باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اپتونوم رايوبۇز چاقان، مىكرو كەرقانالارعا ەڭ كۅپ جالپى نارپتۇۇ باجى كەمىتىپ اقى تۅمۅندۅتۉۉ ساياساتىن جولعو قويوت
   2019-02-03 16:38:44     xjbs   

     2- ايدىن 1- كۉنۉ  تۉشتۉن مۇردا، اپتونوم رايون چاقان، مىكرو كەرقانالارعا  جالپى نارپتۇۇ باجى كەمىتىپ اقى تۅمۅندۅتۉۉ ساياساتىن جولعو قويۇۇ بويۇنچا ماالىمات جارىيالوو جىينالىشىن اچتى. 2019- جىلى 1- ايدىن 1- كۉنۉنۅن باشتاپ 12- ايدىن 31- كۉنۉنۅ چەيىن، اپتونوم رايونۇبۇز ۇدا 3 جىل ىچىندە چاقان، مىكرو كەرقانالارعا جالپى نارپتۇۇ باجى كەمىتىپ اقى تۅمۅندۅتۉۉ ساياساتىن زور كۉچ مەنەن جولعو قويوت، بولجول مەنەن ارجىلى باجىدان 3 مئللىيارت 200 مئللىيون يۇان ازايات.  ىستانسىيابىزدىن قابارچىسى لان تىيەندىن قابارى.

     اپتونوم رايوندۇق قازىنا نازاراتىنىن باش ەكونومىستى گو يئڭ ابال تاانىشتىرىپ: «بۇل جولقۇ باجىنى كەمىتىپ اقىنى تۅمۅندۅتۉۉ ساياساتى نەگىزىنەن قوشۇلما نارق باجىسى كىچىك كۅلۅمدۅكۉ باجى تاپشىرۇۇچۇلار جانا چاقان، مىكرو كەرقاناعا باعتتالعان.  ايلىق ساتۇۇ سۇمماسى 100 مئڭ يۇاندان اشباعان قوشۇلما نارق باجىسى كىچىك كۅلۅمدۅكۉ باجى تاپشىرۇۇچۇنۇن قوشۇلما نارقىن كەچىرىم قىلۇۇ، كىچىك تىپتەگى مىكرو پايدا كەرقانالارىنىن ۅلچۅمۉن قويو بەرۉۉ ارى تابىلعا باجى جەڭىلدىك بەرۉ ەپكىنىن ارتتىرۇۇ سىياقتۇۇ ارعالاردى قولدونوتۇرعانىن ايتىپ مىنداي دەدى: « جالپى نارپتۇۇ باجى كەمىتىپ اقى تۅمۅندۅتۉۉ ساياساتىنداعى ناقتىلۇۇ باجىنى تۅمۅندۅتۉۉسۉ كۅرۉنۉكتۅندۉرۉلۅت. ساتۇۇ سۇمماسى 100 مئڭ يۇاندان اشباعان قوشۇلما نارق باجىسى كىچىك كۅلۉمدۉۉ باجى تاپشىرۇۇچۇنۇن قوشۇلما نارق باجىسى كەچىرىم قىلىنات، بۇل تۉردۉۉ ساياسات اپتونوم رايونۇبۇزداعى %98 قوشۇلما نارقى باجى كىچىك كۅلۅمدۉۉ باجى تاپشىرۇچۇلارعا نارپ جەتكىرەت؛ چاقان، مىكرو كەرقانالاردىن تابىلعا باجىنا جەڭىلدىك بەرۉۉ ساياساتى چۅلكۅمۉن جىلدىق تاپشىرۇۇعا تىيەشەلۉۉ تابىلعا باجى سۇمماسى 3 مئللىيون يۇانعا،  ىشتەگەندەر سانى 200 گۅ، مال- مۉلك جالپى كۅلۅمۉ 50 مللىيونعو چەيىن قويو بەرىلەت. ساياسات اپتونوم رايونۇبۇزداعى %96.4 كەرقانانىن تابىلعا باجى تاپشىرۇچۇعا پايدا جەتكىرىپ، اپتونوم رايونۇبۇزداعى باسىمدۇۇ كەرقانا سۇبەكتىلەرى بۇل جولقۇ ساياساتتىن پايداسىن كۅرۅ الات».

    ۇشۇل نەگىزىندە، اپتونوم رايونۇبۇز %50دىق ەڭ جوعورۇ  داراجادا اپتونوم رايونۇبۇزدۇن قوشۇلما نارق باجى كىچىك كۅلۉمدۉۉ باجى تاپشىرۇۇچۇلاردىن بايلىق قاينارى باجىسىن كەمىتىپ، شاارلاردىن قۇرۇلۇشتۇ قورعوو باجىسى، تۇراق جاي باجىسى، شاار- شاارچانىن جەردى ىشتەتۉۉ باجىسى، ماركا باجىسى (اكىسىيا سووداسى ماركا باجىسىن ۅز ىچىنە قامتىبايت)، ايدوو جەردى ىشتەتۉۉ باجىسى جانا اعارتۇۇ قوشۇمچا اقىسى باجىسى، جەرگىلىكتۉۉ اعارتۇۇ اقىسى قوشۇمچا باجىسىن كەمىتەت. گو يئڭ، 6 جەرگىلىكتۉۉ باجى جانا 2 تۉردۉۉ قوشۇمچا تەگىندەگى نارپ جەتكىرۉۉ ساياساتىنداعى قوشۇلما نارق باجىسى كىچىك كۅلۉمدۉۉ باجى تاپشىرۇچۇ باارلانىپ ەلە قالباي داعى، بۇل جولقۇ %50 باجى كەمىتۉۉ نارپتۇۇ ساياساتىنان قوش باارلاناتۇرعانىن ەسكەرتىپ مىنداي دەدى: «ماملەكەت جانا اپتونوم رايوندۇن بئر سىيرا ساياساتىن اتقارىپ، قاراتمالۇۇلۇققا ەە بولعون ارعالاردى قولدونۇپ، تەز تەمپ مەنەن كەرقانالاردىن جۉگۉن جەڭىلدەتەت. بئز بولجول مەنەن 2019- جىلدان 2021- جىلعا چەيىن ار جىلى 3 مئللىيارت 200 مئللىيون يۇان كەرقانالاردىن جۉگۉن جەڭىلدەتەبىز. سۇۇعا بالىق قويو بەرىپ، كەرقانالاردى زورويتۇپ، ەكونومىكانى ۅنۉكتۉرۉپ، بازاردىن جاشوو كۉچۉن كۉچۅتۉپ، مالئيا باجى كىرەشەسىن داعى جاقشىرتابىز».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.