باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
باقچالار قىزىپ، كۅكتۅم مايرامدىق قۇبانىچقا بۅلۅندۉ
   2019-02-09 15:06:48     xjbs   

 ۉرۉمچۉ شاارىنداعى ار قايسى باقچالار كۅكتۅم مايرامىندا تۉركۉن- تۉستۉۉ قىيمىلداردى الىپ چىعىپ، قىزىقتۇۇ بۇدقانا چوعۇلۇشۇ، كۅچۅ ويۇنۇ، مۇز ايكەل كۅرگۅزمۅسۉ جانا قار- مۇز دەنە- اراكەت تۉرۉ سىياقتۇۇلار ارقىلۇۇ ەشىكتەن چىعۇۇنۇ قاالابايتۇرعان شاار تۇرعۇندارىن ەس الۇۇدا كۅڭۉل اچاتۇرعان جانعا جايلوو جەر مەنەن قامدادى. 

 ىستانسىيابىز قابارچىسى لئي مئڭدىن بۇل جۅنۉندۅكۉ قابارى. كۅكتۅم مايرامىنىن ەكىنچى كۉنۉ قابارچى ۉرۉمچۉ شاارى قىزىلتوو باقچاسىنا بارىپ، قىزىقتۇۇ بۇدقانا چوعۇلۇشۇنۇن سۇرناي، دوبۇلباس دووشۇنان ۇلام باشقاچا قىزىپ، ار تۉردۉۉ ۇلۇتتۇق سالىت- ساناا ويۇندارىنىن كۅپتۅگۅن شاار تۇرعۇندارىن ەلىكتىرگەنىن كۅردۉ. شاار تۇرعۇنۇ لئى ۋىنجئن مىنداي دەدى:« جاقىنقى جىلداردان بەرى بۇل جەرلەر ابدان قىزىپ جاتات، باقچا ەشىگىنەن كىرسەڭىز ەلە پانۇستاردى كۅرۅسۉز، جول بويۇ مايرامدىق تۉسكۅ كىرىپ، كۅكتۅم مايرامدىق ماناايى ابدان قويۇۇ بولۇپتۇر، اندان باشقا چىنچياڭ، جىڭجۉ تىياتىرى، جالىت ەتمە نومۇرلارى ابدان قىزىقتۇۇ بولۇپتۇر، اياباي كۅڭۉلدۉ وينودۇق».

بۇل جولقۇ بۇدقانا چوعۇلۇشۇ «حۇڭحۇانى گۉلدۅندۉرۉۉ اڭسووسۇن ئش جۉزۉنۅ اشىرىپ، ۇلۇتتۇق سالىت- ساناا مادانئياتىنا مۇراگەردىك قىلۇۇنۇ» نەگىز تەما قىلىپ، 1- ايدىن 28- كۉنۉنۅن 2- ايدىن 19- كۉنۉنۅ چەيىن ۇلانات، ال ەمى اتالعان چوعۇلۇش كۅچۅ ويۇنۇ، تىياتىر، ارىستان بئيى، تاابىشماق، تىلەك تىلۅۅ سىياقتۇۇ جۅرۅلگۅلۉۉ قىيمىلداردى جانا مۇز ۉستۉ چىراعى مۇز ايكەل، مۇز كۅركۉ سىياقتۇۇلاردى ۅز ىچىنە الات.

بۇدقانا چوعۇلۇشۇنان باشقا شاار تۇرعۇندارى ەل باقچاسى مۇز جىلعاياقتوو مايدانىنا كەلىپ، مۇز ۉستۉ دەنە- اراكەتىنىن تارتىمدۇۇلۇعۇن سەزىنسە بولوت. قىشتا جيانحۇ كۅلۉنۉن مۇزۇ اينەكتەي تۇنۇپ، سوقمو ماشئنا، ات چاناسى سىياقتۇۇ 9 تۉرۉ بار بولۇپ شاار تۇرعۇنۇ شۉ بئن بالاسىن وينوتقولۇۇ كەلدى. ال مىنداي دەدى:« بۉگۉن بئز مۇز ۉستۉندۅكۉ سوقمو ماشئنا تۉرۉن وينودۇق، بالدارعا كانكىنى وينوتۇپ كۅركۉم بار، قىشتا شااردا وينويتۇرعان نەرسەلەر كۅبۅيدۉ، باقچالار كۅپتۅگۅن تۉرلۅردۉ ورۇنداشتىرىپتىر، بئز ابدان كۅڭۉلدۉ وينودۇق».

ال ەمى ۉرۉمچۉ شاارى ۅسۉمدۉك باقچاسىنىن 4000 كۇۋادىرات مەتىر جەردى ەەلەگەن قار- مۇز دۉينۅسۉندۅ 5 ئرى تىپتەگى قار جىلعاياقتوو جولۇ جانا 3 بالداردىن قار جىلعاياقتوو جولۇ كىشىلەردى تاڭ قالتىردى. شاار تۇرعۇنۇ ۋاڭ جۉنجە دوستورۇ مەنەن قار چامعاراعىندا قار جىلعاياقتوونۇ سەزىنىپ كۅردۉ.

 ال مىنداي دەدى:« ەكى سااتتان اشۇۇن وينوپ دا كەتكىبىز كەلبەدى، ابدان قىزىقتۇۇ ەكەن، كۅكتۅم مايرامىندا الىسقا چىعىپ وينونۇ قالابادىق، شاارداعى باقچالاردا داعى قار جىلعاياقتوو سەزىمى جاقشى بولوت ەكەن، وينوتۇرعان نەرسەلەر ابدان كۅپ، قار جىلعاياقتوو جولۇ بئر قىيلا كەسپىي كەرەمەت ەكەن».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.