باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
تۅۅ قۇش باقىماچىلىعى بايۇۇ اڭسووسۇن كۅكۅلۅتتۉ
   2019-02-04 19:31:33     xjbs   

قۇتۇبئي وودانى دافىڭ شاارچاسى گاۋ چىياۋ قىشتاعىنىن تۇرعۇنۇ تىيە بۇحۇا 16 جىل تالىقباي كۉرۅشۉۉ جانا چىمىرقانۇۇ ارقىلۇۇ، بئر دىيقاندان شئنجاڭداعى اتاقتۇۇ تۅۅ قۇش باقماچىلىق ادىسىنە ايلاندى.

سانجى رادىيو ىستانسىياسىنىن قابارچىسى جىيە ۋەيجىيان، قۇتۇبئي رادىيو ىستانسىياسىنىن قابارچىسى شۉي چىڭشىيۇلاردىن قابارى:

جاقىنقى مەزگىلدەر كۅكتۅم مايرامدىق توۋار ساتىپ الۇۇنۇن جوعورۇ توقۇنۇ بولدۇ، تىيە بۇحۇا تۅۅ قۇش ەتى، تۅۅ قۇش تەرىسىنەن جاسالعان بۇيۇمدار جانا تۅۅ قۇش جۇمۇرتقاسى مايدا اسما بۇيۇمدارىن الىپ سانجى وبلاستى جانا ار قايسى وودان شاارلاردىن مايرامدىق توۋارلار چوعۇلۇشۇنا ارت- ارتىنان قاتىشتى، تۅۅ قۇش باقماچىلىعىنا بايلانىشتۇۇ بىلىمدەردى سۇراعان قاردارلارعا جولۇققاندا، تىيە بۇحۇا سابىردۇۇلۇق مەنەن الارعا ىچكەلەي جووپ بەردى.

 ال مىنداي دەدى: انىن قوشۇمچا نارقى سالىشتىرمالۇۇ جوعورۇ، باعۇۇ داعى وڭتويلۇۇ، ەڭ العىلىقتۇۇسۇ انىن جاشوو جۅندۅمۉ ابدان كۉچتۉۉ، شايكەشۉۉ مۉنۅزۉ داعى ابدان كۉچتۉۉ. داعى بىرۅۅ، وڭوي وورۇبايت، ئمونتەت جۅندۅمۉ ابدان كۉچتۉۉ. تووق، ۇي، قوي باعۇۇعا قاراعاندا، باعۇۇ وڭوي. تىيە بۇحۇا بىيىل 57 جاشتا، 2002- جىلى كۉيۅۅسۉ ەكۅۅ ۉيۉندۅگۉ بااردىق مۉلكۉن ساتىپ ەكى قورووز، تۅرت مەكىيان، التى تۅۅ قۇش ساتىپ العان، سووداگەردىن توۋار تۅۅ قۇشتۇ سورتتۇۇ قۇش قاتارى ساتارىن، تۅۅ قۇش جۇمۇرتقالاباي، ۅنۉمۉ جوق بولورۇن ويلوپ داعى كۅربۅگۅن ەمەس.

تىيە بۇحۇا مىنداي دەدى: توۋار قۇشتۇن بىرۅۅن تەك نەچە مئڭ يۇانعا ەلە ساتۇۇعا بولوت، سورتتۇۇ قۇشتۇن بىرۅۅن نەچە ون مئڭ يۇانعا ساتۇۇعا بولوت، وشوندۇقتان بۇل جاعىن بئز تۉشۉنبۅي، زور زىيان تارتتىق. سورتتۇۇ قۇش كىرگىزۉۉدۅ وڭقوسۇنان تۉشكۅن تىيە بۇحا مىندان قول ۉزبۅي، ار قايسى جەرلەرگە بارىپ باقماچىلىق تەحنىكاسىن ۉيرۅندۉ. تىيە بۇحۇا ەسكەرىپ مىنداي دەدى: جۇڭگونۇن جارىمىن قىدىرىپ، تۅۅ قۇش باققانداردىن بااردىعىنان سۇراپ بئلدىم. باشقالارعا (تۅۅ قۇش باققاندارعا) جۇمۇش ىشتەپ بەردىم. تەحنىكا ۉيرۅنۉۉ ۉچۉن، بئز قۇشقا جەم بەرىپ، انىن قورووسۇن تازالاپ، دىزەنفەكسىيالاپ، باارىن ىشتەدىك.

 «كۅڭۉل قويعون ادامعا قىيىن ئش جوق االامدا» دەمەكچى، جارىم جىل ۇباقىت جۇمشاپ، تىيە بۇحۇا اقىرى سىيرالاشقان تۅۅ قۇش باقماچىلىق تەحنىكاسىن ۉيرۅنۉپ بولۇپ، ال ايلاناداعى تۅۅ قۇش باقماچىلىعى مەنەن الپۇرۇشۇۇ ويۇ بار قىشتاق تۇرعۇندارى مەنەن چوعۇۇ ۅنۉكتۉ. 2007- جىلى، تىيە بۇحۇا باش بولۇپ تۅۅ قۇش ۇيۇمۇن قۇردۇ، ارتىنان داعى كۅبۅيتۉۉ، چۅجۅ چىعارۇۇ، كۅندۉرۉۉ سورتتۇۇلاشتىرۇۇ بئر تۇلقۇلاشىپ چوعۇلعان تۅۅ قۇش باقماچىلىق كوپراتىبىن قۇردۇ. تۉشۉمدۅرۉنۉن بازار اجاتىنىن كۉنسايىن كەڭىرۉۉسۉنۅ ەەرچىي، تىيە بۇحۇا ازىرقى ابالىندا تۇرۇپ قالۇۇنۇ قاالاباي، كەسىپتەشكەن تۅۅ قۇش باقماچىلىق شەرىكتىگىن قۇرۇۇنۇ ويلودۇ، بئروق بۇل ويۇن قىزماتتاشتىق كوپراتىبىنىن كەڭەشى مويۇندابادى. كەڭەش مۉچۅسۉ ۋاڭ حوڭ مىنداي دەدى: كەزىندە بئز ابدان قووپتۇ دەپ قارجى سالۇۇعا قوشۇلباعانبىز.

 ال ۅزۉ ايلاسىن تااپ قارجى سالىپ، ناتىيجادا كۅپ اقچاسىن الداتىپ جىبەردى، بااردىعىن ۅزۉ ارقالادى. ازىر شەرىكتىك جاقشى ۅنۉكتۉ، بئز داعى مۇنۇن پايداسىن كۅردۉك، ازىر سىرتقا چىعىپ باشقالارعا سۉيلۅسۅك، بئز داعى دىيقان قاتارى باشقالار بىزگە سۇقتانىشات. بۉگۉنكۉ كۉندۅ، تىيە بۇحۇانىن كى شىياڭ تۅۅ قۇش باقماچىلىق قىزماتتاشتىق كوپراتىبى 80 دەن اشۇۇن تۅۅ قۇشتۇ باقتى، جىلدىق قوروودوعۇ مۅلچۅرۉ 2 مئڭ ايلاناسىندا بولۇپ، قىزماتتاشىق كوپراتىبىنىن جىلدىق تۉشۉم نارقى 5 مئلليون يۇان ايلاناسىنا جەتىپ، كوپراتىپ مۉچۅلۅرۉنۅ جىلىنا 100 مئڭ يۇان پايدا بۅلۉشتۉرۉلۅت.

قىزماتتاشتىق كوپراتىپتىن تۉشۉمدۅرۉ تۅۅ قۇش ەتى، جۇمۇرتقاسى، تەرىسى، ساڭوورۇ سىياقتۇۇ 4 چوڭ تۉشۉمگۅ بۅلۉنۅت، ارى «تىيە ەجە» دەگەن توۋار ماركەسىن تىزىمگە الدىرىپ، تۉشۉمدۅرۉ الىسقى بەيجىن، شاڭحاي سىياقتۇۇ جەرلەردە ساتىلات، جانا قازاقىستان، قىرعىزىستانعا ەكىسپورتتولوت. بىيىل، تىيە بۇحۇا سىزىل تۅۅ قۇش ەكولوگىيالىق باقچاسىن قۇرۇپ، ۅزۉنۉن اڭسووسۇن بۉتۉردۉ.

 ال مىنداي دەدى: كۉرۅشۉۉ تەگىندە ەلە باقتىلۇۇ، قىيىنچىلىققا جولۇققاندا كۅزۉمۅن جاش قىلعىرات، بئروق تۅۅ قۇش بالاپاندارى جۇمۇرتقادان چىققاندا، داعى ابدان تولقۇندانام. قاردارلار تۅۅ قۇشتارىبىزدىن جۇمۇرتقا قابىعى، قول ۅنۅر بۇيۇمدارى، تۉشۉمدۅرۉن ماقتاعاندا، داعى ابدان ووراقتانىپ قۇبانام، بۇل كۉرۅشۉۉنۉن مۅمۅسۉ، مەنى باقتىقا بۅلۅيت.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.