باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
ازىيا-ەۋروپا كۅرگۅزمۅسۉ رايونۇبۇزداعى كەرقانالاردىن «سىرتقا باعىتتالۇۇ» سۇنا دەمۅۅر بولدۇ
   2018-08-30 17:06:58     xjbs   

 6- كەزەكتۉۉ جۇڭگو-ازىيا ەۋروپا كۅرگۅزمۅسۉ 8- ايدىن 30- كۉنۉ اچىلۇۇ الىندا تۇرات، 5 كەزەك جەڭىشتۉۉ ۅتكۅرۉلگۅن جۇڭگو- ازىيا ەۋروپا كۅرگۅزمۅسۉ شئنجاڭدى سىرتقا كۅرسۅتۉۉدۅكۉ زارىل كۅزنۅككۅ ايلانىپ، اپتونوم رايونۇبۇزداعى كەرقانالاردىن « سىرتقا باعىتتالۇۇ» سۇن كۉچتۉۉ دەمۅۅر مەنەن قامدادى.

ىستانسىيابىز قابارچىلارى چىن جۉلئى، لئيۇچىياڭ، پىراكتىكانت قابارچى جاۋ لئنانىن قابارى:

 حوتەن كۉن نۇرۇ چۅل اتىرگۉل چەكتۉۉ شەرىكتىگىندە، قىزماتكەرلەر قاقتاپ قۇرعاتقان اتىرگۉلدۉن جالبىراعىن ىرگەپ جاتقان ەكەن، قىلداتتىق مەنەن ىرگەپ چىققان جالبىراقتارعا ئش قوشۇپ ىشتەپ اتىرگۉل چايى، ەفىر مايى سىياقتۇۇ جەلەلەش تۉشۉمدۅردۉ جاساپ چىعىپ، بىيىلقى ازىيا ەۋروپا كۅرگۅزمۅسۉنۅ الىپ كەلدى.

 شەرىكتىكتىن باش دىرەكتورۇ لئى يۉچئڭ قابارچىعا، بىيىل ۅزدۅرۉنۉن 6- جولۇ ازىيا ەۋروپا كۅرگۅزمۅسۉنۅ قاتىشۇۇسۇ ەكەنىن ايتىپ مىنداي دەدى: «ەڭ العاچىندا كەلگەندە، تۉشۉمدۅردۉن تۉرۉ تاقتاپ ايتقاندا اتىرگۉل جانا اتىرگۉل بوتقوسۇن الىپ كەلگەنبىز، كەرقانابىزدىن تۉشۉمدۅردۉ ىزىلدەپ اچىپ ۅنۉكتۉرۉسۉنۅ ەرچىي اتىرگۉل ەفىر مايى، اتىرگۉل مايى جارىقا چىقتى، ۇچۇردا تۉشۉمدۅرۉبۉ‍ز 5 چوڭ تۉر بويۇنچا 100 قانچا تۉرگۅ جەتتى.

 ازىيا ەۋروپا كۅرگۅزمۅ ۅرۉشۉ مەنەن ماملەكەت ئچى-سىرتىندا كۅپتۅگۅن قىردارلار، سووداگەرلەر مەنەن تاانىشتىق، تۉشۉمدۅرۉبۉزدۉن بازاردى كەڭىرتۉۉسۉنۅ زور رول وينودۇ.» ازىيا ەۋروپا كۅرگۅزمۅسۉ ورتو، كىچىك كەرقانالاردىن ۅنۉگۉۉسۉن مۅرت مەنەن قامدوو مەنەن قاتار، اپتونوم رايونۇبۇزداعى چوڭ كەرقانالاردىن «سىرتقا باعىتتالۇۇ» سۇ ۉچۉن پىكىر الماشتىرۇۇ ۅرۉشۉن قۇرۇپ بەردى.

ەەلۅگۅ قاراعاندا، بىيىلقى ازىيا ەۋروپا كۅرگۅزمۅسۉنۅ 60 تان اشۇۇن دۉينۅدۅكۉ 500 كۉچتۉۉ، جۇڭگودوعۇ 500 كۉچتۉۉ، كەسىپ سالااسىنداعى سەركە كەرقانالار قاتىشۇۇنۇ بەكىتكەن. ال ەمى بۇل وزوت كەرقانالاردىن ورۇن الۇۇسۇ، ازىيا ەۋروپا كۅرگۅزمۅسۉنۉن ەل ارالاشۇۇ، ماركەلەشۉۉ دەڭگەەلىن جوعورۇ كۅتۅرۉپ ەلە قالباي، اپتونوم رايونۇبۇزداعى جەرلىك كەرقانالاردىن دۉينۅگۅ بەت الۇۇسۇن داعى بئر دەمجىي تۉرتمۅكتۅيت.

بۇل ەكى كۉندۅ، ازىيا ەۋروپا كۅرگۅزمۅسۉنۉن كۅرگۅزمۅ وردۇن ورۇنداشتىرۇۇ ناق مايدانىندا، جۇڭتاي حئمىياسى «اقىل ىدىرەكتۉۉ جۇڭتاي، كۅركۅم حئمىيا ۅنۅر جاي» باش تەماسىنداعى كۅرگۅزمۅ زالىن دىلگىرلىك مەنەن دايىنداپ جاتات.

شئنجاڭ جۇڭتاي ئمپورت-ەكىسپورت چەكتۉۉ جووپتۇلۇق شەرىكتىگىنىن ورۇن باسار دىرەكتورۇ شۉ جۉنفىڭ قابارچىعا، ۇچۇردا كەرقانا ۅندۉرگۅن PVC، كۉيدۉرگۉچ شاقار سىياقتۇۇ تۉشۉمدۅر «بئر القاق بئر جول» لەنىياسىن بويلوعون 80 دەن اشۇۇن ماملەكەت جانا رايونعو ەكىسپورتتولعونۇن ايتىپ مىنداي دەدى: «بىيىلدىن الدىنقى جارىم جىلىنداعى ەكىسپورتتولۇۇ جاعدايىنان قاراعاندا، چەنەمى جاعىندا بئر قىيلا زور ارتۇۇ بولدۇ، بىلتىر PVC دى قوشۇپ كەلگەندە 140 مئڭ تونناداي بولعون، بىيىلدىن الدىنقى جارىم جىلىندا 200 مئڭ تونناعا جۇۇق اتقاردىق.

 كىيىنكى ارىمدا افرىقا بازارى، داعى ەۋروپا بازارىندا بئر ووز اچىپ، بئزدىن PVC جانا كۉيدۉرگۉچ شاقار تۉشۉمدۅرۉبۉزدۉن ەل ارالىق بازارداعى سانى، ساپاتىن جوعورۇلاتابىز.» شئنجاڭ ەل ارالىق كۅرگۅزمۅ ىشتەرى مەكەمەسىنىن مەكەمە باشچى جاردامچىسى، كۅركۅزمۅ ىشتەرى بۅلۉمۉن باشچىسى چىن حۇامئڭ مىنداي دەدى: «بىيىل 16 ماملەكەتتى، كۅپتۅگۅن ساتىپ الۇۇچۇ سووداگەرلەردى سۇنۇش قىلدىق، وشونۇ مەنەن قاتارى قاراتمالۇۇ بولعون كەە بئر تاانىشتىرۇۇ جىينالىشتارىن ۅتكۅردۉك، كەرقانانىن، چوڭ تۉرلۅردۉن جەتەكتۅۅسۉ ارقىلۇۇ، تاراپتاردىن سوودا جە تۉر جاعىنداعى قىزماتتاشۇۇنۇ كەڭىرتتىك.»

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.