باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
اقسۇۇ ايماعى 3 مئللىيون 390 مئڭ ادام ىرەت ساياقاتچى توسۇپ الىپ، ساياقات كىرەشەسىنەن جالپى 1 مئللىتارت 700 مئللىيون يۇان تاپتى
   2018-08-06 18:06:23     xjbs   

الدىنقى جارىم جىلدا، اقسۇۇ ايماعى 3 مئللىيون 390 مئڭ ادام ىرەت ساياقاتچى توسۇپ الىپ، ساياقات كىرەشەسىنەن جالپى 1 مئللىتارت 700 مئللىيون يۇان تاپتى. 

  بىيىل الدىنقى جارىم جىلىندا، اقسۇۇ ايماعى جالپى 3 مئللىيون 392 مئڭ 300 ادام ىرەت ساياقاتچى كۉتۉپ الىپ، ساياقات كىرەشەسىنەن جالپى 1 مئللىيارت 695 مئللىيون يۇان تااپ رايون ەكونومىكاسىنىن ۅنۉگۉۉ تۇرۇقتۇۇلۇعۇنا كۉچتۉۉ قىيمىلداتقىچ كۉچ قوشتۇ. 

 ىستانسىيابىز قابارچىسى ياڭ جىيانچىياۋ، اقسۇۇ رادىيو ىستانسىياسىنىن قابارچىسى شىياۋچۉن، باي رادىيو ىستانسىياسىنىن قابارچىسى سۇي يۇيوڭدۇن قابارى:

 جاي كىرگەندەن بەرى، ار كۉنۉ باي وودانى قىزىل مئڭ ۉي كۅرك رايونۇنا بارۇۇچۇ ماملەكەت ئچى-سىرتىنداعى ساياقاتچىلاردىن اياعى ۉزۉلبۅدۉ، گەرمانىيالىق ساياقاتچى شۇماحەر ۉي-بۉلۅۅسۉندۅكۉلۅردۉ ەرچىتىپ بئرىنچى جولۇ جۇڭگۇعو ساياقاتتاپ كەلدى، نئشان جەرىنىن بئرى بولعونۇ شئنجاڭ باي وودانىنداعى قىزىل مئڭ ۉي بولعون: «بئزدىن شئنجاڭعا كەلۉۉبۉز نەگىزىنەن بۇل جەردىن مادانئياتىن جانا تارىحى توومدورۇن تۉشۉنۉۉ، شئنجاڭدىن تارىحى مادانئياتى ۇزۇن، كۅپتۅپ سەزىنۉۉبۉزگۅ جانا ۉيرۅنۉۉبۉزگۅ ارزىيت.

شئنجاڭعا كەلگەلى بئر قانچا كۉن بولدۇ، جۇڭگونۇن تارىحىن جانا مادانئياتىن كۅبۉرۅۅك تۉشۉنۉۉنۉ ۉمۉت قىلابىز.»- دەدى. جاقىنقى جىلداردان بەرى كۇچار وودانىنىن ساياقاتچىلىقتا اتاق-داڭقى ۇلاندۇۇ جوعورۇلووسۇنا ەرچىي، كۅپتۅگۅن ساياقاتچىلار اتىن ۇعۇپ كەلىشكەن.

كۇچار ۋاڭ وردوسۇ مادانئي ەستەلىك وردۇ ،كۇسەن اجايىپقاناسى، چئڭ دوورۇنداعى سەپىل قاتارلۇۇ تارىحى گۇمانتاردىق بايىرقى ۇراندىلارعا قاراتا تارىحتى سۉيۉۉچۉلۅر مەەرىن ۉزۅ البادى. چوڭچئڭدىك ساياقاتچى لۇ سوڭدوڭ مىنداي دەدى: «شئنجاڭدىقتار مەيماندوس ەكەن، كۉرۉنۉشۉ داعى قووز ەكەن، قان وردوسۇن كۅرۉپ كۅپتۅگۅن تارىحتى تۉشۉنۉپ الدىق.» ۇچۇردا، كۇچار وودانى كۇسەن مادانئيات ساياقات ماركەسىن ۇلاندۇۇ اچىپ ۅنۉكتۉرۉپ، ماملەكەتتىك تارىحى مادانئيات كۅچۅسۉن، سۇۇباشى بايىرقى شاارچاسى، قىزىلقارعا وت بەلگى وردۇ سىياقتۇۇ ۅزگۅچۅ ساياقات كۅرك رايونۇ نەگىزكى جابدۇۇلار قۇرۇلۇشۇن، ۇنۇۋەرسال ساياقات تەيلۅۅ جۅندۅمۉن ۇلاندۇۇ جوعورۇ كۅتۅرۉۉنۉ باچىمداتقان. وشونۇ مەنەن قاتار، كۇچار وودانى گۇاڭدوڭ، جەجىياڭ سىياقتۇۇ 10 ۅلكۅ مەنەن ساياقات كەلىشىمىن تۉزۉشۉپ، كۇچار وودانىنىن ساياقات دۇۇماندۇلۇعۇن داعى بئر دەمجىي جوعورۇ كۅتۅرگۅن.

 كۇچار ووداندىق ساياقات مەكەمەسىنىن قىزماتكەرى سۇن فىڭجىن مىنداي تاانىشتىردى: «2018- جىلى ساياقات نەگىزكى جابدۇۇلارىن جانا كەسىپتەنۉۉچۉلۅردۉ تاربئيالوونۇ داعى بئر دەمجىي جوعورۇ كۅتۅرۉپ، 10 شاارچانى ساياقاتتوو كۇسەن-كۇچار جەلەلەش قىيمىلىن قۇلاچ جايىلتىپ، ساياقات ارنالۇۇ پويۇزۇ جانا رايوندۇن ۇچاقتى كۅتۅرۅ الۇۇ قىيمىلىنا توقتوم تۉزۉشتۉك، جالپى جونۇنان العاندا ساياقاتچىلاردىن سانى كۅبۅيۉپ جاتات.» بىيىلدان بەرى، اقسۇۇ ايماعى «جىبەك جولۇ بايىرقى كۉسەن، سىردۇۇ اقسۇۇ» ساياقات وبراز ماركەسىن ۉگۉتتۉپ جالپىلاشتىرۇۇ، «10 شاارچا بىرلەشمە اراكەتكە كەلۉۉ» ساياقاتتى ۉگۉتتۅۅ ساتۇۇنۇ جىلىشتاتۇۇ جەلەلەش قىيمىلىن قۇلاچ جايىلتۇۇ ارقىلۇۇ، اقسۇۇنۇن ساياقاتچىلىقتاعى اتاق-داڭقىن جانا تااسئر كۉچۉن ۇلاندۇۇ كەڭىرتكەن.

اقسۇۇ ايماقتىق ساياقات مەكەمەسىنىن باشچىسى داي شىڭجۉن قابارچىعا، كىيىنكى ارىمدا، اقسۇۇ ايماعىنىن 3 چوڭ ساياقات ۅزۅكتۉۉ رايون قۇرۇلۇشۇن جانا ساياقات ارنالۇۇ پويۇزۇ، ۇچاقتى كۅتۅرۅ الۇۇنۇ جالپىلاشتىرۇۇنۇ ۇلاندۇۇ ىمەرچىكتەپ، ايماقتىن ساياقات ماركەسىن جاراتۇۇ قىزماتىن كۉچۅتۅ تۇرعانىن ايتىپ مىنداي دەدى:

 «اقسۇۇ شاارىن تۉشتۉك شئنجاڭ ساياقاتچىلىعىنداعى چوعۇلتۇپ تاراتا تۇرعان بوربور قىلۇۇداي نئشانعا جاقىنداشىپ، كۇسەن دۉينۅلۉك مادانئيات مۇراستارى ساياقات ۅزۅكتۉۉ توپتولعون رايون، 3- چوڭ ۅزۅكتۉۉ رايون تەمىر دۉينۅلۉك تابئيعى مۇراس ساياقات ۅزۅكتۉۉ توپتولعون رايون، قاتىشتۇۇ كۅرك رايوندوردۇ، مەيمانقانا، ساياقات كوپىراتىپتەرىن ايداقتاي تۇرعان جۇمشاق-قاتۇۇ قۇرۇلۇشتۇ ۇلاندۇۇ قۇرۇپ چىعىپ، اقسۇۇعا كەلگەن ساياقاتچىلاردى قۇبانتىپ، ىراازى قىلىپ جولعو سالابىز.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.