باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
گۉل دەڭىزى نارات «ساياقات+ايىل-چاربا»نى كەڭىرتىپ، ساياقاتتى تۉرتمۅكتۅپ جەرگىلىككە نارىپ جەتكىردى
   2018-08-20 12:24:52     xjbs   

 

گۉل دەڭىزى نارات «ساياقات+ايىل-چاربا»نى كەڭىرتىپ، ساياقاتتى تۉرتمۅكتۅپ جەرگىلىككە نارىپ جەتكىردى.

 ۇچۇردا ىلەدەگى گۉل دەڭىزى نارات كۅرك رايونۇنۇن 2 مئڭ مودوقۇ گۉلۉ قۇلپۇرا اچىلىپ، «ساياقات+ايىل-چاربا» ىڭعايى جەرگىلىكتىن ساياقات ۅنۉگۉۉسۉن تۉرتمۅكتۅۅدۅن سىرت، جەرگىلىككە نارىپ جەتكىرىپ جۇمۇشقا ورۇنداشۇۇ وڭۇتۇن جاراتىپ بەردى:

ىستانسىيابىز قابارچىسى چايلئندىن قابارى:

ىلەدەگى گۉل دەڭىزى نارات كۅرك رايونۇنا كىرسەڭىز، ۋەربەنا، باقىت گۉلۉ، رىم بايچەچەگى سىياقتۇۇ گۉلدۅر قۇلپۇرۇپ اچىلىپ، ايلانادا جىپار جىت اڭقىپ، كۅرگۅندۉن كۅز جووسۇن الات. سىچۇاندىق ساياقاتچى لىيۇ شىياڭجۉن مىنداي دەدى: بۇل جەردىن گۉلدۅرۉ ابدان قووز، سورتۇ دا كۅپ ەكەن. اداتتا قىزمات مەنەن شاشىلىش بولوبۇز، مىنداي جەرگە كەلىپ ەس الساق، كۅڭۉلۉبۉز كۅتۅرۉلۉپ ەركىن بولوت ەكەنبىز. اقسۇۇلۇق ساياقاتچى يەن حۇڭ مىنداي دەدى: اباسى دا باشقاچا ەكەن، اندان سىرت تۉرلۅردۉ كۅبۅيتكۅندۅن كىيىن، مەيلى چوڭدور بولسۇن جە بالدار بولسۇن، بارى بۇل جەرگە كەلۉۉنۉ قاالاشات.

 2017-جىلى قۇرۇلعان ىلە گۉل دەڭىزى نارات كۅرك رايونۇ، ماملەكەتتىك 5A داراجالۇۇ كۅرك رايون ىلە نارات ساياقات كۅرك رايونۇنا جاقىن جايعاشقان بولۇپ، كۅپ تۉردۉ ەس الۇۇ ساياقات ىڭعايىن بئر تۇلقۇ قىلعان ۇنۋەرسال ساياقات كۅرك توقوي باقچاسى. ۇچۇردا كۅرك رايون ۅستۉرگۅن گۉل تۉرۉ 60دان اشىپ، گۉل مەزگىلى 10-ايعا چەيىن ۇلانات، مىندان سىرت، كۅرك رايوندۇن اينەك اسما جولۇ، كۅكتۅگۉ سەلكىنچەك، اسان-ۉسۅن سىيرىلما جولۇ، چۅپتۅ موتوسەكىلت، قوزعولۇۇچۇ ۉچ بۇرۇچتۇۇ قانات سىياقتۇۇ ەس الۇۇ كۅڭۉل اچۇۇ تۉرۉ «ساياقات+ايىل-چاربا»نىن مازمۇنۇن بايىتقان.

حۇناندىق ساياقاتچى ۇۋ پانشئى مىنداي دەدى: اسان-ۉسۅن سىيرىلما جولۇنان تۉشكۅندۅ ابدان قورقتۇق، نارات گۉل دەڭىزى چىنىندا ابدان سونۇن ەكەن. بىيىلتان بەرى، ىلە گۉل دەڭىزى نارات كۅرك رايونۇ 200 مئڭ ادام ىرەت ساياقاتچى كۉتۉپ الىپ، بىلتىرقى وقشوش مەزگىلگە سالىشتىرعاندا 30 پايىز ارتقان، بىيىل الدىن بولجوو مەنەن كۉتۉپ الۇۇچۇ ساياقاقچى مۅلچۅرۉ 400 مئڭ ادام ىرەتتەن اشات ەكەن.

ساياقاتچى كۅبۅيسۅ، سوودا وڭۇتۇ دا پايدا بولوت. كۅرك رايوندۇن اش-تاماق رايونۇنۇن قىزماتكەرى امانگۉل رەزىۋان مىنداي دەدى: مۇردا ۉيدۅ وتۇرچۇمۇن، قىزماتىم جوق ەلە، ازىر گۉل دەڭىزىنە كەلگەندەن كىيىن مايانام 1800 يۇان بولدۇ، تۇرمۇشۇبۇز دا جاقشىردى.

 ىلە گۉل دەڭىزى نارات كۅرك رايونۇنۇن ورۇنباسار دىرەكتورۇ شۉ جىڭۋەي مىنداي دەدى: گۉل دەڭىزى ناراتتا 267 قىزماتكەر بار، مىندا 80 پايىزى جەرگىلىكتەگى قاراپايىم ەل، 62 قىزماتكەر بئزدىن كەمباعال قىيىنچىلىقتۇۇ تۉتۉندۅر، 42سى تۅمۅن قامسىزداندىرۇۇداعى تۉتۉندۅر، بئز جەرگىلىكتەگى كەمباعال قىيىنچىلىقتۇۇ تۉتۉندۅردۉ اقىسىز كەمباعالداردى سۅۅمۅلدۅۅ جايما وردۇ مەنەن قامدادىق، كەمباعالداردى سۅۅمۅلدۅۅ جايما وردۇندا نەگىزىنەن ۇلۇتتۇق تاماقتاردى ساتىشات جانا ۇلۇتتۇق كىيىمدەردى ئجاراعا بەرىپ تئجارات قىلىشات.

 

 

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.