باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
قوتورۇپ جۇمۇشقا ورۇنداشتىرۇۇ كىرەشە ارتتىرۇۇنۇ ىلگەرى سۉردۉ
   2019-01-22 17:44:50     xjbs   

  اپتونوم رايونۇبۇز تۉشتۉك شئنجاڭداعى تۅرت ايماق وبىلاستاعى كەمباعال ۉي-بۉلۅردۅكۉ ەمگەك كۉچتۅردۉ قوتورۇپ جۇمۇشقا ورۇنداشتىرۇۇ قىزماتىن ىشتىكتۉۉ جۉزۅلۅشتۉرۉپ، شئنجاڭ ىچىندە ۇيۇمدۇۇ قوتورۇپ جۇمۇشقا ورۇنداشتىرۇۇ جانا ۅز جەرىندە جاقىن جەردە جۇمۇشقا ورۇنداشتىرۇۇنۇ كۉچ سالاا جىلىشتاتىپ، كەمباعال ەلدىن جۇمۇشقا ورۇنداشۇۇ جولۇن، كىرەشە جولۇن كەڭىرتكەن

   جاتاقتاشىنا ماملەكەت جالپى قولدونۇۇچۇ تئلدى ۉيرۅتۉپ جاتقان جىگىتتىن اتى دىلشات توقتۇ، بيىل 25 جاشتا، بىلتىر پوسكام وودانىنان جىڭ وودانى حۇڭيۉ توقۇماچىلىق چەكتۉۉ جووپتۇۇلۇق شەرىكتىگىنە كەلىپ جۇمۇشقا ورۇنداشقان، نەگىزىنەن جابدۇۇلاردى رەمونتتووعو جووپتۇۇ. ماملەكەت جالپى قولدونۇۇچۇ تئلدە جاقشى سۉيلۅگۅندۉكتۅن، بوش ۇباقىتىندا جاتاقتاشتارىنا ماملەكەت جالپى قولدونۇۇچۇ تئلدى ۉيرۅتۅت. دىلشات توقتۇ قابارچىعا، مۇردا ۇباقتىلۇۇ جۇمۇش ىشتەپ تاپقان اقچاسىنا ۉي-بۉلۅسۉندۅگۉ 4 كىشىنى ەپتەپ باعىپ كەلگەنىن، 2018-جىلدىن كىيىنكى جارىم جىلىندا، ۅكۉمۅتتۉن ۇيۇمداشتىرۇۇسۇندا، ال كىرقاناعا جۇمۇشقا ورۇنداشىپ، ۇچۇردا ابدان باقتىلۇۇ جاشاپ جاتقانىن ايتىپ مىنداي دەدى: ار ايداعى مايانام 3500 يۇان، انان بىرااز اقچا ساقتادىم، ار ايدا ۉيگۅ سالىپ بەرەمىن، بئر جۉرۉش ۉي ساتىپ الىپ جاسالعالاتىپ، ەمەرەك ساتىپ الدىم، مۇنۇن بارىن سىرتقا چىعىپ تاپقان اقچاما ساتىپ الدىم، ازىرقى جاقشى تۇرمۇشۇبۇز پارتئيانىن جاقشى ساياساتىنىن شاراپاتىنان بولدۇ، بئز جاقشى قادىرلاپ جاقشى ىشتەشىبىز كەرەك.

   جاقىنقى جىلدان بەرى، اپتونوم رايونۇبۇزدۇن جەر-جەرلەرى ىشتىكتۉۉ قارجى سالىپ، تاربئيالوو، اش-تاماق جانا جاتاق مەنەن اقىسىز قامداپ، كۅپچۉلۉكتۉ ۇيۇمداشتىرىپ ۇلۇتتار ىنتىماقتاشىپ بئر ۉي-بۉلۅ كىشىلەرىندەي بولولۇ بىرلەشمە دوستۇق قىيمىلىن الىپ بارىپ، قىزماتتا جول كۅرسۅتۉپ، تۇرمۇشتا قارمقوردۇق قىلىپ، قوتورۇپ جۇمۇشقا ورۇنداشتىرعانداردىن جاقشى ىشتۅۅسۉنۅ، تۇرۇقتۇۇ ىشتۅۅسۉنۅ، تۇرۇپ قالۇۇسۇنا شارت تۉزۉپ بەرگەن. شئنجاڭ ىچىندە رايون اتتاتىپ ۇيۇمدۇۇ قوتورۇپ جۇمۇشقا ورۇنداشتىرۇۇدان سىرت، اپتونوم رايونۇبۇز داعى ايىل-قىشتاق ارتىق ەمگەك كۉچتۅرۉن ۅز جەرىندە جاقىن جەردە قوتورۇپ جۇمۇشقا ورۇنداشتىرۇۇنۇ زور كۉچ مەنەن جىلىشتاتىپ، ۅز جەرىنىن ىڭعايىنا قاراي «بۅلۉمچۅ زاۋوت»«ەلدىك ۇستاقانا»لاردى جولعو قويۇپ جۇمۇشقا ورۇنداشتىرعان.

   لوپ وودانى دول ايىلى قوعاچى ارىق قىشتاعىنىن «حاۋ شۅلاڭ كىيىم-كەچەك چەكتۉۉ شەرىكتىگىنىن بۅلۉمچۅ زاۋوتۇ»نۇنۇن ۅندۉرۉش سەحىندە، جۇمۇشچۇلار جاڭى بئر تۉركۉمدۅگۉ ۇقتوو كىيىمىنىن زاكاسىن تىگىپ جاتىشقان ەلە. بىيىل 31 جاشتاعى بۇحالچەم ابدىرەيىم كىيىم بىچۇۇنۇ ۉيرۅنگۅن، مۇردا ۅزۉنۉن كىيىم تىگۉۉ دۉكۅنۉ بار ەلە، بئروق تاجىرىيبا جانا قارجى كەمىل بولۇپ، پىلانى اقساعان. 2018-جىلى، ال قىشتاقتا قۇرۇلعان كىيىم-كەچەك بۅلۉمچۅ زاۋوتۇ ايال جۇمۇشچۇ قابىلدايت دەگەن قاباردى ۇعۇپ، داروو تىزىمدەلەت. ال مىنداي دەدى: مەن بئرىنچى تۉركۉمدۅگۉ بۅلۉمچۅ زاۋوتقو كىرگەن جۇمۇشچۇمۇن، ال كەزدە زاۋوتقو كىرىپ ىشتەگەن ايالدار از ەلە، نەگىزگىسى ئدىياسى اچىق بولبوي، جاقشى ىشتەي الباستان، چىداي الباستان قورقۇشات، ال ەمى مەن ىشتەي الامىن، وشوندۇقتان تىزىمدەلدىم.

   بۅلۉمچۅ زاۋوتقو كىرگەندەن كىيىن، بۇحالچەم ابدىرەيىم تىرىشچان ۉيرۅنۉۉسۉ جاقشى بولعوندۇقتان تەز ەلە شەرىكتىكتىن مويۇندووسۇنا ەە بولۇپ، بىلتىر 1-ايدا، ال ۅندۉرۉش گۇرۇپپاسىنىن باشچىلىعىنان بۅلۉمچۅ زاۋوتتۇن باشچىسى بولۇپ ۅستۉرۉلگۅن، ار ايداعى ماياناسى 3 مئڭ يۇانعا جەتەت. ال مىنداي دەدى: جوعورۇ داراجاداعى پارتكوم ۅكۉمۅت بئزدى ەرتەرەەك كەمباعالدىقتان ارىلسىن دەپ، بۅلۉمچۅ زاۋوتتۇ قىشتاعىبىزعا قۇرۇپ بەرىپ، سووداگەر چاقىرىپ قارجى كىرگىزۉۉ جولۇ ارقىلۇۇ قارجى جانا تاربئيالوو ماسەلەسىن چەچتىك، بئز جاقشى ىشتەپ بەرسەك ەلە بولدۇ، ازىر مەن ۅزۉمدۉم جۇمۇشقا ورۇنداشۇۇ اڭسوومدۇ ىشكە اشىردىم.

   2018-جىلى، «التى بئر تۉركۉم» جولۇ ارقىلۇۇ، تۉشتۉك شئنجاڭدىن تۅرت ايماق وبىلاسىنداعى 22 وور كەمباعال ووداندان ارحىپ تۇرعۇزۇپ كارتا بۉتۉرگۅن كەمباعال ۉي-بۉلۉلۅردۅكۉ 75 مئڭ ەمگەك كۉچتۅرۉن تۇرۇقتۇۇ قوتورۇپ جۇمۇشقا ورۇنداشتىرىپ، تۇرۇقتۇۇ جۇمۇشقا ورۇنداشتىرۇۇ سالىشتىرماسى 92 پايىزعا جەتكەن، اپتونوم رايوندۇق ادام كۉچۉ بايلىعى جانا قوومدۇق قامتاماسىزداندىرۇۇ نازاراتى دىيقان جۇمۇشچۇلار قىزمات باشقارمالىعىنىن ورۇنباسار باشچىسى لئى حۇڭۋۇ مىنداي دەدى: 2019-جىلى، ەمگەك كۉچتۅرۉن سىرتقا چىعارۇۇنۇ ۇيۇمداشتىرۇۇ داراجاسىن كۅتۅرۉپ، ۅكۉمۅت جانا بازاردىن ۅز ارا بىرلەشۉۉسۉندۅ بەكەم تۇرۇۇ كەرەك، جۇمۇش ورۇن جاراتۇۇ، تاربئيالوو، چىعارۇۇعا ۇيۇمداشتىرۇۇ، باشقارۇۇ تەيلۅۅسۉ سىياقتۇۇ جاقتاردان قول سالىپ ىشتەپ، وشول ارقىلۇۇ ۇيۇمداشتىرۇۇ داراجاسىن كۅتۅرۉپ قوتورۇپ جۇمۇشقا ورۇنداشتىرۇۇنۇن تۇرپاتتاشۇۇسۇن ىلگەرى سۉرۉۉ كەرەك.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.