باشقى بەترادىيو ۇعۇۇىشكەرلەرسۉرۅتتۅر
ىر-كۉۉلۅرسۉرۅتتۅركىلىپتەررادىيو بەرۉۉلۅرۉن تانداپ ۇعۇۇ
جاڭىلىقتار
27- كەزەكتۉۉ جۇڭگو جىبەك جولۇ تۇرپان جۉزۉم مايرامى باشتالدى
   2018-09-06 19:03:54     xjbs   

9- ايدىن 3- كۉنۉ تۉشتۅن مۇردا 27- كەزەكتۉۉ جۇڭگو جىبەك جولۇ تۇرپان جۉزۉم مايرامى تۇرپان شااردىق ساياقات مادانئيات ەل مايدانىندا باشتالدى. ەمى ىستانسىيابىز قابارچىسى دوڭ جئيوڭ، پىراكتىكانت قابارچى شىڭ لئۋىيدىن بۇل جۅنۉندۅكۉ قابارىن ۇعۇڭۇزدار. قىيمىل ناق مايدانىنداعى جاڭى جۉزۉم جانا قۇرعاق جۉزۉمدۅردۉ باالاپ كۅرگۅزمۅلۅۅ قىيمىلى تۉركۉمدۅگۅن ساياقاتچىلاردى ۅزۉنۅ تارتتى. قىزىل، اق جەمىش جۉزۉمۉ، جالىن توو ۉرۅنسۉز جۉزۉمۉ، تاڭ شولاسى ۉرۅنسۉز جۉزۉمۉ سىياقتۇۇ 220 تۉردۉۉ جۉزۉم جانا قۇرعاق جۉزۉمدۉ كۅرگۅزمۅلۅدۉ، جەر- جەرلەردەن كەلگەن ساياقاتچىلار ۇزۇن ىرەتكە تۇرۇپ، تاتىپ كۅردۉ. شاندوڭدۇق ساياقاتچى گاۋ يە مىنداي دەدى:« ىچكەردىن جۉزۉمۉنۉن سۇۇ قۇرامى بئر قىيلا كۅپ، شئنجاڭدىن جۉزۉمۉنۉن شىرنەسى بئر قىيلا كۅپ، تااتتۇۇلۇق داراجاسى بئر قىيلا جوعورۇ ەكەن».

 حۇناندىق ساياقاتچى جياڭ جئيوڭ مىنداي دەدى:« بۇل جەردە مىنداي كۅپ جۉزۉم تۉرۉنۉن بار ەكەنىن ويلوپ كۅربۅپتۉرمۉن، ايرىقچا اتىرگۉل قىزىل جۉزۉمۉندۅ اتىرگۉلدۉن جىتى بار ەكەن، انىن ۉستۉنۅ اياباي داامدۇۇ ەكەن». تاتىپ كۅرۉۉ قىيمىلىنان باشقا داعى ار تۉردۉۉ ۅزگۅچۅ ساپاتتاعى جۉزۉمدۅردۉ كۅرگۅزمۅلۅۅ ارقىلۇۇ ادامداردى ەلىكتىردى، بۇل ەڭ چوڭ، ەڭ كىچىك، ەڭ تااتتۇۇ، ەڭ قارا، داامى قىچقىل سىياقتۇۇ كۅپ تۉرلۅردۉ ۅز ىچىنە الىپ، ساياقاتچىلاردىن كۅزۉن اچىپ قويدۇ.

شانشىلىك ساياقاتچى حى دان مىنداي دەدى:« شانشئنىن جۉزۉم تۉرۉ بۇل جەردىكى مەنەن وقشوبويت ەكەن، مەن مىنداي جاقشى، مىنداي قارا جۉزۉمدۉ بئرىنچى جولۇ كۅرۉشۉم، اياباي كۅركۅم ەكەن». بىلۉۉگۅ قاراعاندا، بۇل كەزەكتۉۉ تۇرپان جۉزۉم مايرامى «تۇرپاندىن جۉزۉمۉ بىشتى» دەگەندى نەگىزگى تەما قىلعان بولۇپ، 9- ايدىن 5- كۉنۉنۅ چەيىن ۇلانات ەكەن.

 كىيىنكى ارىمدا بۇيلۇق جۉزۉم قۇرعاتۇۇ، جۉزۉم جەەش جارىشى، جۉزۉم اراعىن كۅرگۅزمۅلۅپ باالوو، قۇم توو چۅلدۉگۉندۅ جۉرۉۉ سىياقتۇۇ 13 تۉردۉۉ قىيمىل ۅتكۅرۅت ەكەن. تۇرپان شااردىق ساياقات مەكەمەسىنىن باشچىسى ان جئنچاڭ مىنداي دەدى:«جۉزۉم مايرامىن كۅرك رايونۇنا چەيىن الىپ بارىپ، ساياقاتچىلارعا جۉزۉم مايرامىن سەزىندىرەبىز، داعى بئر جاعىنان ايرىم- ايرىم شئى- ان جانا چاڭشيادا جۉزۉم مايرامىنىن تارماق مايدانىن ورۇنداشتىرىپ، تۇرپاندىن ساياقات بايلىعىن، ساياقات تۉشۉمۉن جانا ساياقات لەنىياسىن ۉگۉت قىلدىق».

بايلانىشتۇۇ ماقالا
ىرلار
سايتتىن باسما ۇقۇعۇ شئنجاڭ ەل رادىيو ئستانسىياسىنا تااندىق
بۇل سايتتان ۇرۇقساتسىز ماالىمات الۇۇعا بولبويت.