باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
 اپتونوم رايوندۇق پارتىكوم بۉتكۉل شئنجاڭداقى ىسلام دئنى مەكەن سۉيۅر ىشمەرلەر مايەك جىينالىشىن اچتى
   2016-12-01 16:31:28     xjbs   

ىستانسىيابىز قابارى:

  ەشتىن ايى جە 11-ايدىن 30-كۉنۉ، اپتونوم رايوندۇق پارتىكوم بۉتكۉل شئنجاڭداقى ىسلام دئنى مەكەن سۉيۅر ىشمەرلەر مايەك جىينالىشىن اچتى. اپتونوم رايوندۇق پارتىكومدۇن شۇجئسى چىن چۇانگو جىينالىشقا قاتىشتى ارى سۅز سۉيلۅدۉ. ال مىنداي دەپ تاقىدى:-جولدوش شئ جىنپىڭدى ۅزۅك قىلعان پارتئيا بوربوردۇق كومىتەتتىن شئنجاڭدى باشقارۇۇ ىستىراتەگىياسىن تەرەڭ تااماي جۉزۅلۅشتۉرۉپ، پارتئيانىن دئنىي ىشتەر قىزماتى نەگىزگى باعىتىن جانا پارتئيانىن دئنىي ىشتەر ساياساتىن جالپى بەتكەي تاامايلاشتىرىپ، مەكەن سۉيۅر ىشمەرلەردىن دىلگىر رولۇن تولۇق كۅرسۅتۉپ، دئندىن سوتسئيالىزدىك قوومعو شايكەشۉۉسۉن دىلگىر تۉرتمۅكتۅپ، دئنىي ىشمەرلەر جانا قالىڭ دىنگە ىشەنۉۉچۉ جۇرتچۇلۇقتۇ شئنجاڭ قوومۇنۇن تۇرۇقتۇۇلۇعۇ جانا ۇزاققا بەيپىل باشقارۇۇعا ۇيۇمداپ جانا ۇيۇشتۇرۇپ، جۇڭحۇا ۇلۇتتارىنىن ۇلۇۇ قايرا گۉلدۅنۉۉسۉن ىشكە اشىرۇۇداي جۇڭگو اڭسووسۇ ۉچۉن تىرىشىپ كۉرۅش جاسوو كەرەك.


    اپتونوم رايون جەتەكچىلەرىنەن شۅكرەت زاكىر، جۇ حايلۉن، لئ پىڭشىن، شاۋكەت ئمىن، شۉ حايروڭ، ما شۅجۉن قاتارلۇۇلار مايەك جىينالىشقا قاتىشىپ، كوللەكتىپ ەستەلىك سۉرۅتكۅ تۉشۉشتۉ.
   قىزۇۇ قول چابۇۇلاردىن قوشتووسۇندا، چىن چۇانگو 90دون اشۇۇن ىسلام دئنى مەكەن سۉيۅر ىشمەرلەرى مەنەن بئر-بىرلەپ قول الىشىپ كۅرۉشۉپ، سالامداشتى. بۉگۉن مايەك جىينالىشقا قاتىشقان مەكەن سۉيۅر دئنىي ىشمەرلەر بۉتكۉل شئنجاڭدىن 14 ايماق وبلاس، شاارىنان كەلگەن، ۇيعۇر، قازاق، حۇيزۇ، قىرعىز، دوڭشئياڭ، تاجىك، تاتار، ۅزۉبەكتەن تۇرعان 8 ۇلۇتتان بار.

   ابدۇرەقىپ تۇنئياز، ابدىشۉكۉر راحماتۇللا، داۋكىش دوسباي، كوۋ جئنفا، ابلئمىت احمەت، وۋۇلقاسىم جۉسۉپ، احمەت مامەتنىياز، وبۇلايسا تۇرسۇننئياز قاتارلۇۇلار الدى-ارتى بولۇپ سۅز سۉيلۅدۉ. كۅپچۉلۉك دئنىي ىشتەر قىزماتىنىن ئش جۉزۉندۉلۉگۉنۅ بىرگەلەشتىرىپ، ۅزدۅرۉ سەزىپ-تۇيعان ىشتەردى بايانداپ، سۇنۇش بەرىپ، بااردىعى بىردەي:-اپتونوم رايوندۇق پارتىكوم، ۅكۉمۅتتۉن پارتئيانىن دىنگە ىشەنۉۉ ەركىندىك ساياساتىن جالپى بەتكەي جۉزۅلۅشتۉرۉپ، دئنىي سالااسىنداقى ىشمەرلەردى جانا دىنگە ىشەنۉۉچۉ جۇرتچۇلۇقتۇ دوس-تۇۇعان دەپ قاراپ، دئنىي ىشتەردى زاكون بويۇنچا باشقارىپ، مەچىت جانا دئنىي قىيمىلدارعا بولعون جامااتتىق تەيلۅۅنۉ كۉچۅتۉپ، مەكەن سۉيۅر ىشمەرلەرگە كۅڭۉل بۅلۉپ،قامقوردۇق كۅرسۅتكۅنۉنۅن تەرەڭ تااسىرلەندىك، مىندان كىيىن داعى وزوت مادانئياتتى ۅۅرچۉتۉپ، پارتئيا مەنەن ۅكۉمۅتتۉن تەرەبەلىنە تىعىز ىنتىماقتاشىپ، دئندى سوتسئيالىزدىك قوومعو شايكەشتىرۉۉ جولۇندا تەرمەلبەي بەكەم باسىپ، اتا-مەكەندىگىن بىرىمدىگى، ۇلۇتتار ىنتىماقتىعى جانا قوومدۇن مادانئياتتۇۇ العا ۅنۉگۉۉسۉنۅ داعىدا كۅپ سالىمداردى قوشوبۇز،-دەپ بئلدىرىشتى.
   كۅپچۉلۉكتۉن سۅزۉن استايدئل ۇققاندان كىيىن، چىن چۇانگو مىنداي دەدى:-دئنىي ىشتەر قىزماتى جۇڭگوچو سوتسئىيالىزىم ىشتەرىنىن ۅنۉگۉۉسۉ، پارتئيا مەنەن ەلدىن قان مەنەن ەتتەي بايلانىشىنا، قوومدۇن شايكەشتۉۉ ۅنۉگۉۉسۉنۅ، ۇلۇتتار ىنتىماقتىعىنا وشوندوي ەلە ماملەكەتتىن قووپسۇزدۇعۇ جانا اتا-مەكەندىن بىردەيلىگىنە بايلانىشتۇۇ ئرى جۇمۇش. شئنجاڭدا دىنگە ىشەنۉۉچۉ جۇرتچۇلۇقتۇن سانى كۅپ، دىنگە ىشەنۉۉ قىيمىل سورۇندارى داعى كۅپ، وشوندۇقتان دئنىي ىشتەر قىزماتىن جاقشى ىشتۅۅ ابدان زارىل. پارتئيانىن دئنىي قىزماتى نەگىزگى باعىتىندا بەكەم تۇرۇپ، پارتئيانىن دىنگە ىشەنۉۉ ەركىندىك ساياساتىن جالپى بەتكەي تاامايلاشتىرىپ، ۅز الدىنچا، ۅز بىلگى، ۅزۉ ئش بۉتۉرۉۉ پىرىسىبىندە بەكەم تۇرۇپ، زاكون جاعىنان قورعوو، زاكونسۇز قىيمىلداردى چەكتەپ، وپسۇزدۇققا تىيۇۇ سالىپ، وپسۇز ئدىيانىن سئڭىپ كىرۉۉسۉنۉن الدىن الىپ، قىلمىشكەرلەرگە سوققۇ بەرىپ، دئندى سوتسئيالىزدىك قوومعو شايكەشتىرۉۉنۉ دىلگىر جەتەكتۅۅ كەرەك. دىنگە ىشەنۉۉچۉ جۇرتچۇلۇقتۇن دىنگە ىشەنۉۉ ەركىندىگىنە ۇرمات قىلىپ، دىنگە ىشەنۉۉچۉ جۇرتچۇلۇقتۇن نورمال دئنىي تالابىن زاكون بويۇنچا كەپىلدىككە الىپ، الاردىن زاكوندۇۇ ۇقۇق-تالامىن، دئنىي قىيمىل سوورۇندارىن قورعوو كەرەك. دئنىي ىشتەردى زاكون بويۇنچا باشقارىپ، ۅكۉمۅتتۉن دئنىي ىشتەردى باشقارۇۇ اراكەتىن زاكون بويۇنچا قالىپقا تۉشۉرۉپ، دئندىن ارقايسى تۉر قوومدۇق بايلانىشىن زاكون ارقىلۇۇ تەسكۅۅ كەرەك. مەچىت جانا دئنىي قىيمىل سوورۇندارىنىن شارتىن جاقشىلوونۇ كۉچۅتۉپ، سۇۇ، ەلەكتىر، جول، تابئعىي گاز، ۇچۇر، رادىيو-تەلە، گەزىت جۇرنال، مادانئيات ۉيلۅرۉن قۇرۇۇنۇ كۉچۅتۉپ، ساياسات زاكون-تۉزۉمدۅردۉ مەچىتكە الىپ كىرىپ، شارتتى جاقشىرتىپ، تەيلۅۅنۉ كۉچۅتۉۉ كەرەك. مەكەن سۉيۅر دئنىي ىشمەرلەردى قورعوپ جەتىشتىرىپ، دئنىي ىشتەر قىزماتىن زارىل بولعون جۇرتچۇلۇق قىزماتى دەپ قاراپ، مەكەن سۉيۅر دئنىي ىشمەرلەرگە كۅڭۉل بۅلۉپ، الاردى چىنىعى ىنتىماقتاشتىرىپ، دوس-تۇۇعان قاتارى كۅرۉپ، كۇرستۇق تاربئيالوو ەپكىنىن اشىرىپ، ۅنۉمدۉۉ باشقاراتۇرعان قورعوپ، كۉيۉنۉۉ مەحانىزىمىن تۇرعۇزۇپ، الاردىن دىلگىر رولۇن تولۇق كۅرسۅتۉۉ كەرەك. زاكونسۇز دئنىي قىيمىلداردى زاكون ارقىلۇۇ جۅنگۅ سالىپ، «وپسۇزدۇقتۇ جويۇۇ قىزماتىن»ۇلاندۇۇ جاقشى جىلىشتاتىپ، دئنىي تونعو جامىنىپ الىپ، بۅلچۅكتۅۅچۉلۉك جانا زومبۇلۇق تەروردۇق قىيمىلدار مەنەن الەكتەنەتۇرعان قىلمىشكەرلەرگە، زاكونسۇز ۇيۇمدارعا قاتااڭ سوققۇ بەرۉۉ كەرەك. 
    چىن چۇانگو بۉتكۉل شئنجاڭداقى قالىڭ مەكەن سۉيۅر دئنىي ىشمەرلەردىن باش شۇجئ شئ جىنپىڭ ايتقان تاالىم-تاربئيانى ەستە بەكەم ساقتاپ، قووم وموقتۇۇلۇعۇن ساقتوو جانا ۇزاققا بەيپىل باشقارۇۇ باش باعىتىن بەكەم ىمەرچىكتەگەن تۉردۅ ۅزۉندۉك وڭۇتتۇۇلۇقتۇ ۅۅرچۉتۉپ، شاڭدۇۇ جۅرۅلگۅگۅ مۇراستىق قىلىپ، دئندى سوتسئىيالىزدىك قوومعو شايكەشتىرۉۉدۅ باشتامچىلىق رولۇن اتقارۇۇداي سالىمداردى قوشۇپ، مەكەندى سۉيۉۉ، ەلدى سۉيۉۉ جاعىندا باشتامچى بولۇپ، سوتسئىيالىزدىك تۉزۉمدۉ ازدەكتەپ، جۇڭگوچو سوتسئىيالىزىم جولۇندا باسۇۇدا بەكەم تۇرۇپ، مەكەن سۉيۅردۉك تۇۇنۇ بىيىك كۅتۅرۉپ، مەكەندى، ەلدى سۉيۉپ، اتا-مەكەندىن بىرىمدىگىن قورعوپ، جۇڭحۇا ۇلۇتتارىنىن ىنتىماقتىعىن قورعوپ، ماملەكەتتىن ەڭ چوڭ تالامى جانا جۇڭحۇا ۇلۇتتارىنىن تۉپكۉ تالامىنا باش ئيىپ، پارتئيا جانا ماملەكەتتىن دئنىي ىشتەر ساياساتىن استايدئل ۉيرۅنۉپ، باش شۇجئ شئ جىنپىڭدىن دئنىي ىشتەر قىزماتىنا قاراتا بەرگەن زارىل بايانداماسىن استايدئل ۉيرۅنۉپ، تاامايلاشتىرىپ، دئن بىلىمدەرىن جاقشى ۉيرۅنۉپ، مۇرالدۇۇ بولۇپ، كۅز قاراشتى كەڭىرتىپ، ۅزۉندۉك ۅنۉگۉۉنۉ ۇلاندۇۇ كۉچۅتۉپ، دئنىي بىلىمدەرىن مولۇقتۇرۇپ، مادانئيات دەڭگەلىن جوعورۇلاتىپ، ىسلام دىنىندە ايتىلعان مەكەن سۉيۅردۉك، تىنچتىق، ىنتىماقتاشۇۇ، كەڭپەيىل بولۇۇ، مەەرىمدۉۉ بولۇۇ، جاقشى ىشتەردى كۅپ ىشتۅۅ قاتارلۇۇ دئنىي شارىياتتاردى دئندى چەچمەلۅۅ بارىشىنا تاامايلاشتىرىپ، دىنگە ىشەنۉۉچۉ جۇرتچۇلۇققا بولعون جەتەكتۅۅ، تاربئيانى كۉچۅتۉپ، تەروردۇق، زومبۇلۇققا چەچكىن قارشى تۇرۇپ، ماملەكەت قووپسۇزدۇعۇن قورعوودو تەرمەلبەي بەكەم تۇرۇپ، ماملەكەت زاكون-تۉزۉمدۅرۉنۅ مويۇن سۇنۇپ، زاكون تۉزۉم تاانىمىن كۉچۅتۉپ، زاكون الدىندا بااردىق ادام تەڭ-بارابار بولۇۇدا بەكەم تۇرۇپ، قالىڭ دىنگە ىشەنۉۉچۉ جۇرتچۇلۇقتۇ ماملەكەت زاكونۇ مەنەن دئنىي نئزام بايلانىشىن تۇۇرا بئر جاقتىلۇۇ تاانىمىن جوعورۇلاتۇۇعا جەتەپ، نورمال دئنىي تارتئپتى بىلەسەلۉۉلۉك مەنەن قورعوپ، دئنىي شارىياتتاردا ايتىلعان قوومدۇن العا جىلىشتووسۇ، ەلدىن باقتىلۇۇ تۇرمۇش كەچىرۉۉسۉنۅ پايدالۇۇ بولعون ىشتىكتۉۉ فاكتورلوردۇ تولۇق قازىپ، دىنگە ىشەنگەن جۇرتچۇلۇقتۇن اقىل-كۉچۉن ۅندۉرۉش ۅنۉگۉۉ ىشتەرىنە قاراي سارپتاتىپ، ەمگەكچىل بولۇپ، تۇرمۇش شارتىن جاقشىلاپ، تۇرمۇش دەڭگەلىن جوعورۇ كۅتۅرۉپ، ماملەكەتتىن ۅنۉگۉپ-ۅسۉۉسۉنۅ پايدا جەتكىرىپ، دىنگە ىشەنۉۉچۉ جۇرتچۇلۇقتۇن زاتتىق جانا روحۇ تۇرمۇشۇن جاقشىرتۇۇعا داعىدا پايدالۇۇ شارتتاردى جاراتىپ بەرۉۉسۉن ۉمۉت قىلدى.

وپسۇزدۇققا قارشى تۇرۇۇدا باشتوق بولۇپ، دئنىي وپسۇز ئدىيانىن سىڭىپ كىرۉۉسۉنۅ باتىلدىق مەنەن قارشى تۇرۇپ، باتىلدىق مەنەن قالىپ ىچىندە قۇراندى سۉيلۅپ تۉشۉندۉرۉپ، دىنگە ىشەنگەن قالايىق- قالىقتىن تۇرا ىشەنۉۉ تۇرا اراكەتتە بولۇۇعا تاربئيالاپ، ورتو جولدو بولۇۇدا بەكەم تۇرۇپ، وپسۇز ئدىياعا قارشى تۇرۇۇ كەرەك. ۇلۇتتار ىنتتىماقتۇۇلۇعۇ جاقتا باشتوق بولۇپ، «ۉچتۅن ايرىلا الباستىق» ئدىياسىندا بەكەم تۇرۇپ، جاقشى كۅپۉرۅ، جاقشى تۉيۉن بولۇپ، «ۇلۇتتار ىنتماقتاشىپ بئر تۇۇعانداي جاشايلى» قىيمىلىنا دىلگىر قاتىشىپ، ار ۇلۇت ەلىنىن قارىم- قاتتوو، پىكىر الماشتىرۇۇسۇن ىلگەرى سۉرۉپ، اناردىن داانىنداي تىعىز ۇيۇشتۇرۇۇ كەرەك.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.