باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
چىن چۇانگو كۅكتۅم مايرامىنىن الدىنقى كۉنۉ ۉرۉمچۉدۅ ار ۇلۇت كادىر جۇرتچۇلۇعۇنان ال سۇراپ، اپتونوم رايونۇبۇزداعى ار ۇلۇت ەلى جانا بىڭتۇانداعى كادىر، جۇمۇشچۇ-قىزماتچىلارىنىن كۅكتۅم مايرامىن قۇتتۇقتادى
   2019-02-03 17:38:58     xjbs   

 
      جۇڭحۇا ۇلۇتۇنۇن جۅرۅلگۅلۉۉ مايرامى دىيقاندار كالىندار بويۇنچا كۅكتۅم مايرامى جەتىپ كەلىشى مەنەن، 2-ايدىن 2-كۉنۉ تۉشتۅن مۇرۇن، اپتونوم رايوندۇق پارتىكومدۇن شۇجئسى چىن چۇانگو ۉرۉمچۉ شاارىندا، ار ۇلۇت ەلى مەنەن كۅرۉشۉپ، الدىنقى چەپتەكى جۇمۇشچۇ-قىزماتچىلاردان ال سۇراپ، اپتونوم رايوندۇق پارتىكوم جانا ەل ۅكۉمۅتۉ اتىنان ار قايسى سالاالاردا چىمىرقانىپ ىشتەپ جاتقان ەمگەكچىلەر، اپتونوم رايونۇبۇزداعى ار ۇلۇت ەلى جانا بىڭتۇانداعى كادىر، جۇمۇشچۇ-قىزماتچىلارىنا كۅكتۅم مايرامدىق جاقشى قاالوو تىلەكتەرىن ايتتى.

     باپالاقتاپ جااعان قار مول تۉشۉمدۅن دارەك بەرىپ، بوربور قالاا شاتتىققا بۅلۅنگۅن ەلە. ۉرۉمچۉ شاارىنىن چوڭ-كىچۉۉ كۅچۅلۅرۉندۅ ماملەكەت تۇۇسۇ جەلبىرەپ، پانۇس چىراقتار ئلىنىپ، باارى جەردە قويۇۇ مايرامدىق مااناي چىعىپ، ۉي- بۉلۅ سايىن كۅكتۅم مايرامىن ۇتۇرۇلاپ الىپ جاتات بولچۇ.

    «مايرامىڭار مەنەن، ۉي- بۉلۅڭۉزدۉن كۅكتۅم مايرامى قۇتتۇۇ بولسۇن، باقىتقا تولسۇن» چىن چۇانگو شۉيمۇگوۋ رايونۇ شۉدۇڭ قوومدۇق قونۇشۇنۇن تۇرعۇنۇ عۇلام ىدەيتۇللانىن ۉيۉنۅ كەلىپ، كۅكتۅم مايرامدىق قاالوولورۇن جەتكىزدى. عۇلامدىن ۉيۉندۅ مايرامدىق مااناي ابدان قويۇۇ بولۇپ، تاماق ۉستۅلۉنۉن ۉستۉنۅ چئي بورسوق، جەر-جەمىش، پىرانىكتەر تىزىلگەن بولچۇ. چىن چۇانگو بئر ۉي- بۉلۅدۅكۉلۅر مەنەن چوعۇۇ مۇڭداشتى.

     عۇلام ەر- ايال چىن چۇانگوعو  مىنداي دەدى:- ەر- ايال ۅكۅۅبۉزدۉن ايىلىق مايانا كىرەشەبىز 7 مئڭ يۇاندان اشات، قىزىم بىيىل جوعورۇ وقۇۇجايىنا سىنوو بەرەت. ازىر قووم بارعانسايىن وموقتۇۇ بولۇپ، تۇرمۇشۇبۇز كۉندۅن-كۉنگۅ جاقشىلانۇۇدا. چىن چۇانگو مىنداي دەدى:-باش شۇجئسى شئى جئنپىڭ، پارتئيا بوربوردۇق كومىتەتى شئنجاڭداعى ار ۇلۇت ەلىنە اياباي كۅڭۉل بۅلۅت. بئز جولدوش شئى جئنپىڭ ۅزۅكتۉگۉندۅكۉ پارتئيا بوربوردۇق كومىتەتىنىن مىقتۇۇ جەتەكچىلىگىندە، ار ۇلۇت ەلى تىعىز ىنتىماقتاشىپ، چىمىرقانىپ ىشتەپ، ورتوق كۉرۅش قىلىپ، شئنجاڭدى داعىدا قووز قىلىپ قۇرۇپ چىعىپ، جۇڭحۇا ۇلۇتۇنۇن ۇلۇۇ گۉلدۅنۉۉ جۇڭگو اڭسووسۇن ىشكە اشىرۇۇعا زور سالىمداردى قوشۇۇبۇز كەرەك.

     تۇرمۇشۇ قىيىنچىلىقتۇۇ جاڭ فىڭشىندىن  ۉيۉندۅ، چىن چۇانگو كۅڭۉل بۅلۉپ، بئر ۉي-بۉلۅدۅكۉلۅردۉن تۇرمۇش تۇراقجايى، ۉي- بۉلۅ كىرەشەسى، دارىلانۇۇ قامسىزداندىرۇۇسۇ سىياقتۇۇ ار قايسى جاقتارداعى ابالدارىن سۇراشتاردى. جاڭ فىڭشىن مىنداي دەدى:- قوومدۇق قونۇشتاعى كادىرلار جاردامداشىپ ۉيۉمدۅكۉ كۅكتۅم مايرامدىق بۇيۇمداردى دايىنداشتى. بالامدىن دارىلانۇۇسۇندا وور وورۇلار قامسزداندىرۇۇسۇ بار بولدۇ. تۇرمۇشۇبۇزدا انچا چوڭ قىينچىلىق جوق. چىن چۇانگو بئر ۉي- بۉلۅدۅكۉلۅردۉن كۅكتۅم مايرامىن قۇتتۇقتاپ، ۉي- بۉلۅسۉنۅ باقىت تىلەدى. ال قوومدۇق قونۇش قىزماتچىلارىنا كەمباعال، قىينچىلىقتۇۇ ەلگە ۅزگۅچۅ كۅڭۉل بۅلۉپ جانا مەەرىمدۉۉلۉك جەتكىزىپ، ۉيلۅرۉنۅن كۅبۉرۅۅك كەلىپ كۅرۉپ، سۇراشتىرىپ، ەمنەگە اجاتتۇۇ ەكەنىن، ەمنەنى اڭسايتۇرعانىن ەەلەپ، كەمباعالداردى جۅلۅۅ ساياساتىن جۉزۅلۅشتۉرۉپ، ئش جۉزۉندۉك قىينچىلىعىن چىنىعى جاقشى چەچۉۉسۉن تابىشتادى. چىن چۇانگو مىنا بۇلاردى باسا كۅرسۅتتۉ:- ەلدىن باقتى بئزدىن قىزمات نئشاانىبىز. ەلدىن قاپشابىن جانا ىسىق- سۇۇعۇن كۅڭۉل تۅرۉبۉزگۅ بۉگۉپ، كۅپچۉلۉك قايعىرعان ئشتى، باش قاتىرعان ئشتى جاقشى چەچىپ بەرىپ، جولدوش شئى جئنپىڭ ۅزۅكتۉگۉندۅكۉ پارتئيا بوربوردۇق كومىتەتىنىن كۅڭۉل بۅلۉۉسۉن جانا مەەرىمىن مىڭدەگەن ۉي- بۉلۅلۅرگۅ تۉمۅندۅگۅن تۉتۉندۅرگۅ چىنىعى جەتكىزۉۉبۉز كەرەك.

      كۅكتۅم مايرامى ەلەكتىر ىشتەتۉۉنۉن جوعورۇ بەلەس مەزگىلى، چىن چۇانگو ماملەكەتتىك ەلەكتىر تورۇ شئنجاڭ ەلەكتىر چەكتۉۉ شەرىكتىگىنىن ەلەكتىردى تەڭشەپ تىزگىندۅۅ بوربورۇنا كەلىپ، اپتونوم رايونۇبۇزدۇن مايرام مەزگىلىندەكى ەلەكتىر مەنەن قامدوو ، كەپىلدىك قىلۇۇ ابالىن ەەلەدى.

    كۅكتۅم مايرامى كەزىندەكى ەلەكتىر مەنەن قامدوونۇن قالىپتۇۇ بولۇۇسۇنا كەپىلدىك قىلۇۇ ۉچۉن، ماملەكەتتىك ەلەكتىر تورۇ شئنجاڭ ەلەكتىر قۇباتى چەكتۉۉ شەرىكتىگى مۅنۅۅتتۅن مۇردا 20 مئڭ ادام ىرەتتى قوزعوتۇپ، جالپى بەتكەي تەكشەرۉۉ، بۉت كۉچ مەنەن تەكشەرىپ رەمىنىتتوو الىپ بارىپ، ەلەكتىر كۉچۉن تەڭشۅۅ جانا جابدۇۇلاردىن  ىشتۅۅسۉن قورعوونۇ كۉچۅتتۉ. چىن چۇانگو ەلەكتىردى تەڭشەپ تىزگىندۅۅ بوربورۇنداعى جۇمۇشچۇ-قىزماتچىلار مەنەن بئر- بئردەن قول الىشىپ كۅرۉشتۉ ارى ۋىدىيو سىستەماسى ارقىلۇۇ، قاشقار، تارباعاتاي سىياقتۇۇ جەرلەردەكى ەلەكتىر مەنەن قامدوو شەرىكتىكتەرى مەنەن بايلانىشىپ، اپتونوم رايونۇبۇزداعى قالىڭ ەلەكتىر جۇمۇشچۇ- قىزماتچىلارىنا چىن جۉرۅكتۅن ىراقمات ايتىپ، مايرامدىق ال سۇرادى.

      چىن چۇانگو مىنداي دەدى:-ۅتكۅن بئر جىلدا، ماملەكەتتىك ەلەكتىر تورۇ شئنجاڭ ەلەكتىر  قۇباتى چەكتۉۉ شەرىكتىگى شئى جئنپىڭدىن جاڭى دوور جۇڭگوچو سوتسىيالىزىم ئدىياسىن جەتەكچى قىلىپ، پارتئيا بوربوردۇق كومىتەتىنىن شئنجاڭدى باشقارۇۇ جالپى ىقىمىن استايدىل ىزچىلدەشتىرىپ، شئنجاڭدىن وموقتۇۇلۇق، ۅنۉگۉۉسۉ ۉچۉن ىشتىكتۉۉ سالىم قوشتۇ. كۅكتۅم مايرامى بولسو مىڭدەگەن ، 10 مىڭدەگەن تۉتۉندۅر چوعۇلۇپ باش قوشوتۇرعان ۇباقىت، قالىڭ ەلەكتىر قىزماتچىلارى قىزمات وردۇندا بەكەم تۇرۇپ، جاپالۇۇ قىزمات ىشتەپ، اپتونوم رايونۇبۇزداعى ار ۇلۇت ەلىنىن جاپ جارىق كۅكتۅم مايرامىن ۅتكۅزۉۉسۉنۅ كەپىلدىك قىلۇۇ ۉچۉن ۅزۉمسۉز سالىم قوشتۇ. كۅپچۉلۉك جاپاا چەكتىڭەر، مەن اپتونوم رايوندۇق پارتىكوم جانا ەل ۅكۉمۅتۉ اتىنان سىلەر جانا سىلەردىن ۉي- بۉلۅڭۅردۅن كۅكتۅم مايرامىن قۇتتۇقتايمىن، جاڭى بئر جىلدا، جولدوشتوردۇن كۉچتۉ كۉچكۅ ۇلاپ، استايدىل قىزمات ىشتەپ، شئنجاڭدىن وموقتۇۇلۇعۇ، ۅنۉگۉۉسۉ جاڭى سالىمداردى قوشۇۇسۇن، چىعاان ناتىيجالار مەنەن جۇڭحۇا ەل رەسپوبىكاسى قۇرۇلعاندىعىنىن 70 جىلدىعىن قۇتتۇقتووسۇن ۉمۉت قىلام.

      اپتونوم رايوندۇق پارتىكومدۇن تۇرۇقتۇۇ مۉچۅسۉ، ۉرۉمچۉ شااردىق پارتىكومدۇن شۇجئسى شۉ حايرۇڭ ال سۇرووعو جورو بولدۇ.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.