باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
چالقىعان جايلوونۇن جاندۇۇ سۉرۅتۉن سىزىپ چىقتى
   2018-08-30 12:45:00     xjbs   

باش شۇجئى شئى جئنپىڭ:-جاڭى دووردو ەكولوگىيالىق مادانىيلىك قۇرۇلۇشۇن جىلىشتاتۇۇدا، سۅزسۉز ادام مەنەن تابئياتتىن شايكەشتۉۉ ورتوق جاشووسۇندا، ۉنۅمدۅۅنۉ الدىنقى ورۇنعا قويۇۇ، قورعوونۇ الدىنقى ورۇنعا قويۇۇ، تابئياتتى قالبىنا كەلتىرۉۉنۉ نەگىز قىلعان باعىتتا بەكەم تۇرۇۇ كەرەك،-دەپ كۅرسۅتكۅن. اپتونوم رايونۇبۇزدۇن جەر- جەرلەرى جايىتتاردىن ەكولوگىيالىق چۅيرۅسۉن قورعوو جانا جاقشىرتۇۇ مەنەن بىرگە، جايلوودوقۇ مالچارباچىلىقتىن ۅندۉرۉش ىڭعايىندا تەزدەن بۇرۇلۇش جاساپ، مالچىلاردى كەسىپ ۅنۉكتۉرۉۉ، قوتورۇلۇپ جۇمۇشقا ورۇنداشتىرۇۇ قاتارلۇۇ ىڭعايلاردا كىرەشە ارتتىرۇۇعا جەتەكتەدى.

 ىستانسىيابىزدىن ۇنىۋىرسال قابارى:

 باشقى كۉزدۅ، كۉنۅس وودانى نارات جايلووسۇنۇن اباسى كىشىگە جاعىشتۇۇ بولۇپ، توولورۇ جاشىلدىق مەنەن قاپتالىپ، تۉردۉۉ گۉلدۅر جايقالىپ، سۉرۅتتۅكۉدۅي قووز كۅرۉنۉشتۅر ەلەستەپ،جوون توپ ساياقاتچىلاردى ۅزۉنۅ تارتتى. حىناندىق ساياقاتچى جئحوڭ مىنداي دەدى:-بۇل جەردە اسمان كۅپكۅك، بۇلۇتتار اپپاق ، بااردىق جەر جاپ-جاشىل، چۅيرۅسۉ اياباي سونۇن ەكەن، ايرىقچا ۅزگۅچۅ تۉشۉمدۅرۉن مەن اياباي جاقتىرىپ قالدىم.

كۉنۅس وودانى ىلە دايرا قاپچىعايىنىن چىعىش تارابىنا جايعاشقان، نارات توو جايلووسۇ جانا كەڭ كەتكەن شالباا بار. جاقىنقى بئر قانچا جىلدان بەرى، ماملەكەتتىن جايلوو ەكولوگىياسىن قورعوو تولۇقتاماسى جانا شالباالاردى قورعوو ساياساتىنىن قولدووسۇندا، كۉنۅس وودانى جايلوو ەكولوگىياسىن قورعوو قۇرۇلۇشۇن كۉچۅپ جىلىشتاتىپ، سۇۇ قاينارى باشات قۇرۇلۇشۇن كۉچۅتتۉ، وشونۇ مەنەن بىرگە نارات كۅرك رايونۇ ىچىندە ماتورسۇز اپتوۇنا باشقارۇۇ جانا ارالىقتا تاشۇۇچۇ ماشىنا كىرگىزدۉۉ تۉزۉمۉن قاتااڭ اتقارىپ، كۅرك رايون ىچىندە مۇردا بار بولعون مالچىلاردىن بااردىعىن كۅچۉرۉپ، كۅرك رايونۇ جانا تۇرمۇش رايونۇن ايرىپ، 1مئللىيون 300مئڭ مو جەردەكى ساپاتتۇۇ تابئعىي جايلوو بئر قىيلا جاقشى قورعولدۇ. جاقشى بولعون ەكولوگىيالىق چۅيرۅ كۅرك رايونۇنداقى دىيقان-مالچىلاردى جۇمۇشقا ورۇنداشتىرىپ، كىرەشە ارتتىرۇۇسۇن انسايىن كۅپ مۅرت مەنەن قامدادى. ۇچۇردا، نارات جايلووسۇ ساياقات كەسىبىندە جۇمۇشقا ورۇنداشقانداردىن سانى 4مىڭدەن اشقان.

 الار نەگىزىنەن بوز ۉيلۅرۉندۅ قونوقتوردۇ كۉتۉپ الۇۇ، اتچاندار اترەتى، قول ۅنۅر بۇيۇمدارىن جاسوو،قونوق ۉيلۅر‍گۅ تەيلۅۅ جۉرگۉزۉۉ، اش-تاماق تەيلۅۅسۉ قاتارلۇۇ قىزماتتار مەنەن الەكتەنەت. مالچى پارئزات مىنداي دەدى:- مەن بۇل جەردە قازاقتاردىن ۇلۇتتۇق كىيىم-كەچەسىن ئجاراعا بەرەم، كىرەشەم جاقشى، كۉنۉنۅ 500يۇاندان 700 يۇانداي كىرەشە كىرەت، ۇلاندۇۇ چىمىرقانىپ، كىرەشەمدى داعىدا ارتتىرام.

 فۇكاڭ شاارىندا، جەرگىلىكتەكىلەر جايتتاردى باشقارىپ-قورعوونۇن جاڭىچا ىڭعايىن ۇلاندۇۇ ىلىكتەگەن، ۇچۇردا جالپى ورۇندالىپ بۉتكۅن مال كىرگىزۉۉگۅ تىيىم سالىنعان جەر 3مئللىيون موعو جەتكەن، ايرىقچا بوعدا كۅلۉ تۉيۉندۉۉ سۇۇ قاينارى باشات رايونۇندا مال كىرگىزۉۉگۅ تىيىم سالىنىپ، جاقشى قورعولۇپ، جايىتتاردىن ەكولوگىياسىنىن ناچارلاشۇۇ قىردالى نەگىزىنەن تىزگىندەلىپ، تابئعىي جايلوولوردۇن ۇنىۋىرسال ۅسۉمدۉك مەنەن قاپتالۇۇ سالىشتىرماسى 90پايىزدان اشىپ، 3مئڭ 200 تۉتۉن مالچىنىن مالى قوروودو باعىلىپ،جايىت قۇبالاپ كۅچۉپ جۉرۉۉدۅي كۅچمۅن تۇرمۇش مەنەن قوش ايتىشتى.

 فۇكاڭ شاارى جئيۇيۉنجىيە شاارچاسى مالچىلىق قىشتاعىنىن تۇرعۇنۇ ەگەن سۇلايمان جىلىنا 30مئڭ يۇاندان اشۇۇن جايىت ەكولوگىياسى تولۇقتاماسىن الات، اقچا قولۇنا تىيگەندەن كىيىن، ال ون قانچا ساان ۇي باعىپ، جىلىنا مايدا جۇمۇش ىشتۅۅ جانا سۉت ساتۇۇ ارقىلۇۇ 20مئڭ يۇاندان اشۇۇن كىرەشە تابات. ال مىنداي دەيت:-ىلگەرى بئز ارقايسى جەرلەردە توو-تاشتا كۅچۉپ جۉرچۉبۉز، ازىر بۇل جەردە ۉيۉبۉز بار بولدۇ، بىرۅبۉز مال قاراساق، بىرۅبۉز اقچا تابابىز، بالابىزدىن مەكتەپ وقۇۇسۇنا داعى وڭتويلۇۇ بولدۇ.

اراشان وودانى زالمۇتى ايىلىنىن بوعدار قىشتاعىنداقى 20 تۉتۉن مالچى جايىت ەكولوگىياسىن قورعوو تولۇقتاما سىيلىق اقچاسىن العاندان كىيىن، جەرگىلىكتەكى ۅكۉمۅتتۉن قولدوو كۅرسۅتۉۉسۉندۅ مالچىلار شاتتىعىن اچىشتى.

مالچى الئى دولدا قابارچىعا:-بئر قانچا جىلدىق ۅنۉگۉۉ ارقىلۇۇ ازىر 22قونوق كۉتۉۉ ۉيۉن سالىپ، ەكى چوڭ بوز ۉي تىككەنىن، كىرەشەسى سىزىل ارتىپ جاتقاندىعىن ايتىپ مىنداي دەدى:-ازىر ماملەكەتىبىزدىن جەڭىلدىك بەرۉۉ ساياساتتارى اياباي كۅپ، قىشتاقتا جىلىنا جايىت تولۇقتاماسىنان باارلانابىز، بئر جاعىنان مالچىلار شاتتىعىن اچىپ، بئر جاعىنان مۇزداق سۇۇ بالىعىن باعىپ، جىلدىق كىرەشەبىز 150مئڭ يۇانعا جەتتى، ىلگەركى مال قايتارعان كەزدەرىبىزگە سالىشتىرعاندا، ازىرقى تۇرمۇشۇبۇز كۅپ جاقشى، كۉنسايىن بايىپ-وڭولدۇق. بىلۉۉگۅ قاراعاندا، اپتونوم رايونۇبۇز 2016-جىلدان باشتاپ، جاڭى بئر ايلامپاداقى جايىت ەكولوگىياسىن قورعوو تولۇقتاما سىيلىق اقچا مەحانىزىمىن جولعو قويعون. ۇچۇردا، بۉتكۉل شئنجاڭدا جالپى تولۇقتاما سىيلىق اقچاسىنان 7مئلليارت 430مئللىيون يۇاندان كۅپ اقچا تاراتىلىپ، بۉتكۉل شئنجاڭداقى 300مىڭدەن اشۇۇن دىيقان-مالچىعا نارىپ جەتكىرىپ، جىلىنا اربئر تۉتۉندۉن ورتوچو كىرەشەسى 8مئڭ يۇانداي بولعون.

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.