باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
بوربوردۇق كومىتەتى ساياسئي بئيۇروسۇنۇن جاڭى تۇرۇقتۇۇ مۉچۅلۅرۉ
   2017-10-26 22:06:54     xjbs   

باش شۇجئى شئى جئنپىڭ 19- كەزەكتۉۉ جۇڭگو كوممۇنئىستىك پارتئياسى بوربوردۇق كومىتەتى ساياسئي بئيورۇسۇ تۇرۇقتۇۇ مۉچۅلۅرۉنۉن جۇڭگو جانا چەت ەلدىك قابارچىلار مەنەن بولعون كۅرۉشۉۉسۉندۅ، جاڭى دووردو جاڭى روحۇ مااناي بولۇۇ، وشوندوي ەلە جاڭى اراكەتتەر بولۇۇ كەرەكتىگىن، جۇڭگو ەلىنىن تۇرمۇشۇ جىل سايىن جاقشى بولوورۇن باسا كۅرسۅتتۉ.

دۉينۅنۉن نازارى داعى بئر جولۇ جۇڭگوعو بۇرۇلدۇ، جاڭى ەلە جۇڭگو كوممۇنئستىك پارتئياسى 19- كەزەكتۉۉ بوربوردۇق كومىتەتتىن 1- جولقۇ جالپى جىينالىشىندا جۇڭگو كوممۇنئستىك پارتئياسى بوربوردۇق كومىتەتتىن باش شۇجئسى بولۇپ شايلانعان شئى جئنپىڭ جانا جۇڭگو كوممۇنئستىك پارتئياسى بوربوردۇق كومىتەتى ساياسئي بئيۇروسۇنۇن تۇرۇقتۇۇ مۉچۅلۅرۉ لئى كىچئياڭ، لئى جانشۇ، ۋاڭ ياڭ، ۋاڭ حۇنئڭ، جاۋ لىجئى، حان جىڭ جەتىنىن ايى جە 10- ايدىن 25- كۉنۉ تۉشتۅ ەل ساريىندا جۇڭگو كوممۇنئستىك پارتئياسى 19- قۇرۇلتايىن قابارلاعان جۇڭگولۇق جانا چەت ۅلكۅلۉك قابارچىلار مەنەن كۅرۉشتۉ.

ەل سارايىنىن چىعىش جاق چوڭ زالى قىزۇۇ ماانايعا بۅلۅندۉ. 500دۅن اشۇۇن جۇڭگولۇق جانا چەت ۅلكۅلۉك قابارچىلار اپاراتتارىن تەڭشەپ، كومپئيۇتەر قالەم قاعازىن دايىنداپ، بئرىنچى ۇباقىتتا دۉينۅگۅ جاڭى بئر كەزەكتۉۉ جۇڭگو كوممۇنئستىك پارتئياسى بوربوردۇق كومىتەتى ساياسئي بئيۇروسۇنۇن تۇرۇقتۇۇ مۉچۅلۅرۉنۉن العاچقى جولۇ توپتۇق الدىعا چىعىشىن قابارلووعو دايىندىق كۅرۉپ جاتىشتى. ساات 11دەن 54 مئنۇت ۅتكۅندۅ، شئى جئنپىڭ قاتارلۇۇلار قىزۇۇ قول چابۇۇلاردىن قوشتووسۇندا زالعا كىردى، كۅتۅرۉنكۉ روحتا، جىلۇۇ ماانايدا مايدانداعى جۇڭگو جانا چەت ۅلكۅلۉك قابارچىلارعا ۇرماتىن بئلدىردى.

جۇڭگو كوممۇنئستىك پارتئياسى 19- قۇرۇلتايىنىن ماالىمات بىلدىرۉۉچۉسۉ تو جىن قىسقاچا تاانىشتىرعاندان كىيىن، شئى جئنپىڭ زارىل سۅز سۉيلۅدۉ. ال الدى مەنەن مىنا بۇلاردى بئلدىردى: كەچە كۉنۉ جۇڭگو كوممۇنئستىك پارتئياسىنىن 19- جولقۇ ماملەكەتتىك قۇرۇلتايى بەيجىندە جابىلدى. بۇل جولۇ كۅپتۅگۅن قابارچىلار كەلىشتى، كۅبۉ الىستان كەلگەن. كۅپچۉلۉك جىينالىشتى جوعورۇ داراجادا، تولۇق قابارلاپ، بۉت دۉينۅنۉن نازارىن قوزعودۇ، سىلەر جاپا تارتىڭار، مەن سىلەرگە تەرەڭ ىراازىچىلىق بىلدىرەم.  

  شئى جئنپىڭ مىنا بۇلاردى كۅرسۅتتۉ، ۅتكۅن بەش جىلدا، بئز كۅپتۅگۅن قىزماتتاردى ىشتەدىك، كەەلەرى اتقارىلسا، كەەلەرىن ۇلاندۇۇ ىشتەيبىز. جۇڭگو كوممۇنىستىك پارتئياسىنىن 19- قۇرۇلتايىندا جاڭى نئشااندار جاڭى مىلدەتتەر داعى ورتوعو قويۇلدۇ، بئز بئركەلكى بەكەم قارماپ جاقشى جۉزۅلۅشتۉرۅبۉز. ۇزۇن مەزگىلدىك چىمىرقانانۇۇ ارقىلۇۇ، جۇڭگوچو سوتسىيالىزىم جاڭى دوورعو كىردى. جاڭى دووردو جاڭى روح مااناي، وشوندوي ەلە جاڭى اراكەتتەر بولۇۇسۇ كەرەك. جۇڭگو كوممۇنئستىك پارتئياسىنىن 19- قۇرۇلتايىنان 20- قۇرۇلتايىنا چەيىنكى بەش جىل، «ەكى جۉز جىلدىق» كۉرۅش نئشاانىن ىشكە اشىرۇۇنۇن تارىحىي توعوشقون مەزگىلى، بئرىنچى جۉز جىلدىق نىشاان ىشكە اشىرىلىپ، ەكىنچى جۉز جىلدىق كۉرۅش نئشاانى باشتالات. مىندا ايرىم زارىل ۇباقىت مەرچەمدەرى بولسو بئردىن قىزماتىبىزدىن كوردىيناتى.

شئى جئنپىڭ مىنا بۇلاردى باسا كۅرسۅتتۉ، 2018- جىلى بئز ىسلاات اچىپ جىبەرۉۉنۉن 40 جىلدىعىن ۇتۇرلاپ الابىز. ىسلاات اچىپ جىبەرۉۉـــ ازىرقى زامان جۇڭگونۇن تاعدىرىن بەلگىلەي تۇرعان اچقىچتۇۇ بئر چاارا، 40 جىلدىق ىسلاات اچىپ جىبەرۉۉدۅ جۇڭگو ەلىنىن تۇرمۇشۇ الدۇۇ دەڭگەەلگە جەتىپ، اقىرىندىق مەنەن بايىي باشتادى. بئز تاجىرىيبالاردى قورتۇندۇلاپ، وڭۇتتۇ بەكەم قارماپ الدىعا ىلگەرلەپ، ماملەكەتتى باشقارۇۇ سىستەماسىن جانا باشقارۇۇ قۇرباتىن زامانداشتىرۇۇنۇ ۇلاندۇۇ جىلىشتاتىپ، ار قايسى جاقتاعى ىسلااتتى تەرمەلبەي تەرەڭدەتىپ، تەرمەلبەي كەڭىرى اچىپ جىبەرىپ، ىسلاات مەنەن اچىپ جىبەرۉۉ ۅز ارا بئرىن-بئرى ىلگەرى سۉرۉپ، ۅز ارا شايكەشتىرەبىز. مەن جۇڭحۇا ۇلۇتۇنۇن ۇلۇۇ قايرا گۉلدۅنۉۉسۉنۉن ىسلاات اچىپ جىبەرۉۉ بارىشىندا ىشكە اشارىنا بەكەم ىشەنەمىن.

 شئى جئنپىڭ مىنداي دەدى: 2019- جىلى، بئز جۇڭحۇا ەل رەسپۇبلىكاسى قۇرۇلعاندىعىنىن 70 جىلدىعىن ۇتۇرلاپ الابىز. بئز جاڭى ۅنۉگۉۉ تۉشۉنۉگۉن ىزچىلدەشتىرىپ، جۇڭگو ەكونومىكاسىنىن ۇلاندۇۇ سوو ۅنۉگۉۉسۉن جىلىشتاتىپ، جۇڭگو ەلى جانا ار قايسى ماملەكەت ەلىنە نارىپ جەتكىرەبىز. بئز «13- بەش جىلدىق» جوسپوردو بەكىتىلگەن ار تۉردۉۉ مىلدەتتەردى ۇلاندۇۇ جاقشى جۉزۅلۅشتۉرۉپ، ارى كەلەچەكتەگى ۅنۉگۉۉنۉن جاڭى جوسپورۇن تۉزۉپ، ار تۉردۉۉ ىشتەردىن جالپى بەتكەي ۅنۉگۉۉسۉن جىلىشتاتىپ، بئزدىن ەل راسپۇبلىكابىزدى انسايىن گۉلدۅنتۉپ قۇدۇرەتتۉۉ قىلىپ قۇرۇپ چىعابىز.

 شئى جئنپىڭ مىنداي دەپ باسا بەلگىلەدى:- 2020- جىلى، بئز جالپى بەتكەي الدۇۇ قووم قۇرۇپ چىعابىز. جالپى بەتكەي الدۇۇ قووم قۇرۇپ چىعۇۇدا بئردا كىشى قالىپ قالبايت؛ ورتوق بايۇۇ جولۇندا، بئردا كىشى ساپتان تۉشۉپ قالبايت. بئز بۉت پارتئيا بۉت ماملەكەتتىن كۉچۉن توپتوپ، كەمباعالدىقتان ارىلتۇۇعا ات سالۇۇ مىلدەتىن چەچكىن تۉردۅ اتقارىپ، ۇبادابىزدىن اتقارىلۇۇسۇنا كەپىلدىك قىلابىز. بئز ەلدىن قووز تۇرمۇشقا بولعون ۉمۉتۉن كۉرۅشۉۉ نىشابىز دەپ بئلىپ ەستە بەكەم ساقتاپ، ەلدى ۅزۅك قىلعان ۅنۉگۉۉ ئدىياسىندا بەكەم تۇرۇپ، ەل تۇرمۇشۇنۇن ار تۉردۉۉ قىزماتتارىن قامتاماسىزداندىرۇۇ جانا جاقشىرتۇۇنۇ چىمىرقانا بەكەم قارماپ، ەلدىن ەە بولۇۇ سەزىمى، باقىت سەزىمى، قووپسۇزدۇق سەزىمىن توقتووسۇز ارتتىرىپ، جالپى ەلدىن ورتوق بايۇۇسۇن توقتووسۇز جىلىشتاتابىز. جۇڭگو ەلىنىن تۇرمۇشۇنۇن جىلدان- جىلعا انسايىن جاقشى بولورۇنا بەكەم ىشەنەم.

شئى جئنپىڭ مىنداي دەدى:- 2021- جىلى، بئز جۇڭگو كوممۇنىستىك پارتئياسى قۇرۇلعانىنىن جۉز جىلدىعىن ۇتۇرلاپ الابىز. جۇڭگو كوممۇنىستىك پارتئياسى جۇڭحۇا ۇلۇتۇنۇن تەرەڭ ماڭىزعا ەە ۇلۇۇ ىشتەرىن ۅنۉكتۉرۉۉگۅ بەل بايلاعان، جۉز جىل ۇشۇنداي تولعون كەزىنە تۇۇرا كەلەت! جۇڭگو كوممۇنىستىك پارتئياسى دۉينۅدۅگۉ ەڭ ئرى ساياسئي پارتئيا. چوڭدۇن چوڭدوي سالت-نۇسقاسى بولوت. ئش جۉزۉندۉۉلۉك جۇڭگو كوممۇنىستىك پارتئياسىنىن ەلدى باشتاپ ۇلۇۇ قوومدۇق كۅڭتۅرۉشتۉ ، وشوندوي ەلە ۇلۇۇ ۅزۉندۉك كۅڭتۅرۉشتۉ الىپ بارا الارىن تولۇق دالىلدەدى. بئز جالىندۇۇ قايراتىبىزدى تۉبۅلۉك ساقتاپ، تۉبۅلۉك ەلدىن چەكەرى، دووردۇن اۋانگارتى، ۇلۇتتۇن وپول تووسۇ بولۇۇبۇز كەرەك. پارتئيانى جالپى بەتكەي قاتااڭ باشقارۇۇ تۉبۅلۉك ۇلانات، ەچ قانداي تىنىعىپ، كىچىنە توقتوپ قالۇۇ نەەتى بولبوو كەرەك. بئز پارتئيانىن دەنەسىن چىرىتكەن ار قانداي ۋئرۇستاردى ۇلاندۇۇ تازالاپ، ئستىلى تۇۇرا ساياسئي ەكولوگىيانى زور كۉچ مەنەن باردىققا كەلتىرىپ، بۉتكۉل پارتئيانىن وڭ ەنەرگىياسى ارقىلۇۇ بۉتكۉل قوومدو جۇڭگونۇن ۅنۉگۉۉسۉن جىلىشتاتقان قۇدەرەتتۉۉ كۉچتۉ چوعۇلتابىز.

 شئى جئنپىڭ مىنداي باسا بەلگىلەدى:- جۇڭگو كوممۇنىستىك پارتئياسى مەنەن جۇڭگو ەلى سان قىيىنچىلىقتاردان ۅتۉپ ۇشۇل كۉنگۅ جەتىپ، تىنچتىقتىن بارقىن، ۅنۉگۉۉنۉن نارقىن تەرەڭ بىلەت. جۇڭگو ەلى ۅزۉنۅ ىشەنىپ، ار-نامىستى بىلەت. جۇڭگونۇن ماملەكەت ەگەمەندۉۉلۉگۉن، قووپسۇزدۇعۇن، ۅنۉگۉۉ تالامىن بەكەم قورعويت، وشونۇ مەنەن بئر ۇباقىتتا ار قايسى ماملەكەت ەلدەرى مەنەن بىرگە، بىلەسەلۉۉ تۉردۅ ادامزاتتىن تاعدىرلاش ورتوق تۇلقۇسۇن قۇرۇپ، توقتووسۇز تۉردۅ ادامزاتتىن تىنچتىعى جانا ۅنۉگۉۉ ۇلۇۇ ىشتەرىنە انسايىن زور سالىم قوشوت.

 شئى جئنپىڭ مىنداي دەدى:- تارىحتى ەل جازات، بااردىق ىيگىلىكتەر ەلگە تااندۇۇ. تەك بئز ەل اراسىنا تەرەڭ تامىر تارتىپ، ەلگە چىنىعى سۅۅنسۅك عانا، چەكسىز كۉچ تااپ، بوروون- چاپقىندارعا قاراباي، بااتىردىق مەنەن العا ىلگەرلەي الابىز. شئى جئنپىڭ ەڭ ارتىندا مىنداي دەدى:- «مئڭ ۇققاندان بئر كۅرگۅن ارتىق». قابارچىلار جۇڭگونۇ كۅبۉرۅۅك قىدىرىپ، كۅبۉرۅۅك كۅرۉپ، جۇڭگو كوممۇنىستىك پارتئياسى 19- قۇرۇلتايىنان كىيىنكى جۇڭگونۇن ۅنۉگۉپ، ۅزگۅرۉۉلۅرۉنۅ ۇلاندۇۇ كۅڭۉل بۇرۇپ، جۇڭگونۇ انسايىن جالپى بەتكەي تۉشۉنۉپ جانا قابارلاڭىزدار. بىزگە ارتىق ماقتوو سۅزدۅردۉن كەرەگى جوق، بىزگە ۇلاندۇۇ تۉردۅ وبەكتىپ تاانىشتىرۇۇ مەنەن پايدالۇۇ سۇنۇشتاردى بەرە بەرىڭىزدەر، «بىرۅۅنۉن سىرتىنا قاراي تون بىچباي، ئش- اراكەتىنە قاراپ باار بەرۉۉ كەرەك» دەگىم كەلەت. ساات 12:17 مئنوت ۅتكۅندۅ، كۅرۉشۉۉ اقىرلاشتى.

 شئى جئنپىڭ قاتارلۇۇلار جۇڭگو جانا چەت ەل قابارچىلارى مەنەن قول بۇلعالاپ قوشتوشتۇ. زال ىچىندە قايرادان دۉركۉرۅگۅن قول چابۇۇلار جاڭىردى. بوربوردۇق ەل رادىيو ىستانسىياسى، بوربوردۇق تەلە ىستانسىياسى، جۇڭگو ەل ارالىق تەلە ىستانسىياسى، جۇڭگو ەل ارالىق رادىيو ىستانسىياسى كۅرۉشۉۉنۉن ناقتىلۇۇ ابالىن تۉز ەفىردە تاراتتى، ەل تورۇ، شئنحۇا تورۇ، جۇڭگو تور تەلەسى، جۇڭگو تورۇ، ەل گەزىتى ابونتتور تەرمىنالى، شئنحۇا اگەنتتىگى ابونتتور تەرمىنالى، بوربور تەلەسى اقپارات ابونتتور تەرمىنالى داعى تۉز ەفىردە تاراتتى.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.