باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جىبەك جولۇ ەكونومىكا القاعى ۅزۅكتۉۉ رايون قۇرۇلۇشۇ ۇلاندۇۇ جىلىشتاتىلىپ، سىرتقا بەت الۇۇ تىبىندەكى ەكونومىكانى جاقشى ۅنۉگۉۉ چۅيرۅسۉ مەنەن قامدادى
   2019-01-22 12:16:59     xjbs   

     اپتونوم رايونۇبۇز جىبەك جولۇ ەكونومىكا القاعى ۅزۅكتۉۉ رايون قۇرۇلۇشۇن باچىمداتىپ، ىچكە- سىرتقا اچىپ جىبەرۉۉنۉ تەرەڭدەشتىرىپ، سىرتقا بەت الۇۇ تىبىندەكى ەكونومىكانى جاقشى ۅنۉگۉۉ چۅيرۅسۉ مەنەن قامدادى،  ىستانسىيابىز قابارچىسى لئى لوڭدۇن  قابارى:

     بىيىل 1- ايدىن 1- كۉنۉنۅن باشتاپ، الاتوو ووزۇ تاموجناسى بۅلمۅ تالونۇ جانا قاتىشتۇۇ ەلەكتىروندۇق ساندۇۇ ماالىماتتى جاڭىلوو ماشقۇلاتىن قاعازسىز بۉتۉرۉۉنۉ جالپى بەتكەي جولعو قويۇپ، تاموجنادان ۅتۉۉ بەرەكەتىن زور داراجادا جوعورۇ كۅتۅرۉپ، «بئر القاق، بئر جول» دەمىلگەسىن تەرەڭدەي جىلىشتاتۇۇعا دەمۅۅر بولدۇ. الاتوو ووزۇ اي سىنتى ەل ارالىق جۉك تاشۇۇ ۅكۅلۅتۅن چەكتۉۉ شەرىكتىگىنىن تاموجناعا ماالىمدووچۇسۇ شۉ حۇيفان قابارچىعا، ازىر تاموجناعا ماالىمدوودو قاعازچا بۅلمۅ تالونۇن الىپ تاموجنا كۅزۉنۅگۉنۅ بارباي ەلە، ۅز ئشقاناسىندا چۅنتۅك تەلەفون ارقىلۇۇ قاتىشتۇۇ كەسىپتەردى بۉتۉرۅ الا تۇرعانىن ايتىپ مىنداي دەدى: «وبولۇ ۇباقىت جاعىنداعى ۅزدۉك نارقى ۉنۅمدۅلۉپ قالدى، ارتىنان كەرقانا داعى قاعازسىز بۉتۉرۉۉنۉ جولعو قويعوندون كىيىن، كەرقانانىن تاشمال ۅزدۉك نارقىن تۅمۅندۅتتۉ.»


     بۇل ەلە بولۇپ قالباي، اپتونوم رايوندۇق ىسلاات ۅنۉكتۉرۉۉ كومىتەتى جاقىندا چەچىم چىعارىپ، 2019- جىلى 1- ايدىن 1- كۉنۉنۅن باشتاپ، الاتوو ووزۇ قۇرعاقتىق پورت قۇرۇلۇشۇ چەكتۉۉ جووپتۇلۇق شەرىكتىگى چەك ارا تەيلۅۅ اقىسىن كۉچۉنۅن قالتىرىپ، تەمىر جول، تاش جول چەك ارا ووزۇنۇن ئمپورت- ەكىسپورت القاسىندا اقى جىيۇۇ بويۇنچا75 مئللىيون يۇان تۅمۅندۅتۉپ، كەرقانالاردىن تاموجنادان ۅتۉۉ ۅزدۉك نارقىن داعى بئر دەمجىي تۅمۅندۅرۉ بوجومولدونۇۇدا. جەلەلەش جاڭى چارا، جاڭى ارعانىن جولعو قويۇلۇۇسۇ مەنەن، ماملەكەتىبىزدەكى ەڭ چوڭ قۇرعاقتىق جولۇ چەك اراسى- الاتوو چەك ارا ووزۇ جاڭى ۅنۉگۉۉ باسقىچىن توسۇپ الدى.


    الاتوو ووزۇ سىياقتۇۇ 19 سىرتقا اچىپ جىبەرگەن چەك ارا ووزۇ، اپتونوم رايونۇبۇز جانا بۉت ماملەكەتتىن تىشقى سووداسىنا قاراتا زارىل رولۇن ۅرچۉتۉپ، «كارىدور ەكونومىكاسى» نىن وڭۇتتۇۇلۇعۇ كۅرۉنۉكتۉۉ بولدۇ. بىيىلقى ۅكۉمۅت قىزمات بايانداسىندا: ىچكە- سىرتقا اچىپ جىبەرۉۉنۉ باچىمداتىپ، ئمپورت- ەكىسپورت بايلىقتارىنا ئش قوشۇپ ىشتۅۅ كەرقانالارى، ۅزگۅچۅ كەسىپ سىياقتۇۇ سىرتقا بەت الۇۇ تىبىندەكى ەكونومىكانى باچىم ۅنۉكتۉرۉپ، «كارىدور ەكونومىكاسى» نىن «كەسىپ ەكونومىكاسى»، «چەك ارا ەكونومىكاسى» نا قاراي ۅزگۅرۉۉسۉن تۉرتمۅكتۅيت دەپ ورتوعو قويۇلدۇ. قورعوس جانا الاتوو ووزۇ ەكى چەك ارا ووزۇنۇن توعوشقون جەرىندەكى جىڭ وودانى رايون وڭۇتتۇۇلۇعۇنان تولۇق پايدالانىپ، ئمپورت-ەكىسپورت بۇيۇمدارىنىن ورۇن الىپ ئش قوشۇپ ىشتۅۅنۉ الدىن ورۇنداشتىرىپ، «كارىدور ەكونومىكاسى» كەسىپ جەلەسىن ۇزارتىپ، جەرگىلىكتۉۉ ەكونومىكانىن چىنىعى كۉچۉن كۉچۅتتۉ، جىڭ ووداندىق پارتكومدۇن شۇجئسى چىن جىيان مىنداي دەدى: «ەكى چەك ارانىن ۇزارتىلعان رايونۇ جانا ۉستۉنۅ العان رايون، ارى ئمپورت- ەكىسپورت بايلىقتارىن ورۇن الدىرىپ ئش قوشۇپ ىشتۅۅچۉ رايون قاتارى، ەكى بازار، ەكى تۉردۉۉ بايلىقتان پايدالانابىز. بئز ازىر ۇشۇل جاعىندا سووداگەر چاقىرىپ قارجى ەلىكتىرۉۉ جانا ۇشۇل جاعىنداعى دولبووردۇ ىشتەپ جاتابىز، چەت ەلدەن ئمپورت قىلعان تۉستۉۉ مەتال جانا كەە بئر بايلىقتاردى ۇشۇل جەردەن ورۇن الدىرىپ تىكىلەي بىشىقتاپ ىشتەپ ئمپورت قىلىپ، (بئر القاق، بئر جول) دۇ ۅنۉكتۉرۉۉنۉن كەسىپ وردۇنا جۇۇرۇلۇشتۇرابىز.» 

     بىيىلقى ۅكۉمۅت قىزمات بايانداماسىندا: جىبەك جولۇ ەكونومىكا القاعى ۅزۅكتۉۉ رايون قۇرۇلۇشۇن باچىمداتىپ، «بئر پورت»، «ەكى رايون»، «5 چوڭ بوربور»، «چەك ارا ەكونومىكا القاعى» قۇرۇلۇشۇن كۉچۅپ جىلىشتاتۇۇ ورتوعو قويۇلعان. «بئر پورت» دەگەنىبىز، ۉرۉمچۉ ەل ارالىق قۇرعاقتىق پورت رايونۇن كۅرسۅتۅت، بىيىل جۇڭگو- ەۋروپا كەزەكچى پويۇزۇ ۉرۉمچۉ چوعۇلتۇۇ بوربورۇ چوعۇلتۇپ تاشمالدوونۇ كۅندۉم تۇرپاتقا ۅزگۅرتۉۉ، ۉرۉمچۉ ۇچاق جايىنا جاقىن ەكونومىكا ۉلگۉلۉۉ رايونۇ سىياقتۇۇ جاقتارداعى قۇرۇلۇشتۇ باچىمداتات. ۉرۉمچۉ تاموجناسىنىن باشچىسى دئڭ جئباۋ، ۉرۉمچۉ تاموجناسى ەپكىنىن ارتتىرىپ ۉرۉمچۉ ەل ارالىق قۇرعاقتىق پورت رايون قۇرۇلۇشۇن قولدوي تۇرعانىن ايتىپ مىنداي دەدى: «بىلتىر جۇڭگو-ەۋروپا كەزەكچى پويۇزۇ مئڭ كەزەكتەن اشتى، بۇل ارتۇۇ تەمپى اياباي تەز بولدۇ. ەل ارالىق قۇرعاقتىق پورتۇنان سىرت، اباا جولۇ پورتۇ، اباا جولۇ كەسىپ باقچا رايونۇ، ۇنۋەرسال باجىدان كەچىرىم قىلۇۇ رايونۇ، پوچتوو مەكەمەسىنىن چەك ارا اتتاعان ەلەكتىروندۇق سوودا ىشتەرى سىياقتۇۇلاردى داعى قامتىيت، ۉرۉمچۉ ۇچاق جايىن ىمەرچىكتەي، ۇچاقتاردى رەمونتتوو، ۇچاققا تاماق سەپتۅۅ سىياقتۇۇ كەە بئر كەسىپتەردى ورۇنداشتىرابىز، بۇل جاعىندا اياباي چوڭ ۅنۉگۉۉ مەيكىندىگى بار. بۇل جاعىندا تاموجنانىن قىزماتىن جاقشى ىشتەپ، ىشتىكتۉۉ قاتىشىپ، كۉچۅپ  قولدويبۇز.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.