باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جۇرتچۇلۇقتۇ ەشىك الدىندا ساپاتتۇۇ دارىلوو تەيلۅۅسۉنۅن باارلانتتى
   2019-02-03 17:54:12     xjbs   

   كۇچار ووداندىق ەل دوقتۇرقاناسى دارىلوو سالاماتتىق تۉزۉلمۅ ىسلاات ارىمىن توقتووسۇز باچىمداتىپ، ار قايسى ايىل-شاارچالارداعى سالاماتتىق وردۇ، قوومدۇق قونۇش تەيلۅۅ بوربورۇ مەنەن «بىرلەشىپ دارىلوو ورتوق تۇلقۇسۇن» بىرگە قۇرۇۇچۇ ورۇن بولۇپ، ساپاتتۇۇ دارىلوو بايلىعىنان بۉت ووداندى ورتوقتوشتۇرۇپ، جۇرتچۇلۇقتۇ ەشىك الدىندا ساپاتتۇۇ دارىلوو تەيلۅۅسۉنۅن باارلانتتى.  ىستانسىيابىز قابارچىسى لئى گاڭ جانا لو يۇانمئڭدىن قابارى:

   كۇرچار وودانى چىمەن شاارچالىق سالاماتتىق  ساقتوو وردۇنۇن  بالنىتساسىندا، كۇچار ووداندىق ەل دوقتۇرقاناسى اداتتاعى سىرتقى سىيدىك اجىراتۇۇ كۉيۉك سىرتقى وورۇلار بۅلۉمۉنۉن مۇدۇرۇ تۇرعۇن سامساق، ەحەت احمەتتىن اپەراتسىيادان كىيىنكى قالىبىنا كەلۉۉ ابالىن سۇراپ جاتتى، 42 جاشتاعى ەحەت احمەت الاقارعا شاارچاسى ياندۇرما قىشتاعىنان كەلگەن، ەكى جىلدىن الدىندا ۅتكۅ تاش بايلوو وورۇسۇنا چالدىققانى بايقالعان، جاقىندا ال چىمەن شاارچالىق سالاماتتىق ساقتوو وردۇندا ۅتتۅگۉ تاشتى الۇۇ اپەراتسىياسىن جاساتتى. ەحەت احمەت مىنداي دەدى: دايىما ئچىم وورۇيت ەلە، ەرتە ەلە ەمدەتكىم بار بولچۇ، ووداندىق دوقتۇرقانادان سۇراسام چىعاشاسى قىمبات ارى كەرەبەت جوق ەكەن، جاقىندا ووداندىق ەل دوقتۇرقانانىن ادىستەرى چىمەن شاارچاسىنا كەلىپ اپەراتسىيا جاسايت دەگەن قاباردى ۇعۇپ كەلگەمىن، ابدان وڭتويلۇۇ بولدۇ، دوقتۇرعا ىراازىمىن.

كۇچار ووداندىق ەل دوقتۇرقاناسىنىن «بىرلەشىپ دارىلوو ورتوق تۇلقۇسۇ»ن بىرگە قۇرۇۇچۇ ورۇندۇن بئرى قاتارى، چىمەن شاارچالىق سالاماتتىق ساقتوو وردۇنا كۇچار ووداندىق ەل دوقتۇرقاناسىنىن التى سىرتقى وورۇلار دوقتۇرۇ كەلگەن، ازىرعا چەيىن 50دۅن اشۇۇن تۉردۉۉ سىرتقى وورۇلار اپەراتسىياسىن ىيگىلىكتۉۉ جاساعان. دوقتۇرقانادان چىعۇۇنۇن الدىندا، دوقتۇر تۇرعۇن سامساق ەحەت احمەتكە ەسەپ كۅرسۅتۉپ مىنداي دەدى: ۅتتۅگۉ تاشتى الۇۇ اپەراتسىياسىن بئزدىن ووداندىق دوقتۇرقانادا جاساتساڭ، جالپى 6000 دەن 6500 يۇان كەتەت، ۅزۉڭ 1300يۇانداي تۅلۅيت ەلەڭ، دوقتۇرقاناعا جاتقاندان چىققانعا چەيىنكى 7 كۉندۅن 10 كۉنگۅ چەيىن تاماق-جاتاعىڭا 1500 يۇان ايلاناسىندا ىشتەتەسىڭ، ەگەر ايىل-شاارچالىق سالاماتتىق  ساقتوو وردۇندا اپەراتسىيا جاساتساڭ، جالپى 3500 يۇان عانا كەتەت، ەسەپتەن كۅتۅرگۅندۅن كىيىن ۅزۉڭ بولعونۇ 300 يۇاندان اشىق تۅلۅيسۇڭ.

   الىسقا بارباي ەلە چوڭ دوقتۇرقانانىن اپەراتسىياسىن جاساتىپ دارىلاتىپ، داعى اقچاسى ۉنۅمدۅلگۅن  ەحەت احمەت سۉيۉنۉپ جەتىنە البادى. ال مىنداي دەدى: ماملەكەت بئزدىن دىيقاندارعا ابدان جاقشى قاروودو، جەر ايداساق تولۇقتاما بەرەت، وورۇ كۅرسۅتسۅك جاڭىچا ايىل-قىشتاق قىزماتتاشىپ دارىلوو بار، بالدارىبىز اقىسىز وقۇيت، بئز جاقشى دووردو جاشاپ جاتابىز، ۇلۇۇ پارتئياعا ىراازىچىلىق بىلدىرەبىز. دوقتۇر جاقشى قالىبىڭا كەلدىڭ دەدى، تەز ارادا دوقتۇرقانادان چىعىپ، جاقشى ماانايدا مايرام ۅتكۅرۅمۉن.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.