باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
«تۅۅ قۇش باعۇۇ چەبەرى» تىيە بۇحۇانىن بايۇۇ 
   2018-05-14 11:32:28     xjbs   

 جاقىندان بەرى، قۇتۇبئي وودانى دافىڭ بازارى گاۋچىياۋ قىشتاعىنداقى «تۅۅ قۇش باعۇۇ چەبەرى»تىيە بۇحۇا اقىرى تۅۅ قۇش ەكولوگىيالىق باقچاسىنىن قۇرۇلۇش جوسپور حارىيتاسىن الدى، ال قۇبانعان تۉردۅ:-تۅۅ قۇش مەكەنىن بااردىققا كەلتىرۉۉ اڭسوومعو داعى بىردەمجىي جاقىنداشقانداي بولدۇم،-دەدى.

ىستانسىيابىز قابارچىسى ۋاڭ لىچئياۋنۇن قابارى: 5-ايدىن 10-كۉنۉ، قۇتۇبئي وودانى داڭفىڭ بازارى گاۋچىياۋ قىشتاعىنداقى كىشئياڭ تۅۅ قۇش باقماچىلىعى دىيقاندار كەسىپتىك قىزماتتاشتىق كوپەراتىبى ايرىقچا دۇۇمانعا بۅلۅندۉ. 20دان اشۇۇن كوپەراتىپ مۉچۅسۉ تىيە بۇحۇا سۉيلۅگۅن تۅۅ قۇش باقماچىلىق تەحنىكاسى بئلىمىن استايدئل ۇعۇشتۇ.

 تىيە بۇحۇا مىنداي دەدى:-انىن قوشۇمچا نارقى بئر قىيلا جوعورۇ، تۅۅ قۇش باعۇۇ بئر قىيلا وڭتويلۇۇ، ەڭ العىلىقتۇۇسۇ انىن جاشوو كۉچۉ ۅزگۅچۅ كۉچتۉۉ، چۅيرۅگۅ ىلايىقتاشۇۇداعى جاقشى، وڭوي ىلاڭ تىيبەيت، ىلاڭعا قارشى تۇرۇۇ كۉچۉ داعى كۉچتۉۉ. تىيە بۇحۇا بىيىل 57 جاشتا، ال تۅۅ قۇشتاردىن تۇرمۇش اداتىن ابدان جاقشى ىيگەرگەن. 16 جىل مۇردا مىنداي ەمەس ەلە. 2002-جىلى، جۇبايى ەكۅۅ ۉيدۅكۉ مال-مۉلۉكتۉ ساتىپ، 2 ەركەك، 6 ۇرعااچى تۅۅ قۇش ساتىپ الىپ، تۅۅ قۇشتۇن جۇمۇرتقاسىن ساتۇۇ ارقىلۇۇ كىرەشە كىرگىزۉۉنۉ ويلوعون، ويلوبوعون جەردەن ساتۇۇچۇ تۅۅ قۇش ەمەس توۋارلىق قۇشتۇ ساتىپ بەرىپ، جۇمۇرتقالاتۇۇ ۅنۉمۉ جاقشى بولبوعون. تىيە بۇحۇا مىنداي دەدى:-توۋار تۅۅ قۇشتۇن اربئرىنىن بااسى بئر قانچا مئڭ يۇان، ال ەمى سورتتۇۇ تۅۅ قۇشتۇن بىرۅنۉن بااسى قانچا ون مئڭ يۇان، بئز مۇنۇ تۉشۉنبۅگۅندۉكتۅن، اياباي زىيان تارتتىق.

زىياندى جەتىشىنە تارتسادا تىيە بۇحۇا ەچ قاچان باش تارتبادى، ال ايلاناداقى تۅۅ قۇش باقماچىلىعى مەنەن الەكتەنۉۉ ويۇ بار قىشتاق تۇرعۇندارى مەنەن بىردىكتە چىمىرقانۇۇ ارقىلۇۇ اقىرىن-اقىرىن بايۇۇ جولۇن تااپ، 2010-جىلى باش بولۇپ، باقماچىلىق قىزماتتاشتىق كوپىراتىبىن قۇردۇ. باقماچىلىق كۅۅلۅمۉنۉن كەڭىرىشىنەن ۇلام، تىيە بۇحۇا چۅجۅ چىعارۇۇ ۅنۅرۉن ۉيرۅنۉۉنۉ ويلويت، بئروق چۅجۅ چىعارۇۇ تەحنىكاسىن ۉيرۅنۉۉ قىيىنچىلىقتۇۇ بولۇپ، ارقايسى جەرلەرگە چاپقىلاپ، ۅنۅر ۉيرۅنگۅندۉگۉن ايتىپ مىنداي دەيت:-جۇڭگونۇن جارىمىنان اشۇۇن جەردى قىدىردىم دەسەم دا بولوت، تۅۅ قۇش باعۇۇ ىشتەرىن سۇراشتىرسام، ەچ كىم ايتىپ بەربەدى، امال جوق، ۅنۅر ۉيرۅنۉۉ ۉچۉن تۅۅ قۇش باعۇۇچۇنۇن قول استىندا جۇمۇش ىشتەدىم، ۅنۅر ۉيرۅنۉۉ ۉچۉن ال كىشىنىن قوروو-جايىن شىپىرىپ تازالوو، قۇشقا جەم بەرۉۉ، دئزىنفىكسىيالوو قاتارلۇۇ ىشتەردىن بااردىعىن ىشتەدىم. جارىم جىلدان اشۇۇن ۇباقىتتان كىيىن، تىيە بۇحۇا تۅۅ قۇش باعۇۇ تەحنىكاسىن تولۇعۇ مەنەن ىيگەرىپ كەلەت، قىزماتتاشتىق كوپىراتىبى داعى جالاڭ عانا باقماچىلىقتى نەگىز قىلۇۇدان تۅۅ قۇشتۇ كۅبۅيتۉۉ، چۅجۅ جەتىشتىرۉۉ، كۅندۉرۉۉ، سورتۇن جاقشىلوو قاتارلۇۇ بئر تۇلقۇلاشقان كەسىپتىك قىزماتتاشتىق كوپىراتىبىنە قاراي ۅنۉگۅت. ىلگەرى ۇلاندۇۇ جوعورۇ قاراي تالپىنعان تىيە بۇحۇا كەسىپتەشكەن تۅۅ قۇش باقماچىلىق شەرىكتىگىن قۇرۇۇنۇ ورتوعو قويعوندو كەڭەشتىن مويۇندووسۇنان ۅتبۅگۅن.

 قىزماتتاشتىق كوپىراتىبىنىن مۉچۅسۉ ۋاڭحوڭ مىنداي دەدى:-ال كەزدە باارىبىز وپۇرتال چوڭ بولۇپ كەتەبى دەپ، قارجى سالۇۇعا ىنانباعانبىز. تىيە بۇحۇا ۅزۉ قارجى جۉرۉشتۉرۅم دەپ جۉرۉپ، كۅپتۅگۅن اقچالاردى الداتىپ جىبەردى، الدانعان اقچالاردىن بااردىعىن ۅز ۉستۉنۅ الدى. ازىر شەرىكتىك جاقشى ۅنۉكتۉ، بئز داعى نارىپ الىپ جاتابىز، ازىر بااردىق كىشى تىيە بۇحۇاعا سۇقتانىشات. بۉگۉنكۉ كۉندۅ، تىيە بۇحۇانىن كىشئياڭ تۅۅ قۇش باقماچىلىعى دىيقاندار قىزماتتاشتىق كوپىراتىبىندە 80 سورتتۇۇ تۅۅ قۇش بار، جىلىنا باعىلۇۇ چەنەمى 2مئڭ ايلاناسىندا، جىلدىق ۅندۉرۉش نارقى 5 مئللىيون يۇانعا بارات، كوپىراتىپ مۉچۅلۅرۉنۅ جىلىنا ورتوچو 100مئڭ يۇاندان پايدا الات.

 قىزماتتاشتىق كوپىراتىبىندەكى تۅۅ قۇشتۇن ەتى، جۇمۇرتقاسى، تەرىسى، ساڭوورۇ قاتارلۇۇلاردىن بااردىعى الىستاقى بەيجىن، شاڭحاي، شاڭگاڭ وشوندوي ەلە قازاقىستان، قىرعىزىستان قاتارلۇۇ جەرلەرگە ساتىلات. بىيىل، تىيە بۇحۇا تۅۅ قۇش ەكولوگىيالىق باقچاسىن قۇرۇۇنۇ پئلانداپ جاتات، ال مىنداي دەدى:-كۉرۅش قىلۇۇنۇن ۅزۉ باقىت، قىيىنچىلىققا جولۇققاندا ماانايىم تۉشۉپ، كۅزۉمۅن جاش اققانى مەنەن بئروق چۅجۅلۅر چىققاندا ابدان قۇبانىپ كەتەم. قىردارلار بئزدىن تۅۅ قۇش جۇمۇرتقاسىنىن قابىعىن كۅركۅم ۅنۅر بۇيۇمۇ قىلىپ جاساپ، تۉشۉمدۅردۉ ماقتاعاندا اياباي سىيمىقتانىپ كەتەم. بۇل مەنىن كۉرۅشۉۉمدۉن ناتىيجاسى، باقىتقا قول جەتكىردىم.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.