باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
جۇڭگو- كۅكتۅقوي تۇنعۇچ كەزەكتۉۉ ۇقمۇشتۇۇ تاشتاردان ۉزرلۅنۉۉ ساياقات مادانئيات مايرامى
   2014-08-21 11:12:52     xjbs   

اياق وونانىن 17- كۉنۉ تۉشتۅن مۇرۇن، ۉچ كۉن مۅۅنۅتتۉۉ جۇڭگو- كۅكتۅقوي تۇنعۇچ كەزەكتۉۉ ۇقمۇشتۇۇ تاشتاردان ۉزرلۅنۉۉ ساياقات مادانئيات مايرامى كۅكتوقوي وودانىندا كۅشۅگۅسۉن اچتى. تۉركۉن تۉستۉۉ التىن سىزىقتۇۇ اقتاشتار كۅرگۅزمۅگۅ قاتىشتىرىلدى. 

      تۉشتۅن مۇرۇنقۇ بەيجىن ماالى 10 جارىمدا، اچىلۇۇ ازەمىنە داعى جارىم ساات بولسودا، بىروق كۅرگۅزمۅ وردۇلارىنداعى سوودا الدا قاچان باشتالىپ بولعون ەلە.
    قابارچى  جۇمۇرتقانىن جارىمىنداي بولعون التىن سىزىقتۇۇ اقاقتاشتىن ەڭ تۅمۅن بااسىنىن 1500 يۇان ەكەنىن، ال ەمى، 1600 يۇان قارجىلاپ، جۇمۇرتقانىن چوڭدۇعۇنداي التىن سىزىقتۇۇ اقاقتاشتى ساتىپ العان بىيتۇندۇق قىرداردىن ىچ-ىچىنەن سۉيۉنۉپ جاتقانىن، اچىلۇۇ ازەمى باشتالباي تۇرۇپ ەلە، سووداسىن بۉتۉرۉپ، ماشئنا مەنەن جۉرۉپ كەتكەنىن كۅردۉ.  ۇعۇشۇۇسۇنا قاراعاندا، ال بەرمەت دۉكۅندۅرۉنۅ بارىپ، ال جەردەكى ۇستالارعا بااسىن قويعۇزات ەكەن.

    كۅكتۅقوي وودان شاارچاسىندا ەكى اقاقتاش بۇيۇمدارى دۉكۅنۉن اچقان قوجويۇن جى جىيەنچاڭدىن بۇل جولقۇ كۅرگۅزمۅگۅ قاتىشتىرعان نەگىزگى بۇيۇمدارىنىن كۅپ بۅلۉگۉ التىن تۉستۉۉ اقاقتاشتار بولۇپ، قىزعىلىت سارى، مالا سارى، قىپ-قىزىل، اپپاق اقاقتاشتار مۅلتۉرۅپ، جىپ-جىلما بولۇپ، انىن ۉستۉنۅ قۇدۇم ۅزۉندۅي ويمولور ويۇلۇپ، اياباي قووز ەكەن.  ال مىنداي دەدى:- ۇشۇل جەردىن ۅزۉنۉن التىن سىزىقتۇۇ اقاقتاشىنان 7، 8 تۉرۉ بار، كۅبۉرۅۅك ساتىلاتۇرعانى التىن سىزىقتۇۇ، بەتى مۅلتۉرۅگۅن اقاقتاشتار. وشوندو قابارچى بۇل بىلەرىك قانچا يۇان دەپ سۇراعاندا، انىن تۉسۉنۅ قاروو كەرەك. نەچە مىڭ يۇاندان نەچە جۉز مئڭ يۇانعا چەيىن، بااسى وقشوبويت ،-دەپ جووپ بەرگەن.

    اچىلۇۇ ازەمىندەكى ناق مايداندا 60 دان كۅبۉرۅۅك كۅرگۅزمۅ وردۇ بار بولۇپ، جى جىيەنچىياڭعا وقشوش التىن سىزىقتۇۇ اقاقتاش بىلەرىكتەرى ار بئر جايما وردۇندا نەگىزىنەن بارى-بار. كۅپتۅگۅن سۇلۇۇ قىزدار ارت-ارتىنان سىناشىپ، جاقشى كۅرگۅنۉنۅن بىلەرىكتەردى قولۇنان العىسى كەلبەي جاتىشات. ال ەمى، التىن سىزىقتۇۇ اقاقتاشتىن ەڭ سونۇنۇ بولعون نۇرلۇۇ اقاقتاشتار مەنەن ويۇلعان اقاقتاشتار جىيناپ ساقتووچۇلاردىن ەڭ ەلە جاقتىرعان نەرسەلەرى ەلە.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.