باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
«ىنتەرنەت+ ساياقات» اپتونوم رايونۇبۇز ساياقاتچىلىعىنىن باچىم ۅنۉگۉۉسۉن تۉرتمۅكتۅدۉ
   2019-01-18 11:00:25     xjbs   


اپتونوم رايونۇبۇز «ىنتەرنەت+»تەن پايدالانىپ، اقىل جۅندۅمدۉۉ ساياقاتتى ۉزگۉلتۉكسۉز جاراتىپ، ساياقات كەسىبىنىن سوو، سىزىل ۅنۉگۉۉسۉن تۉرتمۅكتۅدۉ.ىستانسىيابىز قابارچىلارى ايبىن، چاي لىندەردىن قابارى:

جىبەك جولۇ ەكونومىكالىق القاعىنىن جىيۇ- تاراتۇۇ بوربورۇنۇن جاساندى جاندووچ ساندۇۇ ماالىماتىنان ۇنۋەرسال پايدالانۇۇ ۅرۉشۉندۅ، بئر قانچا 10 ساياقات كۅرك رايونۇ تۉيۉندۅرۉندۅگۉ جۉرگۉنچۉلۅر اعىمى، قاتتوو ابالى سىياقتۇۇ ابالدار ار قانداي ۇباقىتتا ەكراندا داانا كۅرۉنۉپ تۇرات. شئنجاڭ جوڭلۉچۇاڭ جاساندى جاندووچ تەحنىكاسىن قولدونۇۇ چەكتۉۉ شەرىكتىگىنىن جووپتۇسۇ تاڭ مئڭ قابارچىعا چوڭ ساندۇۇ ماالىماتتى انالئز قىلۇۇ ناتىيجاسىنا سۉيۅنۉپ، قاتىشتۇۇ فۇنكىتسىيالىق تارماقتار كۅرك رايوندوردۇن جۉرۉشۉۉ ابالىن ماالىندا ەەلەپ تۇراتۇرعاندىعىن، ساياقاتچىلار داعى ساندۇۇ-ماالىمات ۇچۇرۇنا نەگىز ساياقات پئلانىن تۉزۉپ چىعالا الاتۇرعاندىعىن ايتىپ دەدى:-ارقايسى كۅرك رايوندورۇنۇن ابا ىرايى ساندۇۇ-ماالىماتى- تەمىپىراتۇرا، نىمدۇۇلۇق، PM2.5 قاتارلۇۇلاردى قامتىيت. بئز ساياقاتچىلارعا اربئر كۅرك رايوندۇن وشول ۇباقىتتاقى ابا-ىرايى ساندۇۇ-ماالىماتىن، ار بئر كۅرك رايوندۇن وشول كەزدەكى كىشىلەر چەنەمىن تۉشۉندۉرۉپ تۇرالابىز، جوعورۇ دولقۇن مەزگىلىن انالىزدۅۅ ارقىلۇۇ كەەبىر كۅرك رايوندورۇنداقى كىشىلەر كۅپ بولعون جوعورۇ دولقۇن مەزگىلىن ايرۇۇ ارقىلۇۇ الاردى ساياقاتقا چىعۇۇعا جەتەكتەبىز.

     «ىنتەرنەت+ساياقات»تەزدەن ۅنۉكتۉرۉۉ ۉچۉن، اپتونوم رايون «جول بويۇ جول باشتوو» حارىيتاAPP  سى جانا «جىبەك جولۇ شىدىر ساياقاتى»چۅنتۅك تەلەفون APPسىن ورتوعو چىعارىپ، جەكە اپتوۇنا مەنەن ساياقاتتاعان ساياقاتچىلاردى انسايىن تۇۇرا جول باشتوو تەيلۅۅسۉ، قۇتقارۇۇ جانا كۅرك رايون قونوق سارايى، اش-تاماق قاتارلۇۇ الدىن بەلگىلەنگەن تەيلۅۅلۅر مەنەن قامدايتۇرعان بولدۇ. شئنجاڭ ساياقاتقا قارجى سالۇۇنۇ باشقارۇۇ چەكتۉۉ جووپتۇۇلۇق شەرىكتىگىنىن باش دىرەكتور جاردامچىسى لئى شئنچىياڭ مىنداي دەدى:-بئز قابارلاشۇۇ، جول باشتوو، الىستان سەزۉۉ بئر تۇلقۇلاشقان 3 جاسالما جاندووچقو سۉيۅنۉپ، ماالىماتتاردى 100پايىز جالپى بەتكەي ىشكە اشىردىق، ەگەردە ساياقاتچىلار كەەبىر كۅرۉنبۅي تۇرعان جەرلەردە كۉتۉۉسۉز ابال كۅرۉلگۅندۅ داروو بئر كۇنۇپكادا قىسقا ۇچۇر، ماالىمات جولدوسو بئز بئرىنچى ۇباقىتتا ناق مايدانعا بارىپ، قۇتقارۇۇعا قاتىشابىز.

     «ىنتەرنەت+» قا سۉيۅنۉپ، اپتونوم رايونۇبۇز جىبەك جولۇ ەكونومىكالىق القاعىنىن ساياقاتچىلاردى جىيۇۇ-تاراتۇۇ بوربورۇن قۇرۇۇ مەنەن بىرگە، ارقايسى جەرلەردەكى اقىل جۅندۅمدۉۉ كۅرك رايوندور قۇرۇلۇشۇ داعى تەزدەدى. 2018-جىلى 11-ايدا، تىيانشان بوعدا كۅرك رايونۇ تىڭشۉن اقىل-ىدىرەك مادانئيات-ساياقات ۅرۉشۉندۅكۉ تۇنعۇچ تۉركۉمدۅكۉ قىزماتتاشتىق كۅرك رايونۇنا ايلاندى. ۅرۉش-ساياقاتچىلار ۉچۉن بەلەت ساتىپ الۇۇ، جول-لەنىيالارىن قىلداشتىرۇۇ، كۅرك تۉيۉندۅردۉ تۉشۉندۉرۉۉ قاتارلۇۇ تەيلۅۅلۅر مەنەن قامدايت. ساياقاتچى سوڭ ياجۇ مىنداي دەدى:-كۅرك رايوندورعو جەتكەندەن كىيىن، كۅرك رايونۇنداقى قىزماتكەرلەر بىزگە تىڭشۉندۉن مادانئيات ساياقات چاقان پىروگىرامماسىن تاانىشتىردى، اندان بئز تىكەلەي ەلە بەلەت ساتىپ الدىق، ابدان وڭتويلۇۇ ەكەن، كۅپ ۇباقتىبىز ۉنۅمدۅلۉپ قالدى، انىن ۉستۉنۅ كۅرك رايونۇنا كەلگەندەن كىيىن اربئر كۅرك تۉيۉندۅرۉندۅ ۇشۇل چاقان پىروگىراممادان قاتىشتۇۇ تۉشۉندۉرمۅلۅردۉ ۇقتۇق، مىنداي بولعوندو ساياقاتقا جول باشتووچۇ جوق ابال استىندا جول تاانىباي، ازىپ قالۇۇ ابالىنان ساقتانعالى بولوت ەكەن.
 
     التاي ايماعى قاراماق رايوندوقۇ ارقايسى كۅرك رايوندورۇنۇن كىرىش بەلەتى، قونوق سارايى، چۉيگۉن داام، اپتوۇنا، ساياقاتقا باشتوو، ۅزگۅچۅ تۉشۉم قاتارلۇۇ ىنتەرنەتسىز جاعدايداقى مازمۇندۇ ىنتەرنەتتەكىسى مەنەن بىرىكتىرىپ، ىنتەرنەت جايىتى ارقىلۇۇ بىردەي ساتتى. التاي قاناس اقىل جۅندۅمدۉۉ ساياقات چەكتۉۉ جووپتۇۇلۇق شەرىكتىگى جاڭى ماالىمات ارالجى بوربورۇنۇن قىزماتكەرى دوڭ يۉ مىنداي دەدى:-بئز داعى ىنتەرنەتكە قاناس+ ىقماسىنداعى كەەبىر بەلەتتەردى چىعاردىق، مئسالى:-قاناس+كۅكتوقوي، قاناس+بايشا كۅلۉ قاتارلۇۇلاردىن كىرىش بەلەتىنىن بااردىعىنا جايلوو تاش شاارى كۅرك رايونۇنۇن كىرىش بەلەتى قوشۇلۇپ تارتۇۇ قىلىندى، مىنداي ۇشۇنداي التاي ايماعىنىن ساياقات ايلانما لەنىياسى، بەلەت چىعارىپ الۇۇ، بەلەت ساتىپ الۇۇ قاتارلۇۇلاردىن بااردىعى وڭتويلۇۇلاشىپ، ساياقاتچىلار كۅرك رايوندورۇنۇن ەشىك الدىنا بارىپ، قاتارعا تىزىلىپ تۇربايتۇرعان بولدۇ.

    اقىل جۅندۅمدۉۉ ساياقاتتى جاراتۇۇ بارىشىندا، اپتونوم رايونۇبۇز ارقايسى جەرلەرى ساياقات جاعىنان كەڭەش بەرۉۉ تەيلۅۅسۉن ۇلاندۇۇ جاقشىرتىپ، ساياقات كەرقانالارىن ماالىمات تەيلۅۅ ۅرۉشۉنۅ الىپ كىرىپ، ورۇن-وچوق العان ساياقاتقا قاتىشتۇۇ كەرقانالارعا تاانىشتىرۇۇ جانا كۅزۅمۅلدۅپ-باشقارۇۇ ىشتەرىن الىپ باردى. 1-ايدىن 10-كۉنۉ، بئر چۅنتۅك تەلەفوندو ۉرۉمچۉنۉ ساياقاتتوو ۅرۉشۉ چىنىعى تۉردۅ ىنتەرنەتكە چىقتى، اتالعان ۅرۉش ۉرۉمچۉ شاارى چۅلكۅمۉندۅكۉ 27 كۅرك رايون، كۅرك تۉيۉندۅرۉ، 2 مئڭ 750 قونوق ساراي، 395 اش-تاماق وردۇ، 1 مئڭ 621 كۅڭۉل اچۇۇ مايدانى جانا 60 نەرسە-كەرەك ساتىپ الۇۇ سوودا سارايىنىن ماالىماتىن قامدايت، ساياقاتچىلار تەك چۅنتۅك تەلەفوندو ەلە ۉرۉمچۉ شاارىنىن ساياقات ۇچۇر كەڭەشىن، ساياقات جول لەنىياسىن، ىنتەرنەتتە ساياقاتقا جول باشتوو قاتارلۇۇلاردى تەكشەرىپ-بىلە الات.

    ۉرۉمچۉ شااردىق ساياقات مەكەمەسىنىن ورۇن باسار باشچىسى شئياۋ حۇ مىنداي دەدى:-بۉت شاارداقى تۉيۉندۉۉ كۅرك رايوندوردۇن ساياقاتچىلىق كوپىراتىبى جانا قونوق سارايلاردى الىپ كىرىپ، الاردىن تەيلۅۅ تۉرۉ، تەيلۅۅ مازمۇنۇ، تەيلۅۅ ساپاتىنا بولعون ۇباداسىن قالىڭ ساياقاتچىلار انىق كۅرسۅتۉپ، ساياقات كەرقانالارىن الاردىن تۉشۉمدۅرۉن ۉگۉتتۅۅ، وبرازدۇۇ ۉگۉتتۅۅ وشوندوي ساتۇۇنۇ كەڭىرى جايىلدىرۇۇ مەنەن قامدادىق، وشونۇ مەنەن بىرگە بىزگە وقشوش ساياقات كەسىبىن نەگىزدۉۉ باشقارۇۇ تارماقتارىنىن ساياقات تاشىمال تئجارات ابالىن كۉزۅتۉپ، تەيلۅۅ ساپاتى قاتارلۇۇ زارىل كۅزۅمۅلدۅپ-باشقارۇۇ ۅرۉشۉن ۅز ماالىندا كۉزۅتۉۉ، تۉشۉنۉۉ ىشتەرىن ىشتەپ جاتابىز.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.