنا بۇل تۉركۉم بولسو ۇشۇل اپتادا قابىلداعان زاكاس، ورۇسىياعا جۅنۅتۉلۅت. جالپى 3 مئڭ توننا بولۇپ، جۇڭگو- ەۋرۇپا كەزەكچى پويۇزۇ ارقىلۇۇ تاشمالدانات. بئر اپتادان كىيىن بۇل 3 مئڭ توننانىن باارى تاشىلىپ چەك ارادان چىعاارى بوجومولدوندۇ. كىيىنكى اپتادا داعى تۉشتۉك افىرىكانىن زاكاسى بار.
       1-، 2-، 3-كەسىپتىن جۇرۇلۇشۇپ ۅنۉگۉۉسۉن ىلگەرى سۉرۉۉ ۉچۉن، جەرگىلىكتۉۉ ۅكۉمۅتتۅر كەرقانالارعا جاقشى ۅرۉش قۇرۇپ بەردى. ۇچۇردا، ونسۇۇ ماملەكەتتىك ايىل-چاربا ئلىم- تەحنىكا باقچاسىنا كۅلۅمدۉۉ كەرقانادان 11 ئى، ەكولوگىيالىق باقماچىلىق كەرقاناسىنان 13 ۉ، دىيقان، مالچىلار كەسىپتىك كۅمۅكتۅشتۉك كوپپىراتىبىنەن 20 سى ورۇن - وچوق الىپ، ايىل-قىشتاقتارداعى ارتىق ەمگەك كۉچتۅرۉنۅن 16 مئڭ كىشىنىن جۇمۇشقا ورۇنداشۇۇسۇنا تىكەلەي تۉرتكۉ بولدۇ. ونسۇۇ ماملەكەتتىك ايىل-چاربا ئلىم-تەحنىكا باقچاسىن باشقارۇۇ كومىتەتىنىن ورۇنباسار مۇدۇرۇ تاڭ گوبئن تاانىشتىرىپ مىنداي دەدى:-باقچا بولسو  1-، 2-، 3-كەسىپ جۇرۇلۇشقان بئر تئپىك باقچا.ن زامانداشقان دىيقانچىلىقتى، باقماچىلىقتى ۅنۉكتۉرۉۉ، ايىل-چاربا قوشۇمچا تۉشۉمدۅرۉنۅ اسەمدەپ جۇمۇش قوشۇپ ىشتۅۅ جانا قاتىشتۇۇ تەيلۅۅلۅر ارقىلۇۇ، ايىل-چاربا تۉشۉمدۅرۉنۉن قوشۇمچا نارقىن ۅنۉمدۉۉ جوعورۇ كۅتۅرۉپ، تەيلۅۅ كەسپىنىن ۅنۉگۉۉسۉنۅ تۉرتكۉ بولۇپ، جۇمۇشقا ورۇنداشتىرۇۇنۇ ىلگەرى سۉردۉ. 1- كەسىپ نەگىزىنەن دىيقان، مالچىلاردىن ايىل-چاربا قوشۇمچا تۉشۉمدۅرۉنۉن ساتىلۇۇسۇ قىيىن بولۇۇ، بااسى ارزان بولۇۇ جانا ساپاتى ساپاتىسز بولۇۇ ماسەلەلەرىن چەچۉۉگۅ تۉرتكۉ بولدۇ. 2- كەسىپ دىيقان، مالچىلاردى كەسىپتىك جۇمۇشچۇلارعا ايلاندىرۇۇعا تۉرتكۉ بولدۇ. 3- كەسىپ نەگىزىنەن ئلىم- تەحنىكانى ۅنۉكتۉرۉۉ وشوندوي ەلە قامپادا ساقتاپ، وبروتتوو جانا ساتۇۇ تەيلۅۅسۉندۅن ۇشۇنداي ايىل-چارباعا تۉرتكۉ بولدۇ.
      جاقىنقى جىلداردان بەرى، اپتونوم رايونۇبۇز ايىل-چاربانى كەسىپتەشتىرۉۉ تئجاراتىن جىلىشتاتىپ، ايىل-چاربا قوشۇمچا تۉشۉمدۅرۉنۅ اسەمدەپ جۇمۇش قوشۇپ ىشتۅۅ قىزماتىن ۅنۉكتۉرۉۉنۉ نەگىزگى ات سالۇۇ باعىتى قىلىپ، جاڭىچا ايىل-چاربا تئجارات نەگىزگى تولقۇسۇن زور كۉچ مەنەن جەتىشتىرىپ، 1- كەسىپ تۇرۇقتۇۇ ارتىپ، ۇلۇن بەكەمدۅۅ، 2- كەسىپ ۅزۅكتۉۉ ارتۇۇ، 3- كەسىپ كەڭىرتۉۉ، اشىرۇۇ، تۇتقا قىلۇۇداي 1-، 2-، 3-كەسىپتىن جۇرۇلۇشۇپ ۅنۉگۉۉ سىستەماسىن ورنوتۇپ، كەسىپتەردىن تۉشۉمۉن اشىرۇۇ، دىيقان، مالچىلاردىن كىرەشەسىن اشىرۇۇ، كەرقانالاردىن بەرەكەتىن اشىرۇۇ، جاشىل ەكولوگىيالىق بولعون ايىل-چاربا ۅندۉرۉش قۇرۇلماسىن چىمىرقانىپ ىشكە اشىردى.
     كىيىنكى باسقىچتا، اپتونوم رايونۇبۇز ايىل-چاربانى كەسىپتەشتىرۉۉنۉ باچىمداتۇۇنۇ تۉيۉن قىلىپ، باشتووقتوردۇ جەتىشتىرۉۉ، بازانى كۉچۅتۉۉ، داڭىقتۇۇ ماركە جاراتۇۇ، دىيقان تۉتۉندۅرگۅ تۉرتكۉ بولۇۇ جولۇ بويۇنچا، ايىل-چاربا تۉشۉمدۅرۉنۅ جۇمۇش قوشۇپ ىشتۅۅ كەسىبىن ۇرۇنتتۇۇ ۅنۉكتۉرۉپ، ايىل-چاربانى كەسىپتەشتىرۉۉ باشتووق كەرقانالاردى زور كۉچ مەنەن جەتىشتىرەت. اپتونوم رايوندۇق ايىل-چاربا، ايىل-قىشتاق نازاراتىنىن ورۇنباسار نازىرى شۉ تاۋ مىنداي دەدى:-2019- جىلى، بئر تۉركۉم ۅنۉگۉۉ نەگىزى جاقشى، تۉرتمۅكتۅۅ رولۇ زور، بازار باساكە كۉچۉ كۉچتۉۉ بولعون ايىل-چاربا تۉشۉمدۅرۉنۅ جۇمۇش قوشۇپ ىشتۅۅ كەرقانالارىن ۅنۉكتۉرۉپ زورويتۇۇنۇ قولدوونۇ زارىل تۉيۉن قىلىپ، شئنجاڭعا نئشااندۇۇ جاردام بەرۉۉ رولۇن جاقشى ۅۅرچۉتۉپ، كەرقانالاردىن شئنجاڭدان ورۇن-وچوق الۇۇسۇن جولعو قويۇپ، تۉردۉۉ كەرقانالاردىن ۅندۉرۉۉ، زاپاس ساقتاپ تاشمالدوو، جۇمۇش قوشۇپ ىشتۅۅ، ساتۇۇ ار قايسى القالارىنا كىرىشۉۉگۅ شىقتاندىرىپ، ايىل-چاربا بۉت كەسىپ جەلەسىن باردىققا كەلتىرىپ، ايىل-چاربا قوشۇمچا تۉشۉمدۅرۉن ۅز جەرىندە جۇمۇش قوشۇپ ىشتەپ، قوشۇمچا نارقىن اشىرۇۇعا تۉرتمۅكتۅيت.  
بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.