باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ماملەكەتىبىزدىن جەر-جەرلەرىندەگى جاشىلچا بازارى جانا ار بئر شااردىن ۅزۉنۅ تاان تۇرمۇش ىرعاعى
   2018-05-11 21:28:30     xjbs   

  بئر قانچا جىلدان بەرى، چاقان ۅزگۅچۅ ساياقات ىڭعايى اقىرىندىق مەنەن ۅنۉگۉپ، «جەرگىلىكتەگىلەر مەنەن وقشوش تۇرمۇش ۅتكۅرۉۉ» سىياقتۇۇ سەزىنۉۉ ىڭعايىنداعى ساياقات ساياقاتچىلاردىن جاقتىرعان ىڭعايىنا ايلانعان. جەرگىلىكتىن شاار تۇرمۇشۇنا تىكە ارالاشىپ، چىنىعى سەزىنۉۉنۉن جاقشى ارعاسى، جەرگىلىكتۉۉ جاشىلچا بازارىنا بارىپ ارالاپ كۅرۉۉ.
بازار، شاار جاشوو كۉچۉ توپتولعون جەر. بۇل جەردە شااردىن پەيىلى مەنەن جاڭى بئر بەينەسى ساقتالعان. بئر شااردى قامداپ تۇرعان جاشىلچا بازارى اداتتا شااردىن ىچكى جاعىنا ورۇنداشات، بۇل جەردەن باا تالاشقان دووشتور، ادامعا كۅڭۉل تارتۇۇلاعان كۉلكۉلۅردۉ ۇعاسىز. بۇل جەردەگىلەردىن بارى شاار تۇرعۇندارى، وشوندوي ەلە بئر شااردىن قۇبانىچى مەنەن قايعىسىنىن چاقان كارتىناسى. بئر شااردىن چىنىعى ۅزۉنۅ تارتۇۇ كۉچۉن بىلمەكچى بولسوڭۇز، اندا جەرگىلىكتىن جاشىلچا بازارىن ارالاپ كۅرسۅڭۉز بولوت.

        بەيجىن: سان يۇانلئى جاشىلچا بازارى-

   بەيجىندە، سان يۇانلئى جاشىلچا بازارى ۇلامىش سىياقتۇۇ. ال بەيجىندىن ەلچىقانا رايونۇنا جايعاشقان بولۇپ، 20 قانچا جىلدان بەرى دۉينۅنۉن جەر-جەرلەرىنەن كەلگەندەردى جاشىلچا مەنەن قامداپ كەلەت. ار قايسى ناسىلدەگى ادامدار ۇشۇل جەرگە توپتولعون. بازار چوڭ بولبوسودا، بئروق باردىق كەرەكتۅۅ نەرسەڭىز تابىلات. تەك تۇۇرا تااپ جاقشى سوودالاشا الساڭىز، بۇل جەردەن ار قانداي نەرسەنى ساتىپ الا الاسىز.

   بئروق، سان يۇانلئى جاشىلچا بازارىنىن ادامدى ۅزۉنۅ ۅزگۅچۅ تارتقانى تەك باردىق نەرسە تابىلعانى ەمەس، تەسكەرىسىنچە جايمانىن ارتىنداعى ساتۇۇچۇنۇن بەكەم تۇرعان قايراتى سئزدى ۅزۉنۅ تارات. بازاردا بەكەم تۇرۇپ بۇيۇم ساتىپ جاتقاندار «دۉينۅنۉ تۉشۉنۉپ، كەڭ دۉينۅنۉ كۅرگۅندۅر» سانالات. ماملەكەتىبىزدىن ار قايسى جەرلەرىنەن كەلگەن بوربور شاارداعى جاشىلچا ساتۇۇچۇلار، اداتتاعى ادامدار كۅزگۅ ىلبەگەن بۇل كەسىپتى بەكەم قارمانىپ ۇلاندۇۇدا. الاردىن ادامعا دەگەن كۅڭۉلۉ جانا پەيىلى جاقشى. وشول ارقىلۇۇ 20 قانچا جىلدان بەرى قاردارلاردىن ىشەنىمىنە ەە بولۇپ، ۇلامىشقا ايلانعان بەيجىن سان يۇانلئى جاشىلچا بازارىن قالىپتاشتىرعان.

سۇنۇشتووچۇ جاشىلچا تۉرۉ: ساپاتتۇۇ مۅمۅ-جەمىش، تاماق اراعى، چىعىش-تۉشتۉك ازىيانىن توۋارلارى، قوزۇقارىن.

           بەيجىن نئيۇجە-

  نئيۇجە، بەيجىندەگى حۇيزۇلار قونۇشتانۇۇچۇ ەڭ اتاقتۇۇ رايون. قانچا مئڭ جىلدىق ۇلۇتتۇق مادانئيات جالعاشىپ كەلگەن. بۇل جەردىن تۇرمۇش اداتى نەگىزىنەن قويۇۇ موسۇلمانچا تۉس العان. بئر قانچا جۉز مەتىرلىك كۅچۅدۅ جاڭىلدان سويۇلعان ۇي، قوي ەتتەرىن ساتقان دۉكۅندۅر قاتارىنان ورۇنداشقان، كۅچۅ ارالاساڭىز مۇردۇڭۇزعا مايدىن جىتى كەلەت. تازا سويۇلعان ۇي، قوي ەتتەرى ئلىپ قويۇلعان، قايسى جەرىن جاقتىرساڭىز، ساتۇۇچۇعا ايتساڭىز، سىزگە كەسىپ تارازالاپ، شارتى بويۇنچا تۇۇراپ دا بەرەت. جاڭى ەتتى، سۉردۅلگۅن ەت سىياقتۇۇلاردى دا ۇشۇل جەردەن الاسىز. سۉردۅلگۅن ۇي ەتى، ىشتاپ بىشىرىلعان ۇي ەتىنەن ازىرااق ساتىپ الىپ، جۇقالاپ تۇۇراپ جەسەڭىز، جىتى اڭقىپ داامى تاڭدايدا قالىپ، تۇزدۇۇ داامى سىزگە ۉزۉر باعىشتايت.

                 شامىن 8-بازارى-

   دەڭىز تۉشۉمدۅرۉ شامىندىقتاردىن داستورعونۇندا كەم بولسو بولبويت، شامىندىقتاردان دەڭىز تۉشۉمدۅرۉن قايدان ساتىپ السا بولورۇن سۇراساڭىز، كۅپتۅرۉ سۅزسۉز 8-بازاردى ايتىشات. 8-بازاردىن ناقتىلۇۇ اتى شامىن 8-بازارى، كۅۅنۅ شامىنداعى 9 چوڭ جاشىلچا بازاردان ازىرعا چەيىن ساقتالىپ قالعان ەكى بازاردىن ئرى، ال شامىنداعى ازىرعا چەيىن ساقتالعان بايىرقى بازار، سانسىزداعان شامىن كۅۅنۅ تۇرعۇندارىنىن ەستەمەسىنە ايلانعان.

   8-بازار كۅۅنۅ شاار رايونۇنا جايعاشقان، ئماراتى ۅزگۅچۅ تۉسكۅ ەە، تۉشتۉك فۇجيان  ئماراتىنا نەگىزدەلىپ سالىنعان، 2،3 قاباتتۇۇ قۇرۇلۇش ۇزۇنعا سوزۇلۇپ، الا دۇبالدار مەنەن بايىرقى جىعاچ تەرەزەلەر بۇل شااردىن ەسكى بەينەسىن چاعىلدىرعان. ۅتكۅن قىلىمدىن 20-30-جىلدارىنان باشتاپ، بۇل جەر شامىنداعى ەڭ جاش، ەڭ ارزان دەڭىز تۉشۉمدۅرۉ جىينالىپ، تاراتىلعان جەرگە ايلاندى. 30 قانچا جىلدىن الدىندا، 8-بازار ۅنۉگۉۉ باسقىچىنا كىرگەن، ەركىن سوودانىن، بالىق ۇلوو تەحنىكاسىنىن جانا تاشىمالدوو شارت-جاعدايىن جاقشىرۇۇسۇنا ەەرچىي، دەڭىز جەەگىندەگى ۇشۇل كۅۅنۅ نازار مول بالىق تۉشۉمدۅرۉ ارقىلۇۇ شيامىن ەلىنىن جاڭى دەڭىز تۉشۉمدۅرۉنۅ دەگەن قىزىعۇۇسۇن قانااتتاندىرۇۇچۇ جەرگە ايلاندى.

  ازىرقى كۉندۅ، بۇل جەر داعى ەلە شامىندىقتاردىن ەڭ نەگىزگى دەڭىز تۉشۉمدۅرۉ قامپاسى سانالات. بۇل جەردە بالىق، دەڭىز چايانى سىياقتۇۇ سۇۇ تۉشۉمدۅرۉنۉن تۉرۉ مول، ار مەزگىلدە ۅزۉندۉك ۅزگۅچۅلۉككۅ ەە دەڭىز تۉشۉمدۅرۉ مەنەن قامدايت، تەك مەزگىلى تۇۇرا كەلسە، بۇل جەردەن ەڭ جاڭى دەڭىز تۉشۉمدۅرۉن تابا الاسىز، 8-بازار قۇدۇم تىرۉۉ سۇۇ تۉشۉمدۅرۉ ساقتالعان اجايىپقانا سىياقتۇۇ، بازارداعى بالىق، دەڭىز چاياندى تاجىرىيبالۇۇ اشپازدار بئردەن تاانىپ، اتىن اتاپ، تۉسۉن كۅرسۅتۉپ بەرە البايت.

  سۇنۇشتووچۇ جاشىلچا تۉشۉمدۅرۉ: دەڭىز جاشاڭ تۉشۉمدۅرۉ، بالىق تۉشۉمدۅرۉ، حۇاڭ شىڭجىيدىن ەتى، يئى لاڭجۇڭدۇن شەكەر پىرانىك دۉكۅنۉ، حۇييۇان بولكە دۉكۅنۉنۉن مايعا قاقتاعان بولكەسى.

                ۋۇحاندىن شۇيگوحۇ جاشىلچا بازارى.

    جەرگىلىكتەگى كۅۅنۅ بازار قاتارى، شۉيگوحۇ جاشىلچا بازارىنداعى بۇيۇمدار وشول جىلدارداعى ۇۋحاندىقتاردىن كۅزۉن اچىپ، دۉينۅنۉ تانىتقان تەرەزەسى سىياقتۇۇ. وشول جىلدارى ەلدەر تۉردۉ بۇيۇمدار بازارىنىن قانداي ەكەنىن بىلىشپەيت ەلە، گۇاڭدۇڭدۇن تاتتۇۇ داامدۇۇ چۇچۇعۇ، باتىش تۉندۉكتۉن ساپاتتۇۇ ۇي ەتىن، قوي ەتىن، ەلەكتىر شايماندارىن ۇشۇل شۇيگوحۇ جاشىلچا بازارىنان تابا الچۇ.

  زامان ۅزگۅرۉپ، دوور جاڭىلاندى، بۉگۉنكۉدۅي اچىپ جىبەرىلگەن دووردو، شۇيگوحۇ جاشىلچا بازارى مۉمكۉن جەرگىلىكتىن جاڭى، جاقشى نەرسەلەردى ساتىپ الۇۇچۇ ۅزگۅچۅ وردۇ بولبوي قالدى، بئروق بۇل جەر مۇرداعى قايناعان بازار قالىبىن داعى ەلە ساقتاپ كەلەت. بۇل جەردەگى جايمالارعا كەلسەڭىز، توپۇراعى قاعىلباعان، سۉيكۉمدۉ جۅنۅكۅي حۇڭحۇ سۇۇعالداعىن، جىتتۇۇ، تاتتۇۇ، جوون، تابىيعىي ۅسكۅن قىزىل سۇۇ رايحانىن، دىيقاندار ۅزدۅرۉ جاساعان جەرگىلىكتۉۉ داامداعى مايعا بىشىرىلعان توعولوق ەتتى كەزىكتىرە الاسىز.
  سۇنۇشتووچۇ جاشىلچا تۉرۉ: مەزگىلگە قاراي چىعۇۇچۇ قىزىل سۇۇ رايحانى، حۇڭحۇ  سۇۇعالداعى، تابىيعىي سۉردۅلگۅن ەت.

   ۇرماتتۇۇ ۇعارماندار، ماملەكەتىبىزدىن جەر-جەرلەرىندەگى جاشىلچا بازارىن، ار بئر شااردىن ۅزۉنۅ تاان تۇرمۇش ىرعاىن تاانىشتىردىق.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.